Әдәбиятыбыз сәхифәләре

6 июль. Әдәби-музыкаль композиция.

нефть Альметьевск Өлкән һәм урта буын тыңлаучыларыбыз хәтерлидер, 1993 елда Татарстанда нефть чыга башлауның 50 еллыгы билгеләп үтелде. Шул вакытта Татарстан радиосында әлеге олы вакыйгага багышланган тапшырулар эшләнде. Бүген сезгә тәкъдим ителә торган язма да әнә шул тапшыруларның берсе. Шул елларда радиобызның әдәбият-сәнгать тапшырулары баш мөхәррире булып эшләгән шагыйрь Әхмәт Рәшит нефть төбәгендә мәдәният үсешен яктыртучы сәхифәләрнең берсен композитор Мәсгуть Имашев иҗатына багышлаган булган. Чөнки Мәсгуть ага нәкъ менә Әлмәт каласының күтәрелеп килгән бер чорында анда музыка училищесы ачкан, аның җитәкчесе булып торган кеше. Аның күп кенә популяр җырлары да Әлмәттә яшәгән чагында иҗат ителгән.