23 гыйнвар. «Татарстан дулкынында».

книги

“Үземнең бөтен иҗатым, тормышым белән мин халкымның бөеклеген исбат итәчәкмен”. Бу юлларны күренекле язучы, популяр тарихи романнар авторы Нурихан Фәттахның тормыш девизы дип әйтсәк тә буладыр. Әйе, аның турыда һәркем, ул беренчеләрдән булып, халкыбызның күзен ачучы, йокыдан уятучы, безне борынгы бабаларыбыз, тамырларыбызга таба юнәлтүче булды дип искә ала.

Узган атнада Татарстан Милли китапханәсендә халык язучысы Нурихан Фәттахның тууына 90 еллыгы хөрмәтенә язучыны искә алу кичәсе үтте. Кичәдә күренекле язучылар Разил Вәлиев, Рабит Батулла, Роберт Миңнуллин, Хатыйп Миңнегулов, Эльмира Шәрифуллина, Нәҗибә Сафина һәм башкалар катнашты.Шулай ук бирегә үз вафат булгач аның иҗатын өйрәнеп, хезмәтләрен дөньяга чыгаруда күп көч куйган ханым – әдипнең тормыш иптәше Руфинә Фәттахова да килгән иде. Чыгыш ясаучылар да язучының архивын кадерләп саклаган һәм иҗатын актив пропагандалаган Руфинә Фәттаховага рәхмәт сүзләрен җиткерделәр.

Кичә барышында язучының рус теленә тәрҗемә ителгән «Свистящие стрелы», «Итиль-река течет» китаплары тәкъдим ителде. Татарстан китап нәшрияте җитәкчесе Илдар Сәгъдәтшин бер ел эчендә Нурихан Фәттахның өч китабы басылуын хәбәр итте. Бу китапларны русчага тәрҗемә иткән, Нурихан Фәттах иҗаты буенча диссертация язган галимә Резеда Хәйретдинова рус телендә тәрҗемәләрнең күптән кирәклеген, чит республикаларда яшәүче төрки халыкларның да бу тәрҗемәләрне көтүе турында сөйләде. Кичә Нурихан Фәттах яратып тыңлаган җырчылар — Зөһрә Сәхәбиева һәм Георгий Ибушевның җырлары белән үрелеп барды. Шулай ук язучының “Итил суы ака торур” романыннан сәхнәләштерелгән бер өзекне дә тыңларга насыйп булды.

Хөрмәтле, тыңлаучылар хәзер шушы кичәнең иң матур мизгелләрен сезнең игътибарга тәкъдим итәбез. Кичәне Татарстанның халык артисты Луара Шакирҗан алып бара.

 

книги библиотека

 

ZEuPqufHBMs

Добавить комментарий

Ваш e-mail не будет опубликован.

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>