Яңа көн

3 июль. “Юллар чатында”.

авто дорога гаи Узган атнада Россия Федерациясе Президенты Владимир Путин рәислегендә Дәүләт Советының «Сыйфатлы һәм имин автомобиль юллары челтәрен булдыру» темасына багышланган утырышы булды. Аның эшендә Татарстан Республикасы Президенты Рөстәм Миңнеханов катнашты.  Утырышта эш төркеменең юл төзелеше нәтиҗәлеген үстерү, юл ремонты сыйфатын, юл хәрәкәтен оештыруны яхшыртуга юнәлтелгән тәкъдимнәре турында сүз барды. Россиядә исерек килеш юл һәлакәте китереп чыгарган, кеше имгәнгән яки үлгән очракта машина йөртүчеләргә җәзаны катгыйландыру турындагы закон үз көченә керде. 17 июньдә Владимир Путин шул турыдагы документны имзалады. 28 июньнән мондый юл-транспорт һәлакәте аркасында кеше сәламәтлегенә авыр зыян килсә, гаеплене җиде елга кадәр ирегеннән мәхрүм итәчәкләр. Элек иректән мәхрүм итү дүрт елга кадәр каралган иде.

3 июль. Туры элемтә.

IMG-20190703-WA0009 Чыгарылыш сыйныфларда имтиханнар (БДИ) тапшыру төгәлләнде. Чыгарылыш кичәләре үзенчәлекле итеп үткәрелде, югары уку йортларында  документлар кабул итү башланды. 2018-2019 нчы уку елы  Казанда  ничек узды? Нәтиҗәләр  канәгатьләнерлекме? Болар хакында туры эфирда Казан шәһәре Башкарма комитетының  мәгариф идарәсе җитәкчесе Илнар Һидиятов сөйли һәм тыңлаучылар сорауларына җавап бирә.

1 июль. «Яңа көн».

IMG_8900 Узган атнада Россия яшьләре көне билгеләп үтелде, ә шимбә көнне рационализаторлар һәм уйлап табучыларның һөнәри бәйрәме иде. Республикабыз яшьләре инновация юнәлешендә нинди эшләр башкара, уйлап табучыларга  республикабызда нинди теләктәшлек күрсәтелә? Болар хакында  Татарстан  икътисад министры урынбасары Индира Киреева сөйли. IMG-20190627-WA0002 Ә Россия икътисади үсеш министрлыгы  гаражлар һәм аларны сатып алу турында федераль закон проектын эшләде. Хәзерге вакытта гаражлар ничек рәсмиләштерелә? “Гараж амнистиясе” турында закон нигә кирәк булды?  Бу һәм башка  сорауларга  Росреестрның  Татарстан идарәсе вәкиле – күчемсез милекне электрон рәвештә  дәүләт теркәве бүлеге җитәкчесе Илсөя Казакова җавап бирә.

1 июль. “Нефть чыккан якларда”.

нефть 2018 2 Җир куеныннан алынган нефтьне кулланучыларга озату өчен тоздан, судан һәм башка катнашмалардан аерып, яхшы сыйфатка җиткерергә кирәк. Бу нефть табуда соңгы һәм бик җаваплы эш. Аның белән нефть һәм газ чыгару идарәләрендә нефтьне комплекслы хәзерләү һәм кудыру цехлары шөгыльләнә. «Азнакайнефть» идарәсенең әлеге цехы «Татнефть»тә иң өлкәннәрдән.

26 июнь. «Районнардан яңалыклар».

картофел апк Буа районында  әлегә көн саен  100 тоннадан күбрәк сөт җитештерәләр. Киләчәктә алдынгы районнарны куып җитү бурычын куялар. Әмма  районда яңгырлар булмау терлекчеләрне  дә, игенчеләрне дә борчый. Болар хакында телефон элемтәсе аша  Буа авыл хуҗалыгы һәм азык-төлек идарәсе җитәкчесе Ранис Габитов сөйли.

26 июнь. Туры элемтә.

IMG-20190626-WA0003   Сөт җитештерү буенча Татарстан  ил күләмендә беренче  урынга чыкты.  Моңа  һәр район,  аерым алганда  тәүлегенә 200 тоннадан күбрәк продукция җитештерүче төбәкләр аеруча зур өлеш кертә.  Актаныш районында да тәүлеклек  савым  200 тоннага җитте һәм район терлекчеләрен Татарстан Президенты Рөстәм Миңнеханов,  премьер-министр урынбасары, авыл хуҗалыгы һәм азык-төлек министры Марат Әхмәтов котлады. Терлекчеләребез  җәйге  мул продукция алу чорын  ничек үткәрә? Болар хакында туры эфирда  авыл хуҗалыгы һәм азык-төлек министрының терлекчелек буенча урынбасары Нәҗип Хаҗипов сөйләячәк һәм тыңлаучылар сорауларына җавап бирәчәк. IMG-20190626-WA0018   IMG-20190626-WA0002

26 июнь. “Юллар чатында”.

авто дорога гаи ОСАГО полисы булу турындагы таләпләрне кабат бозган өчен машина йөртүчеләрне 5 мең сумга штрафка тартырга яки хокукларыннан мәхрүм итә башларга мөмкиннәр. Хәзерге вакытта штраф 800 сум тәшкил итә һәм беренче егерме көн дәвамында түләгәндә икеләтә кимергә мөмкин. Казанда WorldSkills һөнәри осталык буенча дөнья чемпионатына кадәр катнашучылар һәм кунакларның төп маршрутларына кергән юлларны һәм мәгариф оешмалары мәйданындагы тыкрыкларны төзекләндерү планлаштырыла. 131 объектта 2,6 млрд сумлык эш башкарылачак. Киләсе атнада, 6 июльдә Иркутскида «Ефәк юлы-2019» халыкара ралли-марафоны башлана. Быел ярышларда «КАМАЗ-мастер» командасын Андрей Каргинов, Антон Шибалов, Айрат Мәрдиев һәм Сергей Куприянов экипажлары тәкъдим итә. Сезгә хәерле көннәр һәм имин юллар теләп калабыз!

26 июнь. “Нефть чыккан якларда”.

нефть 2018 «Татнефть» предприятиеләрендә эшләүчеләрнең 30 проценттан артыгын яшьләр тәшкил итә. Шуңа күрә алар хезмәтенә, активлыгына компаниянең эш күрсәткечләре шактый дәрәҗәдә бәйле. «Лениногорскнефть» идарәсенең 7 нче нефть һәм газ чыгару цехы мастеры Марат Мирзаәхмәтов белән әңгәмә.

24 июнь. 7.10 – Туры элемтә.

IMG-20190624-WA0000 Республикабызда фермерлык хезмәтен башлап җибәрүче авыл эшчәннәренә дәүләт тарафыннан матди ярдәм – грант бирелә. Республикабызда бу өлкәдә нинди яңалыклар бар, грант алу тәртибе нинди? Болар хакында туры эфирда Татарстан авыл хуҗалыгы һәм азык-төлек министры урынбасары Ришат Хәбипов сөйләячәк һәм тыңлаучылар сорауларына җавап бирәчәк.