Көмеш кыңгырау

18 ноябрь. “Көмеш кыңгырау”.

библ книг Татарстанның халык шагыйре, Габдулла Тукай исемендәге Дәүләт премиясе лауреаты  Шәүкәт  Галиевның тууына  тагын ике  көннән 90 ел тула.  Ничә буын балаларын үзенең шаян-шук, самими шигырьләре белән тәрбияләп үстергән Шәүкәт абыйны бүгенге тапшыруда бергәләп искә алырбыз. Тапшыруыбыз ахырында Шиһабетдин Мәрҗәни исемендәге 2нче татар гимназиясе укучысы Лилия Әхмәдуллина белән танышырбыз.

11 ноябрь. “Көмеш кыңгырау”.

дети комп Бүген безнең тапшыруда   дусларыбыз сөйләвендә шагыйрә Гөлшат Зәйнашева шигырьләрен һәм аның шигырьләренә иҗат ителгән кайбер җырларын ишетербез һәм балалар иҗаты белән танышырбыз.

4 ноябрь. “Көмеш кыңгырау”.

дети спорт школа 2 Көзге каникул дәвам итә.  Рәхәтләнеп ял итеп, музей- театрларга йөрергә дә җай чыкты. Каникул көннәрендә китап укырга да, cәнгать һәм  спорт түгәрәкләренә йөрергә дә вакытыбыз күбәйде. Каникул башланган көннәрдә без Казан шәһәре Абдулла Алиш исемендәге балалар иҗат үзәгендә эшләп килүче татар театр мәктәбендә булып, аларның эшчәнлеге белән танышып  кайткан идек. Бүгенге тапшыруда сез аларның кайберләре белән әңгәмәләр дә ишетерсез.

28 октябрь. “Көмеш кыңгырау”.

школа1 Бүгенге тапшыруыбызны Казанның 149 лицей укучылары белән әзерләдек. Тапшыру  барышында  иҗат белән шөгыльләнүче дусларыбыз укуында шигырьләр дә тыңларбыз, өлкән сыйныф укучыларының имтиханнарга әзерләнүләре турында да ишетербез.

21 октябрь. “Көмеш кыңгырау”.

7yaiya Тапшыруда  балалар  өчен  чыгып килә торган  «Тылсымлы куллар» журналының  яңа саны белән танышырбыз. Дусларыбыз иҗат иткән   кайбер язмаларны сезнең игьтибарга тәкьдим итәрбез.  Көз турында шигырьләр һәм җырлар  тыңларбыз.

14 октябрь. “Көмеш кыңгырау”.

дети книга 1 Бүген без  балалар язучысы, шагыйрь һәм проза остасы  Җәүдәт Дәрзаманның балалар өчен иҗат иткән шигырьләрен, җырларын тыңлап  авторның иҗат дөньясына сәяхәт итәрбез.

7 октябрь. “Көмеш кыңгырау”.

школа 5 октябрьдә без Халыкара укытучылар көнен билгеләп үттек. Без дә бүгенге тапшыруыбыз аша   дусларыбызның  укытучыларына  ихластан әйтелгән олы  рәхмәтләрен бергәләп тыңларбыз. Аннан соң Казан шәһәре Абдулла Алиш исемендәге балалар иҗат үзәгенең  татар театр мәктәбенә йөрүче дусларыбыз белән сөйләшербез.

30 сентябрь. “Көмеш кыңгырау”.

1234yyyy - копия Бүгенге тапшыруыбызны  балалар җырына багышларга  булдык.  Иртәгә  Халыкара  музыка көне билгеләп үтеләчәк. Чыннан да бүген безгә нинди җыр кирәк?  Кызыклы, мавыктыргыч, балачак дөньясын чагылдырган җырлар диярсез. Әйдәгез, композитор Ильһам Байтирәкнең  “Бәхетле балачак” исемле кантатасы аша җыр- музыка дөньясына алып керик әле сезне.

23 сентябрь. “Көмеш кыңгырау”.

осень лист природа Бүген без   шушы көннәрдә генә кулыбызга  килеп кергән «Тылсымлы куллар»  журналы  һәм Чаллы каласында чыгып килә торган балалар һәм яшүсмерләр газетасы «Көмеш кыңгырау» га күзәтү ясарбыз. Әлеге басмаларда  басылып чыккан дусларыбызның иҗатлары  белән танышырбыз.

16 сентябрь. “Көмеш кыңгырау”.

дети спорт школа 2 Бүгенге тапшыруда  быел беренче сыйныфка укырга кергән дусларыбыз белән дә танышырбыз һәм  сүз тәмен белгән, ана телебезгә гашыйк дусларыбызны да ишетербез. 15 сентябрьдә патриот –шагыйрь  Абдулла Алишның  тууына 110 ел тулды. Абдулла Алишның туган авылы Көек мәктәбе яңалыклары белән дә танышырбыз. Шулар һәм башкалар турында тулырак итеп тапшыру барышында ишетә аласыз.