Әдәбиятыбыз сәхифәләре

29 июнь. Әдәби-музыкаль композиция.

радио Иртәнге тапшыруыбыз легендар баянчы һәм халык җырларын җыючы Оркыя Ибраһимова иҗатына багышлана. Журналист Гөлназ Гыйльминең танылган фольклорчы Илгиз Кадыйров белән әңгәмәсе Оркыя ханым баянда башкарган җырлар белән үрелеп бара.

22 июнь. “Сабан туйда сынала”

Әдәби-музыкаль композиция. село аул1 Җирдә печән җиткән, игеннәр күкрәп үскән, сабан туйлары гөрләгән мәлләр… Бүгенге көн – менә шушы гүзәллекләрне сакларга, якларга кирәклеген искәртеп торучы көн дә. 1941 елның нәкъ шушы көнендә сабан туе мәйданнарына килгән батырлар туп-туры яу кырына чыгып китәләр. Илебез халыклары илбасарларга каршы Бөек Ватан сугышына күтәрелә. Бүген – кайгы һәм хәтер көнендә илебез азатлыгы өчен газиз гомерләрен корбан иткән миллионнарча кешеләрнең – ата-аналарыбызның, әби-бабайларыбызның, туганнарыбызның якты рухларын искә алабыз. Сабан туйларының шаулы мәйданнарына кузгалыр алдыннан шушы изге бурычыбызны да онытмыйк, дуслар. Күгебезне бүтән беркайчан да кара болытлар капламасын, җирдә тынчлык, татулык хакимлек итсен, дигән теләктә эфирдагы эшебезне башлап җибәрәбез һәм игътибарыгызга “Сабан туйда сынала” дигән радиокомпозиция тәкъдим итәбез. Анда Дания Нурлы белән Ринат Таҗетдин катнаша.

15 июнь. Әдәби-музыкаль композиция.

tat Бүген эфирдагы эшебезне Татарстанның халык шагыйре, Габдулла Тукай исемендәге дәүләт премиясе лауреаты Разил Вәлиев шигырьләреннән һәм аның шигырьләренә иҗат ителгән җырлардан төзелгән әдәби-музыкаль композиция белән башлап җибәрәбез. Шигырьләр атаклы нәфис сүз остасы Айрат Арсланов язмасында бирелә.

12 июнь. «Бүген – Россия көне».

патриот флаг россия молод Без студиягә Татарстанның халык шагыйре, республикабызның Габдулла Тукай исемендәге дәүләт премиясе, Россия Федерациясенең дәүләт премиясе лауреаты Ренат   Харисны чакырдык. Концерт.