Яңа көн

4 декабрь. Туры элемтә.

IMG-20191204-WA0001 Татарстанның һәм Россиянең атказанган табибы, Казан дәүләт медицина академиясенең  фтизиатрия һәм пульмонология кафедрасы мөдире Равил Шамил улы Вәлиев инвалидлыкка китергән  сәбәпләр һәм  кайбер йогышлы авырулардан  саклану чаралары,  быелгы катлаулы  көзге-кышкы күчеш чорында  авыруларга юл куймас өчен күрелгән чаралар турында туры эфирда сөйләячәк һәм  тыңлаучылар сорауларына җавап бирәчәк.

4 декабрь. “Юллар чатында”.

гаи дп авто Татарстанда һәлак булучылар һәм зыян күрүчеләр булган юл-транспорт һәлакәтләре саны арткан. Узган атнада республика юлларында 15 кеше үлгән. Фаҗигале нәтиҗәләргә китергән юл-транспорт һәлакәтләренең төп сәбәпләре — тизлек режимын үтәмәү һәм каршы як полосага чыгу.

4 декабрь. «Яңа көн».

инвалид Республикабызда инвалидлар ункөнлеге дәвам итә. Әлеге уңайдан радиобыз эфирында төрле тапшырулар эфирга чыга. Бүген без республикабызда гомер кичерүче мөмкинлекләре чикле кешеләрне эш белән тәэмин итү турында сөйләшәбез. Студиябез кунагы – ТР Хезмәт, мәшгульлек һәм социаль яклау министры Эльмира Әмир кызы Зарипова.

2 декабрь. «Яңа көн».

“Стратегия-2030”ны гамәлгә ашыру газ белән тотрыклы тәэмин итү юлы белән хәл ителә”. Татарстан Президенты Рөстәм  Миңнеханов газ сәнәгате эшчәнлегенә бәя биреп, шулай дигән иде. Әйе, киләсе елга  65 еллыгын  билгеләп үтәчәк “Газпром трансгаз Казан” җәмгыяте -  республика бюджетының умыртка баганасын тәшкил итүче оешмаларның  берсе, илкүләм проектларны гамәлгә ашыруда да аның  әһәмияте зур. Узган ел, мәсәлән, магистраль газүткәргечләр аша 248 миллиард 200 миллион  кубометр  табигый газ кулланучыларга озатылды. Татарстан вәкилләре 41 мең 900 километр озынлыктагы газ торбаларына хезмәт күрсәтә. Эш даирәсе  арта  тора. Соңгы бер елда гына да газүткәргеч торбалар 500 километрга арткан. Татарстан вәкилләре Киров, Ырынбур, Ульян, Самара өлкәләренә, Удмуртия, Чувашия һәм  Башкортстан республикаларына да хезмәт күрсәтә. IMG-20191202-WA0000 “Газпром трансгаз Казан” җәмгыятендә эшчеләрнең социаль хәлен яхшыртуга, ялын оештыруга зур игътибар  бирелә. Узган ел 134 гаилә өй туйлары үткәргән, 7 мең 998 кеше  төрле шифаханә-курортларда дәваланган, ял иткән. IMG-20191202-WA0001 Тапшыруда сүз “Газовик”  профилакторий-шифаханәсендә дәвалану өчен тудырылган  шартлар турында бара.

2 декабрь. “Нефть чыккан якларда”.

нефть Декабрьдә «Азнакайнефть» идарәсе тарафыннан җир куеныннан алынган кара алтын күләме 500 миллион тоннага җитәчәк.  Әлмәттә яшәүче  танылган нефтьче, «Азнакайнефть» идарәсенең элеккеге җитәкчесе Әхтәм ага Фәсхетдинов белән әңгәмә.

27 ноябрь. “Юллар чатында”.

авто гаи в Россиядә машина йөртү таныклыгын алу өчен медицина белешмәсе бәясен арттыруны билгеле бер вакытка кичектерделәр. Кыйммәтләнү 2020 елның гыйнварына планлаштырылган иде. Россия Транспорт министрлыгы 2020 елның язында федераль трассаның кайбер участокларында тизлек режимын арттырырга ниятли. Татарстанда боз кичүләре махсус комиссия килеп тикшергәч ачыла. Бу  сезонында барлыгы дүрт боз кичүе эшләячәк. Казанда 15 мең тоннадан артык йөк ташучы транспорт чаралары хәрәкәте чикләнгән юллар исемлеге арттырылды.

27 ноябрь. «Яңа көн».

семья Буа районы Иске Суыксу авылында Әниләр көне уңаеннан тантаналы чара узды. Бәйрәм концерты ТР Президенты программасы буенча капиталь төзекләндерелгән мәдәният йортында булды. Биредә Буа муниципаль районы җитәкчесе вазыйфаларын башкаручы Рәнис Камартдинов та катнашты. Чарадан безнең репортаж. Казанның “Азино” микрорайоны сырхауханәсе педиатры Лира Зәйнетдинова белән әңгәмә.

25 ноябрь. Туры элемтә.

OLYMPUS DIGITAL CAMERA

  1. Россиянең төрле төбәкләрендә татар мәгарифе көннәре уза. Анда язучылар, шагыйрьләр, татар теле галимнәре катнаша. Очрашуларда сүз бүгенге вазгыятьтә татар телен укыту мәсьәләләренә багышлана. Без дә сезне бу темага сөйләшергә, фикер алышырга чакырабыз. Студиябез кунагы — филология фәннәре кандидаты, ТР Мәгарифне үстерү институтының татар теле һәм әдәбияты кафедрасы мөдире Шәмсетдинова Рәсимә Равил кызы булачак.
  2. К.Тинчурин исемендәге Татар дәүләт драма һәм комедия театрында премьера — Аяз Гыйләҗев әсәре буенча режиссер Илгиз Зәйниев куйган «Өч аршин җир» спектакле булачак. Бу турыда Татарстанның атказанган артисты Ирек Хафизов белән әңгәмә корачакбыз.
Студиянең телефон номерлары — 555-55-13 һәм 555-55-14.