Яңа көн

16 гыйнвар. “Юллар чатында”.

авто зима дорога снег Юл хәрәкәте кагыйдәләрен бозган өчен штрафлар турындагы хәбәр, почта хезмәтендә тоткарланып, вакытында килмәгән очракта, аны ташлама белән түләү вакытын озайту турындагы закон үз көченә керде. Татарстанда «Имин һәм сыйфатлы юллар» федераль проекты тормышка ашырылган ике ел эчендә Казан һәм Чаллы шәһәр агломерацияләрендә 324 чакрым автомобиль юллары норматив хәлгә китерелгән. Казанда кышкы чор башыннан бирле 265 мең тонна кар чыгарылган, шул исәптән гыйнвар аенда – 113 мең тонна. Көн саен шәһәрне чистарту өчен уртача 615 берәмлек махсус техника һәм 600 юл эшчесе җәлеп ителә. Татарстан Юл хәрәкәте иминлеге дәүләт инспекциясе, һава шартлары бозылганда, машина йөртүчеләргә куркынычсызлык чаралары турында искә төшерә.

16 гыйнвар. “Нефть чыккан якларда”.

нефть Республикабыз нефтьчеләре 2018 елны уңышлы төгәлләделәр. Яңа  елның истәлекле вакыйгаларыннан берсе — «Азнакайнефть» идарәсе оешканнан бирле табылган кара алтын күләме 500 миллион тоннага җитәчәк.  Хезмәт ветераны, Почет билгесе ордены иясе, «Татнефть»нең  һәм «Азнакайнефть» идарәсенең мактаулы нефтьчесе Зәһинә апа Саянова истәлекләре белән уртаклаша.

16 гыйнвар. Туры элемтә.

IMG-20190116-WA0000 Җир шарында бик күп илләр цифрлы телевидениегә күчкән. Бу процесста Россия дә  катнаша. Ил җитәкчелеге  әйтүенә караганда, күчү этабы 2019 елның 1 гыйнварына төгәлләнергә тиеш иде. Федераль программа нигезендә ил территориясендә 10 меңгә якын ретранслятор төзелде. Ел башыннан аналог телевидениесен финанслау туктатылды. Татарстанда цифрлы телевидениегә күчү өчен нинди  эшләр башкарылды? Радио-телевидение тапшыруларын трансляцияләү үзәгенең баш инженеры урынбасары Ринат Сабитов туры эфирда шулар хакында сөйләячәк, тыңлаучылар сорауларына җавап бирәчәк. Тел. 555 55 13, 55 55 14.

14 гыйнвар. Туры элемтә.

IMG-20190114-WA0000 “Яңа көн” программасында даими эфирга чыга торган “Юридик кидәш” сәхифәсе  моннан берничә ел элек  тыңлаучыларның  ихтирамын казанган иде. Аны даими алып баручы танылган юрист, юридик фәннәр кандидаты, Татарстан республикасы Югары Суды судьясы Рафаэль Гали улы Шакирьянов тыңлаучылар сорауларын исәпкә алып,  быел бу сәхифәне  яңартырга булды. Сорауларны тапшыру барышында 555-55-13, 555-55-14, ә эш көннәрендә      555-66-46  телефоннары аша җиткерергә була.

9 гыйнвар. “Юллар чатында”.

снег5 Татарстан Эчке эшләр министрлыгының ЮХИДИ эшчәнлеге, республикабыз юлларындагы вәзгыять,  оператив мәгълүматлар, һәлакәтләрне киметү өчен  үткәрелә торган  акцияләр, рейдлар һәм башка агитация-пропаганда чаралары – болар барысы да “Юллар чатында” сәхифәсендә.

9 гыйнвар. 7.10 – Туры элемтә.

Тураев Кеше организмы – җир шарындагы иң камил могҗиза. Адәм баласы  кайбер әгъзаларын, әйтик, аягын, кулын югалтса да яши ала.  Әмма кансыз яшәү мөмкинлеге юк. Димәк, кан  кеше организмы өчен  иң кирәк әйберләрнең берсе. Казан кан үзәгенең баш табибы Рамил Тураев республикабызда бәла-казага юлыккан кешеләрне  вакытында һәм  тиешле күләмдә   кан белән  тәэмин итү, донорлар арасында үткәрелгән төрле акцияләр турында  сөйләячәк һәм  тыңлаучылар сорауларына  җавап бирәчәк.  

9 гыйнвар. “Нефть чыккан якларда”.

нефть 2018 2 Бу циклда без республикабызның көньяк-көнчыгышында  хезмәт куючы нефтьчеләребез турында сөйләүне дәвам итәбез. Үзхәбәрчебез Ясир Хөснетдинов әзерләгән репортажларда кара алтын табучыларның хезмәт һәм ял шартлары, мәдәният һәм социаль өлкәдәге  яңалыклар чагылыш таба.

26 декабрь. «Яңа көн».

view_957387_1322002 Татарстан премьер-министры урынбасары,  авыл хуҗалыгы һәм  азык-төлек министры Марат Әхмәтов белән  2018 нче ел йомгаклары турында  әңгәмә.

26 декабрь. “Юллар чатында”.

Иртәнге эфирны “Юллар чатында” сәхифәсе дәвам иттерә. ГАИ авто Россия ЮХИДИ җитәкчесе Михаил Чeрникoв тизлек режимын бозган өчен штрафны катгыйландырырга тәкъдим итте. Татарстан Республикасы территориясендә теркәлгән юл-транспорт һәлакәтләре саны, шулай ук аварияләр нәтиҗәсендә һәлак булучылар һәм зыян күрүчеләр саны, узган ел белән чагыштырганда, кимегән. Бу хакта  Татарстан буенча ЮХИДИ идарәсе җитәкчесе Ленар Габдерахманов хәбәр итте. Бу көннәрдә  синоптиклар Казанда явым-төшем айлык нормасының яртысына кадәр явасын фаразлый. Татарстанның ЮХИДИ идарәсе машина йөртүчеләргә ерак юлга чыкмаска киңәш итә. 2019 елда Татарстанда М7 «Идел» юлында тавышлы сызыкларны сынап карыйлар. Алар федераль юлны бүлү полосаларында барлыкка киләчәк.