Яңа көн

30 октябрь. “Юллар чатында”.

view_2262647_2010445 Иртәнге эфирны “Юллар чатында” сәхифәсе белән дәвам иттерәбез. Бүген балаларның көзге каникуллары башлана. Шул уңайдан Дәүләт автоинспекциясе тарафыннан күрелгән чаралар турында тулырак мәгълүмат. Россия мәктәпләре укучылары өчен куркынычсызлык минутлары кертеләчәк. Бу дәресләрдә балаларга тагын бер кат юлда үз-үзләрен тоту кагыйдәләрен аңлатачаклар. Моннан ике атна элек, 15-нче октябрьдән, башкаланың  барлык юл хезмәтләре кышкы эш режимына күчте. Әзерлек нинди? Хөрмәтле тыңлаучыларыбыз! Көннәрнең салкынаюы сәбәпле, сезгә транспорт чараларын кышкы юлларга әзерләү мөһимлеген исегезгә төшерәбез. Юлда хасил булган  юка гына боз катламының да хәрәкәт өчен куркыныч булуын искәртәбез. Көпчәкләрне алыштырып, юл кагыйдәләрен үтәп йөрсәк иде!

30 октябрь. “Нефть чыккан якларда”.

view_692437_1173287 Бу циклда без республикабызның көньяк-көнчыгышында  хезмәт куючы нефтьчеләребез турында сөйләүне дәвам итәбез. Үзхәбәрчебез Ясир Хөснетдинов әзерләгән репортажларда кара алтын табучыларның хезмәт һәм ял шартлары, мәдәният һәм социаль өлкәдәге  яңалыклар чагылыш таба.

25 октябрь. Туры элемтә.

Хадиуллин 2017 Бу атнада (шимбә көнне)  укучыларның көзге каникулы башлана һәм  ул  бәйрәм көннәренә туры килү сәбәпле, икенче чирек дәресләре  7 нче ноябрьдә генә башланачак. Бер атнадан артык вакыт  эчендә  укучыларның ялы ничек оештырылачак? Мәктәп яны лагерьларын эшләтү, сәяхәтләр, мәдәният чараларын  оештыру өчен  чыгымнар каралганмы? Гомумән, Казан шәһәре мәгариф оешмаларында  2017-2018 нче уку елында нинди яңалыклар гамәлгә кертелә? Казан шәһәре башкарма комитетының мәгариф идарәсе җитәкчесе Илсур Гәрәй улы Һадиуллин  туры эфирда  шушы мәсьәләләр хакында сөйләячәк һәм тыңлаучылар сорауларына җавап бирәчәк.

25 октябрь. “Нефть чыккан якларда”.

erkknm «Татнефть»тә җитәкчелек һәм профсоюз оешмасы тарафыннан кабул ителгән күмәк килешү коллективта үзара йөкләмәләрне беркеткән төп документ булып тора һәм шуңа күрә аның үтәлеше һәркайда ныклы контрольдә тотыла. «Азнакайнефть» идарәсе профсоюз комитеты рәисе Рафис Хәсәнов белән әңгәмә.

23 октябрь. “Юллар чатында”.

авто дорога гаи 2 Бүгенге сәхифәбез федераль юлларда хәрәкәт куркынычсызлыгын тәэмин итү мәсьәләләренә багышлана. Әңгәмәдәшебез — “Идел-Нократ” автоюлларының юл торышы өчен җавап бирүче  бүлеге җитәкчесе Айрат Баязитов.

23 октябрь. “Нефть чыккан якларда”.

er Скважиналарның ничек эшләве нефть һәм газ чыгару операторлары хезмәтенә дә күп дәрәҗәдә бәйле. «Азнакайнефть» идарәсенең 5 нче нефть һәм  газ чыгару цехыннан өлкән оператор Рашат Солтанов белән әңгәмә.

23 октябрь. 7.10 – Туры элемтә.

лето природа аул село апк “Акча санаганны ярата”. Республикабыз авыл хуҗалыгында  хуҗалык итүнең кече формаларына зур игътибар бирелә, алар,  нигездә, табышка эшли. Республика Президенты  күрсәтмәләрен үти барып, Татарстан авыл хуҗалыгы һәм азык-төлек министрлыгы мондый коллективларга һәм шәхси хуҗалыкларга   ярдәм  итүнең  төрле формаларын гамәлгә кертә. Татарстан авыл хуҗалыгы һәм азык-төлек министры урынбасары Ришат Рәшит улы Хәбипов белән  туры эфирдагы әңгәмәдә сүз шул хакта барачак.

18 октябрь. Туры элемтә.

овощ природа осень урожай Авыл хуҗалыгында, аерым алганда, шәхси кишәрлекләрдә дә  җиләк-җимеш, яшелчә, барлык уңышлар җыеп алып, урнаштырылды. Хәзер бакчаларны  кышка әзерләргә вакыт җитте. Бакчачыларның көзге мәшәкатьләре нибән гыйбарәт? Ашыгыч рәвештә нинди чаралар күрергә? Болар хакында туры эфирда үзенең киңәшләрен танылган бакчачы, күренекле галим Фарсель Зыятдинов җиткерә.

18 октябрь. “Нефть чыккан якларда”.

videomosti Әлмәт шәһәреннән нефть сәнәгате ветераны, Хезмәт Кызыл Байрагы ордены иясе, 80 яшендә дә спортның күп төрләре белән актив шөгыльләнүче һәм яңа гына Эльбрус биеклегенә менгән Шәһит ага Таипов белән үз хәбәрчебез Ясир Хөснетдинов әңгәмәсе.

16 октябрь. “Юллар чатында”.

гаи дети авто карт Бүгенге чыгарылышыбызда: Россиядә җәяүлеләр һәм велосипедта йөрүчеләрне уздырмаган өчен машина йөртүчеләргә штраф күләмен 2,5 мең сумга кадәр арттыралар. Машина йөртүчеләр белән аралашучы ЮХИДИ хезмәткәрләре хәзер яңа Административ регламент нигезендә эшләргә тиеш. Россия Премьер-министры Дмитрий Медведев транспорт чараларына электрон паспорт кертү турындагы карарны имзалаган.