7 көн

30 март. “Җиде көн”.

Атналык күзәтү. Бүген – шимбә, һәм, гадәттәгечә, бу минутларда без узып баручы атнаның иң әһәмиятле вакыйгаларына күзәтү ясыйбыз. 35783_pic Бу атна истәлекле даталарга бай булды. 27 март көнне Росгвардия хезмәткәрләре  һөнәри бәйрәмнәрен билгеләп үтте,  мәдәният тармагында эшләүчеләр 25 мартта — Мәдәният хезмәткәрләре көнен һәм 27 мартта — Театр көнен бәйрәм итте. Мартның соңгы көннәре үзенә хас мәшәкатьләре  белән узып бара. Бүгенге көндә республиканың язгы ташуга әзерлеге – актуаль мәсьәләләрнең берсе. Татарстанда киләсе атнада, 1 апрельдә, санитар-экологик икеайлык башлана. Бу чорда республиканың табигатьне саклау ведомстволары көчәйтелгән эш режимына күчә. Авыл хуҗалыгы хезмәткәрләре язгы кыр эшләренә әзерлекнең соңгы этабына керә. Бүген Татарстанда авыл хуҗалыгы продукциясе һәм азык-төлек товарлары сату буенча язгы ярминкәләр башланды. https://cloud.mail.ru/public/6Lgq/AzDySMJ4r

23 март. “Җиде көн”.

Атналык күзәтү. Бүген – шимбә, һәм, гадәттәгечә, бу минутларда без узып баручы атнаның иң әһәмиятле вакыйгаларына күзәтү ясыйбыз. Навруз Атна башында  Рөстәм Миңнеханов эш сәфәре белән Таҗикстан Республикасында булды. Пәнҗешәмбе-җомга көннәрендә  Президент Франциядә иде. view_4960627_3647688 Дүшәмбедә  бишенче чакырылыш Татарстан Республикасы Дәүләт Советының кырык алтынчы утырышы узды. Сессия эшендә Татарстан Президенты Рөстәм Миңнеханов катнашты. Утырышны парламент җитәкчесе Фәрит Мөхәммәтшин алып барды. Президиум көн тәртибенә 26 мәсьәлә кертергә тәкъдим иткән иде. Аерым алганда, утырышта узган елда иҗтимагый тормыш тармагындагы мөһим юнәлешләргә кагылышлы чыгышлар  булды.

16 март. “Җиде көн”.

Атналык күзәтү. view_4917867_3622399 Татарстан Президенты Рөстәм Миңнеханов үзмәшгуль кешеләргә легаль бизнеска чыгарга мөмкинлек бирерлек адымнар кирәк булуын әйтте. Бу хакта ул «Пирамида»да Татарстан Президенты каршындагы Эшкуарлык советының XI киңәйтелгән утырышында белдерде. Татарстан 2019 елда үзмәшгуль гражданнар өчен яңа салым режимы кертү буенча сынау проектында катнаша. Бүгенге көндә республикада 4,1 меңнән артык үзмәшгуль граждан теркәлгән. Бүгенге көндә авыл хуҗалыгы өлкәсендә үз эшләрен башлап җибәрүчеләр шактый. Бу юнәлешнең отышлы икәнен аңлаучылар белән очрашу Татарстан авыл  хуҗалыгы  һәм азык-төлек министрлыгында  булды. Чәршәмбедә Казан Кремлендә Татарстан Дәүләт Киңәшчесе, “Яңарыш” республика фондының Попечительләр советы рәисе Минтимер Шәймиев Казанда беренче полилингваль белем бирү комплексын төзү мәсьәләләре буенча киңәшмә уздырды. Телләрне өйрәнү һәм саклау  темасына сөйләшү Татарстан Хөкүмәте йортында пәнҗешәмбе булган чарада да дәвам итте. Татарстан Республикасындагы телләр турында законны гамәлгә ашыру буенча совет утырышы Премьер-министр Алексей Песошин рәислегендә үтте. Киләсе очрашуларга кадәр!  

9 март. “Җиде көн”.

Атналык күзәтү. 8 марта женщины весна Бүген – шимбә, һәм, гадәттәгечә, бу вакытларда без узып баручы атнаның иң әһәмиятле вакыйгаларына күзәтү ясыйбыз. Бу атнада Татарстан Президенты Рөстәм Миңнеханов эш сәфәре белән Чехия Республикасында булып кайтты. Республикага эш визиты белән ЮНЕСКО генераль директоры Одри Азуле  килде. Тапшыруыбызны   тантаналы, 8 март көненә багышланган вакыйгалар һәм күзәтүләр белән дәвам итәбез. Хатын-кызларыбызга һәрдаим булган игътибар һәм хөрмәт тагын да артты. Гүзәл затларыбызга кочак-кочак чәчәкләрдән бирүдән  тыш, бу көннәрдә аларның җәмгыятебездә тоткан роленә, гаилә һәм милли кыйммәтләрне саклауга багышлап көндәлек  башкарган эшләренә аеруча зур игътибар бирәбез. Хатын-кызлар тормыш итү, балалар үстерү, хезмәт итү өчен тиешле шартлар һәм  дәүләт ягыннан яклау да кирәк әле. Бүгенге көндә актуаль булган демография, гаилә институтын саклау һәм социаль яклау кебек мәсьәләләрне хәл итү юнәлешендә нинди эшләр башкарыла соң?  

2 март. “Җиде көн”.

Атналык күзәтү. view_4880007_3588541 Бүген – шимбә, һәм, гадәттәгечә, бу вакытларда без узып баручы атнаның иң әһәмиятле вакыйгаларына күзәтү ясыйбыз. Бу атнада Татарстан Президенты Рөстәм Миңнеханов Саба муниципаль районында һәм Чаллы шәһәрендә булды. Рөстәм Миңнеханов катнашында III чакырылыш Казан шәһәр Думасының 32 нче хисап сессиясе үткәрелде. Россия төбәкләрендә Татар халкының үсеш стратегиясе буенча фикер алышулар уза. Документ проектында үзәк урыннарның берсе милли мәгариф, тел өйрәнү мәсьәләләренә бирелә. Ә телне үзләштерү, билгеле булганча, дөньяга аваз салган көннән үк башлана. “7 көн” тапшыруында  балалар әдәбияты темасына әзерләнгән язма. Пәнҗешәмбедә Татарстан Президенты Рөстәм Миңнеханов «Наше время — Безнең заман» эшче яшьләр иҗаты республика телевизион фестивале активистлары һәм җиңүчеләре белән очрашты.   Эшче һөнәрләрнең абруен күтәрү – соңгы елларда республикада хуплана торган өстенлекле юнәлеш, диде Президент.

23 февраль. “Җиде көн”.

Атналык күзәтү. Путин послание Татарстан Президенты Рөстәм Миңнеханов һәм Дәүләт Советы рәисе Фәрит Мөхәммәтшин Россия Президенты Владимир Путинның Федераль Җыенга юлламасын  игълан итү чарасында катнашты. Залда чыгышны   Федерация Советы  әгъзалары,  Дәүләт Думасы депутатлары, Россия Хөкүмәте әгъзалары, Конституция һәм Югары суд җитәкчеләре, губернаторлар корпусы – якынча меңләгән кеше тыңлады. Татарстан Президенты Рөстәм Миңнеханов, Россия Президентының Федераль Җыенга Юлламасында билгеләнгән бурычларны үтәү кысаларында, тиешле йөкләмәләр биргән инде. Бу атнада Татарстан Президенты Рөстәм Миңнеханов Германиядә булып кайтты.  Эш сәфәре  кысаларында ул Дрезденда булды, Саксония Премьер-министры Михаэль Кречмер белән очрашты. Алар Татарстан Республикасы белән ФРГның Саксония Федераль җире арасында сәүдә-икътисад, фәнни-техник һәм мәдәни өлкәләрдә төбәкара хезмәттәшлек турында килешү имзаладылар. Татарстан Президенты Рөстәм Миңнеханов эш сәфәре белән Лаеш муниципаль районында булды, район җитәкчелеге һәм башка рәсми затлар озатуында берничә сәнәгать объектын карады. Шул ук көнне Татарстан Президенты Буа муниципаль районында булды.

16 февраль. “Җиде көн”.

Атналык күзәтү. Путин 20192 Бу атнаның иң зур вакыйгасы, һичшиксез, Татарстанга илебез Президенты Владимир Путинның килүе булды. Россия җитәкчесенең Республикага  сәфәр кылуының төп сәбәбе — РФ Дәүләт Советының  торак шартларын яхшырту һәм уңайлы шәһәр мохитен булдыруга багышланган күчмә  утырышын үткәрү иде.  Әмма  Татарстандагы эш программасы бу утырыш белән генә чикләнмәде. Пәнҗешәмбе – җомга көннәрендә Татарстан Президенты Рөстәм Миңнеханов Сочи шәһәрендә булды, биредә ул  Россия инвестиция форумы кысаларында уза торган чараларда катнашты. Ә бу көннәрдә Рөстәм Миңнеханов Берләшкән Гарәп Әмирлекләренә сәфәр кыла. Пәнҗешәмбедә Бишенче чакырылыш Татарстан Дәүләт Советының 45нче утырышы булды. Аның белән язгы сессия башланып китте. Бу атнада Республикабыз икътисады, халкыбызның яшәеше өчен иң әһәмиятле тармакларның берсе булган Авыл хуҗалыгы һәм азык-төлек министрлыгы узган елгы эшенә нәтиҗә ясады.

9 февраль. “Җиде көн”.

Атналык күзәтү. ru_447723 Эфирда — “Җиде көн” информацион тапшыруы. Бу вакытта без, гадәттәгечә, узып баручы атнаның иң әһәмиятле вакыйгаларына күзәтү ясыйбыз. Россия Президенты Владимир Путин Россия Дәүләт Советының торак шартларын яхшырту һәм уңайлы шәһәр мохитен формалаштыруга багышланган киңәйтелгән президиумы утырышын Казанда үткәрергә йөкләмә бирде. Бу атнада муниципаль район Советларының 2018 елдагы социаль-икътисадый үсеш йомгакларына һәм 2019 елдагы бурычларга багышланган утырышлары үткәрелде. Кичә Россиядә Фән көне билгеләп үтелде. Бәйрәм уңаеннан төп вакыйгалар Татарстан Президенты Рөстәм Миңнеханов катнашында узды.

2 февраль. “Җиде көн”.

Атналык күзәтү. view_4761527_3505299 Эфирда “Җиде көн” мәгълүмати тапшыруы, һәм бу вакытта без, һәрвакыттагыча, узып баручы атнаның иң әһәмиятле вакыйгаларын барлыйбыз. Бу атнада Татарстан Президенты Рөстәм Миңнеханов Мәскәүдә Россия Президенты каршындагы Стратегик үсеш һәм илкүләм проектлар буенча совет президиумы утырышында катнашты. Чәршәмбедә Казанга Россия Федерациясе Оборона министры Сергей Шойгу килде. Эш сәфәре кысаларында ул Һава-космик көчләре номенклатурасы буенча коралларны, хәрби һәм махсус техниканы төзек тоту мәсьәләсе буенча киңәшмә уздырды. Бу атнада республиканың министрлыклары һәм ведомстволарының коллегия утырышлары дәвам итте. https://cloud.mail.ru/public/2et4/bmwFJ8HKV

26 гыйнвар. “Җиде көн”.

Атналык күзәтү. view_4739647_3489311 Быел  WorldSkills эшче һөнәрләр буенча дөнья чемпиоанты Казанда үткәреләчәк. Шул уңайдан аңа әзерлекне тикшерү атналыгы узды. Анда катнашу өчен Казанга  62 илдән 600ләп кеше килде. Делегатлар республикадагы ярышлар мәйданчыкларының техник төзелеше, клиент төркемнәренә хезмәт күрсәтү, конкурс биремнәрен әзерләү, партнерлык программасын гамәлгә ашыру белән танышты. Бу атнаның төп чаралары шуңа багышланган иде.