7 көн

16 ноябрь. “Җиде көн”.

Атналык күзәтү. view_5852327_4240817 Бу атнада  Дубайда II Бөтендөнья Толерантлык саммиты узды. Анда катнашучылар үзара тату яшәүнең кыйммәтләрен глобаль дәрәҗәдә тарату юллары, мәдәниятләр һәм диннәр арасында конструктив диалог турында фикер алышты. Саммитны ачу тантанасында Татарстан Президенты Рөстәм Миңнеханов та катнашты. Инвестицияле климат торышының илкүләм рейтингында  Республика күрсәткечләре тикшерелде. Бу турыда сөйләшү  Татарстан Министрлар Кабинеты утырышы кысаларында узды. Чәршәмбедә   Татарстан Президенты Рөстәм Миңнеханов Түбән Кама шәһәрендә булды. Биредә ул «Түбән Кама нефтехим»ның беренче генераль директоры Николай Лемаевның тууына 90 ел тулуга багышланган тантаналарда катнашты. Киләсе очрашуларга кадәр! Исән-имин булыгыз!

9 ноябрь. “Җиде көн”.

Атналык күзәтү. единство Шимбә көнне, гадәттәгечә, эфирда – “7 көн” информацион тапшыруы. Бу атна республикабыз халкы өчен кыска эш атнасы булды. 4 ноябрьдә  Россиядә Халыклар Бердәмлеген билгеләп үттеләр, ә 6 ноябрь көнне — Татарстан Конституциясен кабул итүне бәйрәм иттек.  Эш көннәре саны азрак булса да, атна вакыйгаларга бай булды. https://cloud.mail.ru/public/4p9h/3hs8NHMwQ

2 ноябрь. “Җиде көн”.

Атналык күзәтү. Татарстан Илебездә бәйрәм көннәре башланды. 4 ноябрьдә — иң яшь дәүләт бәйрәмнәренең берсе — Халыклар бердәмлеге көне  билгеләп үтелә. Ил халкы башта өч көн рәттән ял итәчәк. 6 ноябрьдә — Татарстан Конституциясе көне. Бу атнада Татарстан Министрлар Кабинетында 2019 елда урып-җыюга  йомгак ясадылар. Очрашу вакытында урып-җыю эшләренә нәтиҗә ясаудан тыш, авыл хуҗалыгы продукциясенә бәяләр, тармакта эшләүчеләргә ярдәм итү чаралары турында да сөйләделәр.

26 октябрь. “Җиде көн”.

Атналык күзәтү. парламент Бу атнада Татарстан Дәүләт Советының дүртенче утырышы булды. Аның эшендә Татарстан Дәүләт Киңәшчесе Минтимер Шәймиев, Премьер-министр Алексей Песошин һәм башка рәсми затлар катнашты. Утырыш парламент җитәкчесе Фәрит Мөхәммәтшин рәислегендә узды. Көн тәртибенә чыгарылган 25 мәсьәлә арасыннан  «2020 елга, 2021 һәм 2022 еллар план чорына Татарстан Республикасы бюджеты турында»  закон проекты, һичшиксез, иң төп мәсьәләләрнең берсе иде.

19 октябрь. “Җиде көн”.

Атналык күзәтү. ТВ цифра Бу атнада Россиядә  цифрлы эфир телетапшыруларына күчүнең соңгы этабы башланды. Дүшәмбедән яңа форматка Татарстан һәм илнең тагын 20 төбәге күчте. Бу атнада Казанда «Газпром» җәмгыяте белән Татарстан предприятиеләре арасында хезмәттәшлекне үстерүнең перспектив юнәлешләренә багышланган киңәшмә булды. Моның өчен Татарстанга «Газпром» Идарә рәисе урынбасары Виталий Маркелов килде. Бу көннәрдә Казанда World Urban Parks Бөтендөнья конгрессы уза. Анда парклар һәм иҗтимагый киңлекләрне оештыру буенча иң яхшы тәҗрибәләр белән уртаклашалар. Конгрессны ачу тантанасы кичә Татарстан җитәкчелеге катнашында булды.  

12 октябрь. “Җиде көн”.

Атналык күзәтү. view_5727887_4167967 Октябрь аеның икенче якшәмбесе Россия Президенты Указы белән авыл хуҗалыгы    һәм эшкәртү сәнәгате  хезмәткәрләре көне буларак билгеләп үтелә. Димәк,  иртәгә – 13 октябрьдә – игенчеләр, терлекчеләр,  безне азык-төлек белән тәэмин итүгә  өлеш кертүче башка һөнәр ияләре котлау сүзләрен кабул итәчәк. Сишәмбе көнне «Корстон» кунакханә сәүдә-күңел ачу комплексында Авыл хуҗалыгы һәм эшкәртү сәнәгате хезмәткәрләре көне уңаеннан тантана үткәрелде. Чарада Татарстан Президенты Рөстәм Миңнеханов катнашты. Бу атнада чәршәмбедә Чаллыда Машина төзүчеләр көненә багышланган чаралар уздырылды. Тантана кысаларында  КАМАЗның беренче генераль директоры Лев Васильевка бюст ачылды.

5 октябрь. “Җиде көн”.

Атналык күзәтү. Ислам мус Болгар Ккоран Бу атнада Татарстанга Россия Президентының Идел буе федераль округындагы Вәкаләтле вәкиле Игорь Комаров килде. Беренче көнне ул Болгарда республиканың Дәүләт киңәшчесе Минтимер Шәймиев озатуында борынгы шәһәр объектлары, туристларны кабул итү өчен булдырылган инфраструктура белән танышты. Кичә Казан Ратушасында Россия Президентының Идел буе федераль округындагы Тулы вәкаләтле вәкиле каршындагы совет утырышы булды. Анда Татарстанның туристлык потенциалы тәкъдим ителде. Октябрь аен  без Халыкара өлкәннәр көнен билгеләп үтү белән башлап җибәрәбез. Гадәттәгечә, республикабызда ул зурлап, ункөнлек  итеп оештырыла. Өлкән яшьтәгеләр өчен бу арада социаль  акцияләр, мәдәни  чаралар үткәрелә. Бүген укытучыларыбыз үзләренең һөнәри бәйрәмнәрен   билгеләп үтә. https://cloud.mail.ru/public/47ds/oAYKosh14

28 сентябрь. “Җиде көн”.

Атналык күзәтү. Минниханов Бу атнада Казанда 6-нчы чакырылыш Татарстан Республикасы Дәүләт Советының икенче һәм өченче  утырышлары булды. Чәршәмбе көнне Татарстан Президенты Рөстәм Миңнеханов яңа чакырылыш депутатларына Еллык Юллама белән мөрәҗәгать итте. Шул ук көнне төштән соң Татарстан Республикасы Дәүләт Советының өченче утырышы узды. https://cloud.mail.ru/public/5qsj/2j3mvA5Y6

21 сентябрь. “Җиде көн”.

Атналык күзәтү. парламент Мухаметшин Бу атна вакыйгалары республиканың бүгенге тормышына шактый яңалыклар китерде.  8нче сентябрьдә узган сайлаулар нәтиҗәләре, бер яктан, яңа 6нчы чакырылыш Дәүләт Советы составын формалаштырса, икенче яктан,  район хакимиятләре, министрлык һәм ведомство идарәләренә дә күп үзгәрешләргә сәбәп булды. Ә кичә, 20нче сентябрьдә,   алтынчы чакырылыш Татарстан Дәүләт Советының беренче утырышы булды. Анда Татарстан Дәүләт Советы Рәисен һәм аның урынбасарларын, шулай ук комитет җитәкчеләрен сайладылар. 25 сентябрьдә VI чакырылыш Татарстан Дәүләт Советының икенче утырышында республика Президенты Рөстәм Миңнеханов Парламентка еллык юллама белән мөрәҗәгать итәчәк.

14 сентябрь. “Җиде көн”.

Атналык күзәтү. vybory Узган якшәмбедә ТР Дәүләт советы депутатларын сайлаулар узды: «Бердәм Россия» партиясе, 72,4 процент тавыш җыйды. Сайлаулар тәмамлану уңаеннан, Татарстан Республикасы Президенты Рөстәм Миңнеханов Татарстан халкына мөрәҗәгать итте. 6нчы чакырылыш Татарстан Дәүләт Советының  беренче утырышы 20 сентябрьдә узачагы, анда ТР Дәүләт Советы рәисен һәм аның урынбасарларын сайлау мәсьәләләре каралачагы билгеле булды. Чәршәмбе көнне Татарстанга Архитектура буенча абруйлы халыкара премиягә нигез салучы принц Кәрим Ага Хан 4нче килде. Галиҗәнаб Кәрим Ага Хан Болгарны, Казан Кремлен карады, архитектура өлкәсендә премия тапшырылу уңаеннан махсус почта маркасы чыгаруда Дәүләт кинәшчесе Минтимер Шәймиев белән бергә катнашты. Шулай ук ул архитектура буенча халыкара премия ияләрен бүләкләү тантанасында катнашты. Республика кырларында урып-җыю эшләре ахырга якынлаша. Уңыш күләме буенча беренче урында Актаныш, Арча, Минзәлә, Буа һәм Тәтеш районнары. Республикабызда традицион көзге авыл хуҗалыгы ярминкәләре үз эшен башлап җибәрә. Сәүдә атна саен шимбә көнне 15 мәйданчыкта оештырылачак. Бу һәм башка яңалыклар белән сез “Җиде көн” мәгълүмати программасында таныша аласыз.