Депутат каналы

21 май. 11.20 — “Депутат каналы”.

Хадеев 2019 2 Республикабыз  6 нчы чакырылыш Татарстан республикасы Дәүләт Советына  сайлауга әзерләнә. Татарстан республикасы Дәүләт Советы рәисе Фәрит Хәйрулла улы  Мөхәммәтшин  Федерация Советы рәисе Валентина Матвиенко  белән очрашу вакытында да  шушы мәсьәләне кузгатты. Татарстан республикасы Дәүләт Советының экология, табигатьтән файдалану, агросәнәгать һәм  азык-төлек сәясәте  комитеты рәисе, авыл хуҗалыгы фәннәре докторы Таһир Галимҗан улы Һадиев 5 нче чакырылышта башкарылган эшләр турында сөйләячәк, шулай ук  татар атларын үрчетү юнәлешендә Дәүләт Советында  кабул ителгән карарларны шәрехләячәк. Тел 555 55 13, 555 55 14.

7 май. «Депутат каналы».

Валеев1  7 нче май – радио һәм  элемтә хезмәткәрләре көне. Татарстан дәүләт радиосы  коллективы депутатлар белән  тыгыз элемтәдә яши, аларның эшчәнлеген “Депутат каналы” тапшыруларында, “Яңалыклар” чыгарылышында даими яктыртып бара.  Татарстан республикасы Дәүләт Советының мәгариф, мәдәният, фән һәм милли мәсьәләләр комитеты рәисе Разил Исмәгыйль улы Вәлиев бу элемтәнең  отышлы яклары турында сөйләячәк, шулай ук быел көз үткәреләчәк  сайлауга  әзерлекнең барышы турында мәгълүмат бирәчәк.    

23 апрель. “Депутат каналы”.

Шарипов ирек “Күрше хакы – тәңре хакы”. Башкортстанда Татарстан көннәре узды. Ике республика җитәкчесе  һәм  бу чарада катнашучылар  татар-башкорт халкының  бүлешер әйберләре юклыгы, аларның  телләре, әдәбиятлары, сәнгате, гореф-гадәтләре, йолалары һәм  диннәре бер үк булу турында  сөйләделәр. Татарстан халыклары Дуслыгы йортында соңгы вакытта үткәрелгән чаралар шулай ук  татар-башкорт халкының дуслыгы темасына багышланды. Болар хакында һәм  быел уздырылачак  сайлау турында Татарстан республикасы Дәүләт Советы депутаты, Татарстан халыкларының  Дуслык йорты директоры Ирек Шәрипов белән туры эфирда әңгәмә булачак.  

12 март. “Депутат каналы”.

Шарипов Бу көннәрдә хезмәт коллективлары, төрле министрлыклар һәм ведомстволар узган елгы эшчәнлеккә нәтиҗә ясыйлар, киләчәккә бурычлар билгелиләр. Халыклар дуслыгы йортында Татарстан халыклары Ассамблеясының да җыены узды. Татарстан республикасы Югары Советы депутаты, Халыклар дуслыгы йорты директоры Ирек Шәрипов белән республикабызда яшәүче  күпмилләтле халыкны берләштерү буенча алып барылган эшләр турында әңгәмә булачак.

18 декабрь. “Депутат каналы”.

  Шарипов ирек Киләсе елга  үзенең 20 еллыгын билгеләп үтәчәк  Казан  Халыклар дуслыгы  йорты быел – Шиһабетдин Мәрҗәни  һәм  Лев Толстой елы буларак төрле милләт вәкилләре белән  бик күп чаралар үткәрде, хәзер киләсе  театр елына  әзерлек чаралары күрелә. Бу мөһим чараларның барысы да Татарстан Дәүләт Советы депутатлары һәм Татарстан Халыклары Ассамблеясы белән берлектә үткәрелә. Татарстан республикасы Дәүләт Советы депутаты, Халыклар дуслыгы йорты директоры  Ирек Илдус улы Шәрипов туры эфирда шулар хакында сөйләячәк. Тел. 555 55 13, 555 55 14.

11 сентябрь. «Депутат каналы».

Хадиулл Татарстан Республикасы Дәүләт Советы депутатларының җәйге каникулы төгәлләнде. Көзге сессия нинди яңалыклар белән башлана? Дәүләт Советының экология, табигатьтән файдалану, агросәнәгать һәм азык-төлек сәясәте комитеты рәисе Таһир Һадиев шулар хакында сөйлиячәк.

28 август. “Депутат каналы”.

  валеев 30 нчы август – Республика көне, Татарстанның дәүләт суверенлыгы турында Декларация кабул ителүгә 28 ел. 1990 нчы елда тарихи әһәмияткә ия булган мөһим документ кабул ителгәндә депутатлар арасында күренекле шагыйрь Разил Вәлиев тә бар иде. Ул әле дә алты чакырылыш рәттән депутатлык эшчәнлеген дәвам иттерә, Дәүләт Советының мәгариф, фән, мәдәният һәм милли мәсьәләләр комитетын җитәкли. Ул туры эфирда Декларациянең әһәмияте, суверенлык игълан ителгәннән соң республикабызда ирешелгәннәр, әлегә хәл ителеп бетмәгән мәсьәләләр турында сөйләячәк.  

26 июнь. “Депутат каналы”.

5 нче чакырылыш  Татарстан республикасы  Дәүләт Советының 39 нчы утырышында Татарстан республикасы Дәүләт Советының экология,   табигатьтән файдалану, агросәнәгать һәм  азык-төлек сәясәте  комитеты рәисе, авыл хуҗалыгы фәннәре докторы Таһир Галимҗан улы Һадиев комитет эшчәнлеге турында хисап тотты, алга куелган бурычлар турында сөйләде. Депутатларның җәйге каникулы вакытында тагын нинди мөһим эшләр башкарылачак?  Студия кунагы  шулар хакында сөйләячәк, авыл хуҗалыгына,  экологиягә кагылышлы  яңа законнарга аңлатма бирәчәк.   Хадеев 2018 b   Хадеев 2018

5 июнь. «Депутат каналы».

Ирек Шарипов Күмәк чаралар төрле  милләт  халыкларын һәм  төрле дин әһелләрен   берләштерә, дуслаштыра.  Сабан туе шундый чараларның берсе.  Быел ул Татарстан республикасы Президенты Указы белән авылларда һәм район үзәкләрендә 16-17 нче июньдә, Казан һәм Чаллыда  23 нче  июньдә – футбол буенча дөнья чемпионаты барган көннәрдә үткәрелә.  Федераль Сабан туе исә  Чабаксарда 6-7 нче июльдә,   ә Мәскәү Сабан туе 21 нче июльдә  узачак. Әле күптән түгел Лаеш районында  зурлап үткәрелгән  Каравон, шулай ук төрле милләт вәкилләренең уеннары шулай ук  илебездә  халыклар бердәмлеген  ныгытуга юнәлдерелгән. Болар хакында  Татарстан республикасы Дәүләт Советы депутаты, республикабызның Халыклар дуслыгы йорты директоры Ирек Шәрипов  тәфсилләп сөйли.

20 март. «Депутат каналы».

2018 нче ел  Россия Президенты Владимир Путин Указы белән  иреклеләр һәм волонтерлар елы дип игълан ителде. Татарстан Республикасы Дәүләт Советы рәисе Фәрит Мөхәммәтшин экология белән бәйле мәсьәләләр волонтерларның игътибар үзәгендә булырга тиеш дип саный. Бу хакта ул  Дәүләт Советының  экология, табигатьтән файдалану, агросәнәгать һәм азык-төлек сәясәте комитеты утырышында  белдерде һәм бу елның 1 нче маеннан  Россия федерациясенең волонтерлык һәм үз иреклеләр мәсьәләләре буенча  аерым закон актларына үзгәрешләр  кертелүен  игълан итте. Татарстанда  бу өлкәдә  бай тәҗрибә тупланды, бигрәк тә 2013 нче елда Бөтендөнья Универсиадасы вакытында  волонтерлар актив эшләде.  Быел  футбол буенча дөнья чемпионаты үткәрелгәндә дә бу тәҗрибә киң кулланылачак. Дәүләт Советының экология, табигатьтән файдалану, агросәнәгать һәм азык-төлек сәясәте комитеты рәисе, авыл хуҗалыгы фәннәре докторы Таһир Һадиев белән туры эфирда алып барылачак әңгәмә  шушы мәсьәләләргә багышлана. IMG_5546   IMG_5549