Бүгенге тапшыруда катнашучы дусларыбыз каникулны файдалы уздырулары турына сөйли. Аларның күбесе авылга әби- бабалары янына кайтып, аларга булышып, авыл һавасын сулап ялларын табигатьтә уздыруны кулай күрә икән. Әйдәгез, үзләрен тыңлап, каникул мизгелләре турында ишетик.
Фатих Әмирхан. “Фәтхулла хәзрәт”. Моноспектакль.
Бүгенге тапшыруыбызны без “Ябалактан чыккан былбыл кош” дип исемләдек. Кайбыч районының Ябалак авылында дөньяга килгән бөек бер шәхес, татар халкының данлыклы улы Латыйф Хәмидигә багышлана. Сез инде беләсездер: Латыйф Хәмиди – композитор, педагог, дирижер, казакъ профессиональ музыкасына нигез салучыларның берсе, Казакъстанның Көләш Байсәетова исемендәге дәүләт премиясе лауреаты.
Лениногорскидан Әнисә апа Шакирова хезмәт юлын Ромашкино нефть ятмасын ачкан данлыклы 3 нче скважинада башлаган һәм 40 елдан артык нефть объектларында эшләгән, күп бүләкләргә лаек булган. Ветеран белән әңгәмә.
“Июль аенда бакча эшләре”. Танылган бакчачы Фарсель Зыятдинов белән туры элемтәдә әңгәмә.
Музыкаль мизгелләр – һәр эш көнендә иртән безнең эфирда республикабыз композиторларының иң яхшы әсәрләре, халкыбызның яраткан җырлары яңгырый.