7 көн

8 июнь. “Җиде көн”.

Татарстан Атналык күзәтү. Бу атнада Татарстан Президенты Рөстәм Миңнеханов эш сәфәре белән Санкт-Петербургта булды. Биредә ул Петербург халыкара икътисадый форумы чараларында катнашты. Чәршәмбедә Бишенче чакырылыш Татарстан Дәүләт Советының 48нче утырышы булды. Сессия эшендә Татарстан Президенты Рөстәм Миңнеханов, Дәүләт Киңәшчесе Минтимер Шәймиев катнашты. Утырышны Республика Дәүләт Советы Рәисе Фәрит Мөхәммәтшин алып барды. Бу ялларда  республикабыз район һәм авылларында милли бәйрәмебез  Сабантуйлар уза.  Бүген һәм иртәгә федераль Сабантуе да үткәрелә – быел ул  Новосибирскида оештырыла. Ә башкалабызда бәйрәмне 23июньгә билгеләделәр.

1 июнь. “Җиде көн”.

Атналык күзәтү. тат молод раб WS Хәерле көн, хөрмәтле радиотыңлаучылар! Гадәттәгечә,  һәр шимбә көнне бу вакытта без узып баручы атнаның иң әһәмиятле вакыйгаларына күзәтү ясыйбыз. Татарстан Президенты Рөстәм Миңнеханов Мәскәүдә «Россия Федерациясендә торак төзелешен һәм уңайлы шәһәр тирәлеген үстерү турында»гы мәсьәлә буенча Россия Федерациясе Дәүләт Советының эш төркеменең чираттагы утырышын уздырды.  Билгеле булганча, республика Президенты әлеге  эш төркемен җитәкли. Бу атнада Казанда булган VII Илкүләм «Яшь профессионаллар» чемпионатына нәтиҗә ясалды һәм киләсе инде дөньякүләм чемпионат өчен эш юнәлешләре билгеләнде. Билгеле булганча, Татарстан җыелма командасы гомумкоманда медаль зачетында беренче урынны алды. Бу атнада  Татарстан Президенты Рөстәм Миңнеханов Футбол буенча FIFA 2018 дөнья чемпионатының Россиядәге оештыру комитеты әгъзаларына Татарстан Республикасы дәүләт бүләкләре тапшырды. Тантаналы чара  Мәскәүдә булды. Бүген — 1 июнь. Җәйнең беренче көнендә ел саен балаларны котлау гадәткә кергән. 1июнь – балаларның үзләре өчен каникул, лаеклы ял башлану вакыты булса, өлкәннәр өчен  — балаларны Халыкара яклау көне, тирән мәгънәгә ия һәм үз тирәсенә гаять актуаль проблемаларны туплый. Ничек кенә булмасын, бүген җәмгыятебезнең иң әһәмиятле, иң самими кешеләрен бәйрәм белән котлыйбыз!

25 май. “Җиде көн”.

Атналык күзәтү. WS 3 Бу атнадагы көнүзәк вакыйгалар Казанда оештырылган WorldSkills илкүләм чемпионаты финалына бәйле булды. Республикабыз өчен аның чараларын югары дәрәҗәдә уздыру бик зур әһәмияткә ия, чөнки бу тәҗрибә  август аенда булачак Дөнья Чемпионатын үткәргәндә хәлиткеч роль уйнаячак. Һөнәри әзерлек мәгариф өлкәсенең иң актуаль юнәлешләренең берсе. Алган белемнәреңне киләчәктә кулланмасаң, күңелеңә хуш килгән һәм сәләтең булган шөгыльне таба алмасаң – урта һәм һөнәри белем бирү  системасы да нәтиҗәле эшләмәгән була. Бу атна барлык укучылар, аларның ата-аналары, укытучылар, гомумән, мәктәп еллары турында хатирәләрне күңелендә  кадерләп саклаучы кешеләр өчен   дулкынландыргыч булды. Бу атнада республикабыз икътисад өлкәсендәге алдынгы технологияләрне үстерү үрнәген дә күрсәтте. Иннополиста «Россия сәнәгатенең цифрлы индустриясе» дигән конференция эшләде. Пәнҗешәмбедә Ай-ти-паркта «Кайнау ноктасы — Казан» инновацияле проектын эшләү өчен яңа мәйданчык ачылды. Тантанада Татарстан Президенты Рөстәм Миңнеханов катнашты. Бүген Лаеш районының Никольское авылында «Каравон» рус халык бәйрәме уза. “Татарстанлылар республикада озак гасыр дәвамында рус, татар һәм башка милли мәдәниятләрнең тыныч яшәү һәм үзара баетылган мәңгелек мәдәни-тел һәм рухи-дини байлыкны саклап кала һәм арттыра алулары белән горурлана ала. Алга таба да шулай булсын!”, диелгән Татарстан Президенты Рөстәм Миңнехановның котлау мөрәҗәгатендә.

18 май. “Җиде көн”.

Атналык күзәтү. Хәерле көн, хөрмәтле радиотыңлаучылар! view_5199567_3803262 Россия Президенты Владимир Путинның Казанга килүе — бу атнаның иң мөһим вакыйгасы булды. Шул рәвешле ил җитәкчесе төбәкләрдә хәрби тематикага багышланган киңәшмәләр сериясен башлап җибәрде. Билгеле булганча, Һөнәри осталык буенча WorldSkills International дөнья чемпионаты Казанда 2019 елның 22-27 август көннәрендә узачак. Ә VII Илкүләм чемпионат Казанда киләсе атнада узачак. Татарстан Президенты Рөстәм Миңнеханов эш сәфәре белән Төркиядә булды. Биредә ул  Бурса һәм Истанбул шәһәрләрендә күптөрле чаралар үткәрде. Туфракта кыштан калган дым җитәрлек булса да, аномаль эсселек озакка сузыла башлагач, игенчеләребез борчыла башлаган иде.  Соңгы көннәрдә явып үткән шифалы җылы яңгыр быел мул уңышка багълаган өметләрнең акланачагына ышанычны арттырды. Иртәгә, 19 майда, Татарстан Республикасы матбугаты көне билгеләп үтеләчәк. Казанда әлеге  көнгә багышланган чаралар кичә үк башланып китте.

11 май. “Җиде көн”.

Атналык күзәтү. IMG_8686   Хәерле көн, хөрмәтле радиотыңлаучылар! Гадәттәгечә,  һәр шимбә көнне бу вакытта без узып баручы атнаның иң әһәмиятле вакыйгаларына күзәтү ясыйбыз. Бу атнада илебездә иң зур һәм мөһим бәйрәмнәребезнең берсен – Бөек Ватан сугышында Җиңү көнен билгеләп үттек. Быел бу истәлекле көнгә 74 ел тулды. Вакыт узган саен бу бәйрәмнең  илебез тарихындагы роле кимеми, сугыш еллары китергән зыян онытылмый.  Халык күңеленә тирән яралар салган  өзелгән гомерләр, җимерелгән язмышлар  елдан-ел хәтердә яңартыла, бүгенге тыныч тормышыбызның кадерен белергә кирәклеген тагын бер кат исебезгә төшерә! Бүгенге көндә республикада 38380 сугыш ветераны, сугышта катнашкан 1214 кеше исәпләнә. Бөек Ватан сугышына Татарстаннан 700 мең кеше киткән булган, яртысы яу кырында ятып калган, һәр өченче кеше хәбәрсез югалган. Сугышчыларыбыз, тыл хезмәтчәннәре, сугыштан соңгы елларда илебезне җимерекләрдән торгызучылар – бу көннәрдә аеруча зур игътибарыбызга һәм хөрмәтебезгә лаек.  

27 апрель. “Җиде көн”.

Атналык күзәтү. Бүген – шимбә, һәм, гадәттәгечә, бу вакытларда без узып баручы атнаның иң әһәмиятле вакыйгаларына күзәтү ясыйбыз.  view_5107207_3743540 Казанда XI «Россия — Ислам дөньясы: KazanSummit-2019» халыкара икътисад саммиты үткәрелде. Аның төп темасы –  «Россия-Ислам дөньясы: перспективалардан гамәли тормышка ашыруга». тукай Кичә   Татарстанда  иң милли һәм мәгънәле  бәйрәмнәребезнең берсен – Туган тел һәм Тукай туган көнен билгеләп үттек. Туган тел көне хөрмәтенә төп тантаналы чара быел яңа урында —  «Казан Экспо» күргәзмә комплексының Илһам Шакиров исемендәге концерт залында уздырылды.  Президент Рөстәм Миңнеханов Габдулла Тукай исемендәге Дәүләт премиясенең быелгы лауреатларына лаеклы бүләкләрен тапшырды.

20 апрель. “Җиде көн”.

Атналык күзәтү. уфа башк Бу атнаның иң истәлекле чарасы — Башкортостанда зурлап үткәрелгән Татарстан Республикасы көннәре булгандыр.  Уфадагы тантаналы чараларда Татарстан Президенты Рөстәм Миңнеханов җитәкчелегендәге Республика делегациясе катнашты. Рөстәм Миңнеханов Башкортостанның татар иҗтимагый оешмалары активы белән  очрашты. Аның сүзләренчә, Татарстан белән Башкортостан Россиянең әйдәп баручы төбәкләреннән санала. «Татарстан һәм Башкортостан икътисадлары бер-берсен тулыландыра. Бүген безнең товар әйләнеше 34 млрд. сумнан артып китә. Безнең бүләр нәрсәбез юк, киресенчә, дустанә мөнәсәбәтләрне киңәйтергә кирәк», — диде ул. Пәнҗешәмбедә    Уфада бөек шагыйрь Габдулла Тукайга һәйкәл ачылды. Шул ук көнне Татарстан һәм Башкортостан эшлекле даирәләре катнашында бизнес-форум да үтте. Иртәгә, 21 апрельдә, Россиядә Җирле үзидарә көне билгеләп үтеләчәк. Бу көнгә багышланган тантаналы чара кичә Казанда Татарстан Президенты Рөстәм Миңнеханов катнашында узды. Бүген Казанда гомумшәһәр өмәсе үткәрелә.  Республикабызның оешма-предприятие хезмәткәрләре,  һәм битараф булмаган кешеләр бу көннәрдә үзләренең эш, яшәү урыннарын, парк-скверларны, башка иҗтимагый киңлекләрне чүп-чардан арындыра, яшелләндерә, һәм, гомумән, тирә-ягын ямьләндерү өчен күмәк эшкә кушыла. Киләсе очрашуларга кадәр!

13 апрель. “Җиде көн”.

Атналык күзәтү. Бүген – шимбә, һәм, гадәттәгечә, бу вакытларда без узып баручы атнаның иң әһәмиятле вакыйгаларына күзәтү ясыйбыз. view_5042787_3698543 Бу атнада Татарстанга Россия вице-премьеры Дмитрий Козак килде. Пәнҗешәмбедә ул Чаллыда Кама автозаводлар комплексының 50 еллыгын бәйрәм итүгә әзерлек һәм аны үткәрү буенча оештыру комитеты утырышын уздырды. Утырыш алдыннан, Дмитрий Козак белән Татарстан Президенты Рөстәм Миңнеханов Татарстан автогигантының җитештерү линияләрен карады. «Казан Экспо» Халыкара күргәзмә үзәгендә Энергия ресурслары нәтиҗәлелеге буенча Татарстан халыкара форумы булды. Пәнҗешәмбедә Казанда Россия венчур форумы булды. “Россия венчур форумы — проектны эшләүчеләр белән потенциаль инвесторларны  очраштыру  өчен отышлы мәйдан”. Татарстанда ике көнлек сәфәр белән төбәк җитәкчесе Виктор Томенко җитәкчелегендәге Алтай крае  делегациясе булып китте. Кунакларны Казан Кремлендә  Татарстан Президенты Рөстәм Миңнеханов кабул итте. Быелгы яз игенче заказы буенча диярлек килә: кыш буе мул итеп яуган кар көндез эри дә, төнлә салмак кына җиргә сеңә бара. Ә туфрактагы дым – ул икмәк дигән сүз.. шуңа да быел игенчеләребез шактый елларга сузылган корлыктан соң язгы чәчүгә дәртләнеп, мул уңышка өметләнеп әзерләнәләр.

6 апрель. “Җиде көн”.

Атналык күзәтү. view_5020927_3677334 Тапшыруыбызны республика җитәкчелегенең чит илләргә сәфәрләрен искә төшерүдән башлыйбыз.  Бу атнада Татарстан Президенты Рөстәм Миңнеханов Нидерланд һәм   Дания Корольлекләрендә булды. Пәнҗешәмбедә Рөстәм Миңнеханов эш сәфәре белән Чаллыга барды. Татарстан  Президенты Мәскәүдә Россия Федерациясе Премьер-министры Дмитрий Медведев рәислегендә узган Россия Федерациясе Президенты каршындагы Стратегик үсеш һәм илкүләм проектлар буенча Совет президиумы утырышында катнашты. Бу атнада Рөстәм Миңнеханов республикада яңа полилингваль мәгариф комплекслары булдыру мәсьәләләре буенча киңәшмә уздырды.

30 март. “Җиде көн”.

Атналык күзәтү. Бүген – шимбә, һәм, гадәттәгечә, бу минутларда без узып баручы атнаның иң әһәмиятле вакыйгаларына күзәтү ясыйбыз. 35783_pic Бу атна истәлекле даталарга бай булды. 27 март көнне Росгвардия хезмәткәрләре  һөнәри бәйрәмнәрен билгеләп үтте,  мәдәният тармагында эшләүчеләр 25 мартта — Мәдәният хезмәткәрләре көнен һәм 27 мартта — Театр көнен бәйрәм итте. Мартның соңгы көннәре үзенә хас мәшәкатьләре  белән узып бара. Бүгенге көндә республиканың язгы ташуга әзерлеге – актуаль мәсьәләләрнең берсе. Татарстанда киләсе атнада, 1 апрельдә, санитар-экологик икеайлык башлана. Бу чорда республиканың табигатьне саклау ведомстволары көчәйтелгән эш режимына күчә. Авыл хуҗалыгы хезмәткәрләре язгы кыр эшләренә әзерлекнең соңгы этабына керә. Бүген Татарстанда авыл хуҗалыгы продукциясе һәм азык-төлек товарлары сату буенча язгы ярминкәләр башланды. https://cloud.mail.ru/public/6Lgq/AzDySMJ4r