7 көн

14 сентябрь. “Җиде көн”.

Атналык күзәтү. vybory Узган якшәмбедә ТР Дәүләт советы депутатларын сайлаулар узды: «Бердәм Россия» партиясе, 72,4 процент тавыш җыйды. Сайлаулар тәмамлану уңаеннан, Татарстан Республикасы Президенты Рөстәм Миңнеханов Татарстан халкына мөрәҗәгать итте. 6нчы чакырылыш Татарстан Дәүләт Советының  беренче утырышы 20 сентябрьдә узачагы, анда ТР Дәүләт Советы рәисен һәм аның урынбасарларын сайлау мәсьәләләре каралачагы билгеле булды. Чәршәмбе көнне Татарстанга Архитектура буенча абруйлы халыкара премиягә нигез салучы принц Кәрим Ага Хан 4нче килде. Галиҗәнаб Кәрим Ага Хан Болгарны, Казан Кремлен карады, архитектура өлкәсендә премия тапшырылу уңаеннан махсус почта маркасы чыгаруда Дәүләт кинәшчесе Минтимер Шәймиев белән бергә катнашты. Шулай ук ул архитектура буенча халыкара премия ияләрен бүләкләү тантанасында катнашты. Республика кырларында урып-җыю эшләре ахырга якынлаша. Уңыш күләме буенча беренче урында Актаныш, Арча, Минзәлә, Буа һәм Тәтеш районнары. Республикабызда традицион көзге авыл хуҗалыгы ярминкәләре үз эшен башлап җибәрә. Сәүдә атна саен шимбә көнне 15 мәйданчыкта оештырылачак. Бу һәм башка яңалыклар белән сез “Җиде көн” мәгълүмати программасында таныша аласыз.

7 сентябрь. “Җиде көн”.

Атналык күзәтү. школа Бу атнада Республика мәктәпләрендә 2019-2020 елгы уку елы башланды. Мәктәпләрдә ул традицион линейкалар белән билгеләп үтелде. Болар хакында туры эфирда  Татарстан республикасы  мәгариф һәм фән министрының беренче урынбасары Илсур Һадиуллин сөйләде. Сишәмбедә «Казан» халыкара аэропортында WorldSkills 2019да катнашучыларны каршы алдылар. Киләсе атнада дөнья чемпионаты җиңүчеләре, призерлары һәм экспертлары белән Татарстан Президенты Рөстәм Миңнеханов очрашачак. Республика районнары ныклы адымнар белән урып-җыю   кампаниясенең азагына якынлаша. Бу атнада уракны дистәгә якын район игенчеләре тәмамлады.

31 август. “Җиде көн”.

Атналык күзәтү. WS Казан үзенең оста һәм җаваплы оештыручы икәнлеген тагын бер кат бөтен дөньяга раслап күрсәтте. Бүгенге тапшыруыбызны, әлбәттә,   45нче ВорлдСкилс Чемпионаты вакыйгалары белән башлап җибәрәбез. Аның Россия өчен генә түгел, бөтен дөнья өчен ни дәрәҗәдә әһәмиятле булуын күпсанлы кунаклар раслый. Билгеле булганча, Чемпионатны ачу чарасына Россия Хөкүмәте рәисе Дмитрий Медведев килсә,  ябылыш тантанасында Россия Президенты Владимир Путин катнашты. Россия җыелма командасы  дөнья чемпионатында гомуми зачетта 22 медаль белән икенче урын алды.

24 август. “Җиде көн”.

Атналык күзәтү. WS 2019 Казанда 45нче ВорлдСкилс Чемпионаты башланып китте. «Казан-арена»да узган тантаналы ачылышта чит илләрдән, Россия хөкүмәтеннән күпсанлы дәрәҗәле кунаклар бар иде. Чарада катнашу өчен Казанга Россия премьер-министры Дмитрий Медведевның килүе әлеге вакыйганың илебез өчен зур әһәмиятен, югары статусын тагын бер кат исбатлады. Чемпионат башланган көнне Республикада тагын бер куанычлы вакыйга булды. Бу атнада республикабыз игенчеләре 2 миллион тонна ашлык суктырып алды. Барлык кырларның яртысыннан артыгында урып-җыю эшләре башкарылды. Быелгы җәйнең бер атнасы гына калып бара. Кырларда эш гөрләгән кебек үк, ата-аналарның да мәшәкатьле чагы. Укытучылар да соңгы әзерлек эшләре белән мәшгуль. Казан шәһәре мәгариф идарәсе җитәкчесе Илнар Һидиятов шәһәрнең белем бирү системасындагы быелгы яңалыклар турында сөйләде.

17 август. “Җиде көн”.

Атналык күзәтү. view_5515207_4035822 Бу атнада Республикага Россия Хөкүмәте рәисе урынбасары Виталий Мутко килде. Кичә ул Казанда берничә утырыш үткәрде. Күптән көтелгән вакыйгага – 45 нче «Ворлдскиллс» дөнья чемпионатына — 5 көн вакыт калды. Әзерлек дәрәҗәсе турында мәгълүмат. Республиканың күпчелек өлешендә явым-төшемнәрнең кими төшүе урак барышын шактый тизләтте. Республикада 1 миллион тоннадан артык уңыш  җыеп алынды. Мәгариф системасы яңа уку елы алдыннан  төп эш юнәлешләрен барлый, белем бирү стандартларын күздән кичерә. Гадәттәгечә, бу турыда төпле сөйләшү укытучыларның Республикакүләм август киңәшмәсендә була. Быелгы киңәшмәнең төп темасы – “Белем бирү сыйфатын күтәрү факторы буларак тәрбия”. Кичә “Мәскәү” мәдәният һәм спорт үзәгендә зурлап Казан телестудиясенең 60 еллыгын билгеләп үттеләр. Без дә котлау сүзләренә кушылабыз. Телевидениедә эшләүче хезмәттәшләребезгә иҗади уңышлар, тамашачылар мәхәббәте һәм озын гомер телибез!

10 август. “Җиде көн”.

Атналык күзәтү. WS 2 Күптән көтелгән һәм күптән әзерләнгән вакыйгага санаулы көннәр калып бара. Республикабыз һөнәри осталык буенча 45нче дөнья чемпионатына соңгы әзерлек эшләренә керешә. Пәнҗешәмбедә  Татарстан Президенты «Ворлдскиллс»ны уздыруда файдаланылачак объектларда булды.  Пәнҗешәмбедә ул дөнья чемпионатына әзерлек буенча республика оештыру комитетының чираттагы утырышын уздырды. Җәйнең соңгы аенда ата-аналар, гадәттә, балаларын мәктәпкә хәстәрли башлый. Үз чиратында мәктәпләрне дә укучыларны кабул итәргә әзерлиләр. Күпчелек урыннарда чираттагы уку елы башына ремонт ясалган, кайдадыр яңа мәктәп ачалар. Ә кайсыберләрендә үзгәчә белем һәм тәрбия бирү тәҗрибәсен сынап карарга уйлыйлар. Бер сүз белән әйткәндә, яңалыклар җитәрлек. Быелгы урак өсте  авыл хезмәтчәннәрен бик уңайсыз һәм борчулы  шартларда эшләргә мәҗбүр итә. Кичә Татарстан Президенты урыннардагы вәзгыять белән танышу максатыннан Сарман һәм Азнакай районнарында булды. Иртәгә мөселманнар Корбан гаетен бәйрәм итәләр.

3 август. “Җиде көн”.

Атналык күзәтү. хлеб урожай апк село 2018 Узып баручы атнаның тотрыксыз һава торышы урып-җыю кампаниясенә шактый тоткарлык ясады. Җиң сызганып эшкә тотынырга әзер торган игенченең  басу-кырларга керә алмаган көннәре шактый булгандыр бу атнада. Көн кызуында эшләве җиңел булмаса да, һава торышының уңайлануын ул сабырсызланып көтә: ашлыкның сыйфаты кими башлаганчы, тиз арада аны ындырларга алып кайтып тутырырга кирәк. Авыл хуҗалыгы һәм азык төлек министрлыгы мәгълүматларыннан күренгәнчә, республика кырларының 7 процентында уңыш җыеп алынган, ашлык күләме – 288 тонна тәшкил итә. 45 нче Worldskills дөнья чемпионатына 20 көннән азрак вакыт калып бара. Беренчедән, оештыручы буларак, республика барысын  да югары дәрәҗәдә уздыру өчен бөтен көчен куйса, икенчедән, республика командасы башкаларга да үрнәк булырлык итеп чыгыш ясарга тиеш. Сентябрьдә булачак Татарстан Республикасы Дәүләт Советы депутатларын сайлауга әзерлек дәвам итә.

27 июль. “Җиде көн”.

Атналык күзәтү. WS 3 «Ворлдскиллс» стандартлары буенча 45 нче дөнья чемпионатына бер айдан азрак вакыт калды. Аны үткәрүгә соңгы  әзерлек эшләре бара. Казан бөтен дөньядан кунаклар килүгә әзерлек эшләрен күптәннән башласа да,  оештыру эшләренә җәлеп ителгәннәрнең киеренке халәте көннән-көн арта бара, билгеле.  Шулай да чемпионатны иң дулкынландыргыч хисләр белән көтүчеләр, әлбәттә,  анда катнашучы егет-кызлар. Бу  атнада  аларның берничәсе безнең  туры эфир студиясендә булып китте. Алар чемпионатның үзләре өчен нинди роль уйнаганы турында сөйләделәр. Авыл кешесе әле кайчан гына, чәчүне уңышлы төгәлләдек, дип җиңел сулап куйган иде. Инде урып-җыю кампаниясе дә башланды. Бүгенге көндә республиканың 20 районындагы аерым хуҗалыклар урып-җыюга кереште. 10 мең 800 гектар мәйданда 36 мең 400 тонна уңыш җыеп алынган.

20 июль. “Җиде көн”.

Атналык күзәтү. Дүшәмбедә  Татарстан Президенты Рөстәм Миңнеханов эш сәфәре белән Мәскәүдә булды. Анда ул Россия Президенты каршындагы илкүләм  проектларны гамәлгә ашыру буенча Советның президиум утырышында катнашты. “Ворлдскиллс” стандартлары буенча 45 нче дөнья чемпионатына бер айлап вакыт калып бара. Аны үткәрүгә әзерлек белән бу атнада Татарстан Президенты танышты. Сэлэт дети молод лето и Пәнҗешәмбе көнне Рөстәм Миңнеханов «Сәләт» Халыкара яшьләр форумында катнашучылар белән очрашты. Бу атна биредә  дүртенче смена узды. Билгеле булганча, узган атнада бишенче чакырылыш Дәүләт Советы үз эшен тәмамлады. Дүшәмбе көнне Татарстан Парламенты Рәисе Фәрит Мөхәммәтшин депутатларның 5 еллык эшчәнлегенә нәтиҗә ясады.

13 июль. “Җиде көн”.

Атналык күзәтү. парламент Шимбә көнне, гадәттәгечә, эфирда – “7 көн” информацион тапшыруы. Татарстанның бишенче чакырылыш Дәүләт Советы үз эшен төгәлләде. Пәнҗешәмбе узган  соңгы сессия утырышында парламентның 5 еллык эшчәнлегенә нәтиҗә ясалды. Әлмәттә Татарстан Республикасы Нефть саммиты ачылды. Татарстан Республикасы Президенты Рөстәм Миңнеханов Екатеринбургта узган «Иннопром-2019» халыкара сәнәгать күргәзмәсе экспозициясе белән танышты.