Көмеш кыңгырау

22 октябрь. “Татарстан дулкынында”.

fptl Тапшыруның якшәмбе чыгарылышнда “Кызыклы очрашулар кунакханәсе” сәхифәсе тәкъдим ителә. Тапшыруның кунагы – танылган язучы һәм журналист Вакыйф Нуриев. Әңгәмәдә язучының иҗат сукмаклары бәян ителә, аның илдә-көндә булып яткан вакыйгаларга мөнәсәбәте чагылыш таба.

22 октябрь. “Көмеш кыңгырау”.

дети татары Бүген без сезнең игьтибарга композитор Ильһам Байтирәкнең  “Бәхетле балачак” исемле кантатасын тәкьдим итәбез. Автор аны Ринат Харис, Гөлшат Зәйнашева, Бикә Рәхимова, Нур Әхмәдиев шигырьләренә иҗат иткән. Әлеге кантатаны иҗат итүе турында автор фикерләрен дә ишетерсез.

15 октябрь. “Көмеш кыңгырау”.

дети комп 2 Яшь тыңлаучыларыбыз игътибарына Казан шәһәренең 149 нчы лицеенда укучы балалар тормышы бәян ителә, аннары сез  “Тылсымлы куллар” журналының  яңа санындагы  язмалар белән танышырсыз.

8 октябрь. “Көмеш кыңгырау”.

осень природа Бүген көзнең  шушы  алтын- сары төсләрен күзәтеп, сүз сәнгате һәм музыка түгәрәкләренә йөрүче  дусларыбыз белән әзерләнгән тапшыруыбызны бергәләп тыңлыйк әле. Аларны әлеге сәнгать төрләре ни өчен үзенә җәлеп итте икән, шулар һәм башка шөгыльләре турында үзләре сөйләвендә ишетик.

1 октябрь. “Көмеш кыңгырау”.

тат дети Бүген өлкәннәр көне. Шул уңайдан без дә әти- әниләребезгә, әби- бабайларыбызга котлауларыбызны җиткерербез. Бүген  шулай ук Халыкара музыка көне дә билгеләп үтелә.Ул барлык илләрдә дә 1975 елдан бирле 1 октябрьдә үткәрелә. Музыка –җыр безнең аерылгысыз юлдашыбыз.Тапшыруыбызны да нәкь менә музыка турында сөйләшү белән дәвам иттерербез. Әңгәмәдәшебез  композитор ,Татарстанның атказанган сәнгать эшлеклесе Әнвәр Шәрәфиев.

24 сентябрь. “Көмеш кыңгырау”.

devochka-kosichki-leto-solnce-4753 Сез әкият тыңларга яратасыз инде. “Әкият” курчак театры да  яңа сезонны башлап җибәрде. Әкият яратучылар нинди әкият геройларын беләләр икән? Шул хакта үзләрен тыңларбыз. Юлларда машина, мопедлар күбәйде, юл йөрү кагыйдәләрен кабат искә төшерик. Экология елында  яшь экологлар  үзләре яшәгән төбәкләрдә ниндиерәк эшләр алып баралар икән? Шулар һәм башка кызыклы язмалар белән тапшыруда бергәләп танышырбыз.

17 сентябрь. “Көмеш кыңгырау”.

тат дети праздн Сентябрь аеның да көннәрен саный- саный мәктәп тормышына да күнегеп беттек бугай. Төрле түгәрәкләр, спорт секцияләре дә тулы көченә эшли башлады. Безнең бүгенге тапшыруда да сүз тәмен белгән, ана телебезгә гашыйк дусларыбыз катнаша. Патриот –шагыйрь  Абдулла Алишның туган көне уңаеннан аны искә алып үтәрбез. Тапшыруыбыз ахырында  “Тылсымлы куллар” журналының сентябрь санын күзәтербез.

10 сентябрь. “Көмеш кыңгырау”.

дети книга Яңа уку елының тулы бер атнасы узып та китте. Мәктәп тормышы безне ниләр белән сөендерә икән?  Бүген безнең тапшыруда  Казан федераль университеты каршындагы IT  лицейда белем алучы Аяз Фәйзуллин һәм 20нче татар гимназиясе укучылары катнаша. Аларның сөйләгәннәрен, иҗади үсешләрен бергәләп барлыйк.

3 сентябрь. “Көмеш кыңгырау”.

дети книга 3 Бу көннәрдә без аеруча күтәренке күңел белән беренче сентябрь –белем көнен башлап җибәрдек. Тапшуруда без беренчегә керүче дусларыбыз белән дә, дөнья буйлап милли биюләребезне танытучы  “Бәхетле балачак” халык биюләре ансамбленә йөрүче дусларыбыз белән дә очрашырбыз. Тапшыруыбыз ахырында  «Көмеш кыңгырау» республика балалар һәм яшүсмерләр газетасында   басылып чыккан яшь иҗатчылар язмалары белән танышырбыз.

27 август. “Көмеш кыңгырау”.

image28871303 Бу көннәрдә без Татарстан республикасы һәм Казан шәһәре көнен бәйрәм итәргә әзерләнәбез.1нче сентябрьгә дә  санаулы көннәр калды. Менә шушы ике бәйрәм шатлыгын   “Көмеш кыңгырау” тапшыруы   бүген үк сезгә  илтеп җиткерсен иде. Без бүгенге тапшыруыбызны  туган ил, туган җир турындагы шигырьләр һәм җырлардан әзерләдек. Әлбәттә яңа уку елы алдыннан дусларыбыз  фикерләрен, беренче сыйныфка керүче балалар чыгышларын да  ишетербез.