Көмеш кыңгырау

2 июнь. “Көмеш кыңгырау”.

тат дети Әле шушы көннәрдә генә Теләче район китапханәсендә зур бәйрәм булып узды. Ул Татарстан китап нәшрияты оешуга 100 ел тулу уңаеннан  оештырылган иде. Казаннан килгән язучы- шагыйрәләр   район мәктәпләрендә укучы балалар, укытучылар һәм китапханәчеләр белән  аралашып,  кызыклы  әңгәмәләр  балалар чыгышлары белән аралашып барды.  Бүгенге тапшыруда без әлеге очрашудан кыскарталган язма тыңларбыз.

26 май. “Көмеш кыңгырау”.

дети гаи Әле шушы көннәрдә генә кулыбызга  «Тылсымлы куллар» журналының  май ае  саны килеп иреште. Бүген без  аның  битләрен ачып, кайбер язмалар белән бергәләп танышырбыз. Тапшыруда шулай ук башка кызыклы язмалар һәм җырлар да ишетерсез.

19 май. “Көмеш кыңгырау”.

школа дети 2018 2 Бүгенге тапшыруда сез Россия  балалар хәрәкәте оешуга 110 ел тулу уңаеннан Татарстан мәгариф һәм фән  министрлыгының өстәмә белем бирү  бүлеге әйдәп баручы киңәшчесе,Татарстан варислар берлеге рәисе Семен  Федоров чыгышын ишетерсез.  Абдулла Алиш исемендәге 20нче гимназия укучысы  Ландыш  Гобәйдуллина   сынауларга әзерләнүче дусларыбыз белән әңгәмә үткәрер. Тапшыруда шулай ук башка кызыклы язмалар да көтелә.

12 май. “Көмеш кыңгырау”.

IMG_7322 Бу көннәрдә “Бәхетле балачак” халык биюләре ансамбле 1 июнь –балаларны халыкара яклау көнендә  узачак бәйрәм концертына әзерләнә. Асамбльгә йөрүче  дусларыбыз дөньяның төрле илләрендә татар халык биюләре белән чыгыш ясап үзләрен танытырга өлгерделәр инде. Әле күптән түгел генә алар Төркиядә халыкара балалар фестивалендә булып милли биюләребез белән чыгышлар ясап кайттылар.  Шулар һәм башкалар турында балаларның үзләре белән әзерләнгән язмадан ишетерсез.

5 май. “Көмеш кыңгырау”.

школа Мәктәп-гимназияләрдә, уку йортларында бу көннәрдә ветераннар белән очрашулар үтә. Сугыш ветераннарына шефлык итү, алар сөйләгән истәлекләрне язып бастыру, стендлар эшләү, мәктәп музейларында экспонатлар белән танышу кебек бәйрәм мәшәкатьләре укучыларны өлкән буын  белән якынайта, хәтеребезне барлый.  Без дә бүгенге тапшыруыбызда сугыш елларын чагылдырган истәлекләр аша үткәннәргә сәяхәт кылырбыз.

28 апрель. “Көмеш кыңгырау”.

тат дети Cезнең  җылы яңгырдан соң күк читендә салават күпере күреп куанганыгыз бардыр инде. Ә менә  “Салават күпере “  ” журналын  барыгыз да кулына   алып укыганы бармы икән? Кызык та, мавыктыргыч та булган әлеге журнал бүген безнең  тапшыруыбыз кунагы. Аның битләрен актарып серләр дөньясын ачыйк.

21 апрель. “Көмеш кыңгырау”.

тукаф уфа Тапшыруыбызның бүгенге чыгарылышын  “Без — Тукай оныклары” дип атарга булдык. Бу көннәрдә Татарстанда гына түгел, татар яшәгән барлык илләрдә дә бөек шагыйребез Габдулла Тукайны искә алып, аның әсәрләрен барлап   шигырь бәйрәмнәре уза. Без дә дусларыбыз укуында Габдулла Тукай шигырьләре һәм балаларның Тукайга багышлап үзләре иҗат иткән шигырьләрен ишетербез.

14 апрель. “Көмеш кыңгырау”.

дети гаи 1 Әле шушы көннәрдә генә кулыбызга  «Тылсымлы куллар» журналының  апрель  саны килеп иреште. Бүген без  аның  битләрен ачып, кайбер язмалар белән бергәләп танышырбыз. Дусларыбыз иҗаты, кул эшләре, кызыклы язмалары ял көнебезне ямьләндереп җибәрер.

7 апрель. “Көмеш кыңгырау”.

экология 1 Бүгенге тапшыруда сез яшь экологлар чыгышларын, тырышып уку белән бергә  үзләрен оста куллар түгәрәгенә йөреп,   бәйләү, чигү кебек кул эшләренә дә өйрәнеп үсүче дусларыбыз  фикерләрен һәм  сәнгатьле сөйләм түгәрәкләренә йөреп шигъри сүзгә гашыйк  дусларыбызны  да тыңлый алырсыз.

31 март. “Көмеш кыңгырау”.

дети 3 Бүген 31 март, табигатьтә март- матур тантана итә.  Ул үзенең якты кояшы, җылы нурлары белән  сөендерергә өлгерде инде.  Без дә язгы каникулда рәхәтләнеп ял иттек. Кино- театрларга, музейларга, зоопаркка йөрдек. Рәхәтләнеп урамда уйнадык. Бүгенге тапшыруыбызны да без яз рухында әзерләдек.  Язгы матурлыкны шигьри сүз һәм җыр-моңнарыбыз аша күзәтик әле дуслар.