Пар канатлар

26 март. “Пар канатлар”.

семья “Пар канатлар” тапшыруын әзерләүчеләр  төрле елларда катнашкан  геройлар белән даими элемтәдә торалар. Балтач районының  Сосна авылыннан  катлаулы язмышлы Фәния һәм Гасыйм Һадиевларның кавышуына 50 ел тулган вакытта  программа әзерләнеп, бриллиант туйлары җиткәч тә кабат очрашу турында килешенгән иде. Әле шушы көннәрдә генә 85 яшен тутырган Гасыйм һәм бала чактан бер күзен югалткан хатыны Фәния  хәзерге тормышлары, олыгайган көннәрендә дә  җырлап-биеп яшәүләре турында сөйлиләр.

19 март. “Пар канатлар”.

село аул Илдус Гыйләҗев – катлаулы язмышлы,  үзенчәлекле шәхес иде. Офицер да, хуҗалык җитәкчесе дә булган кеше,  ярты юлда ялгыз калып, югалту ачысын да кичергән, бала кайгысын да күргән. “Җилкенү”, “Өмет ае”, “Серле мәгарә”, “Хак сүз”, “Чатыртау тылсымы” исемле шигырьләр җыентыклары авторы, Һади Такташ исемендәге әдәби премия лауреаты, Азнакай  районында озак еллар дәвамында  төрле хуҗалыкларны җитәкләгән тәҗрибәле авыл хуҗалыгы белгече Илдус Сабир улы Гыйлаҗев моннан бер ел элек, 19 нчы март көнне вафат булган иде. Аның якты истәлегенә багышланган  тапшыру шагыйрьнең шигырьләре  белән бизәлә.

5 март. «Пар канатлар».

флюра сулейманова 10 нчы мартта Татарстанның халык артисты, яраткан җырчыбыз Флера Сөләймановага 80 яшь тула. Тапшыру аның катлаулы тормыш юлына багышлана.

26 февраль. “Пар канатлар”.

IMG-20190226-WA0004   8 нче март – Халыкара хатын-кызлар көне якынлаша.  Күпчелек гаиләләрдә  тормыш иминлеге килен-кайнана мөнәсәбәтләренә бәйле. Бу юлы тапшыру туры эфирда бара һәм ире үлгәч тә кайнанасын, кайнатасын үз итеп яшәгән, аларны  тәрбияләп, соңгы юлга кадер-хөрмәттә озаткан, әле дә  кайнанасының акыллы киңәшләрен тотып яшәүче Розалия Хисамова тормыш сабаклары турында сөйләячәк. Элемтә өчен 555-55-13 һәм 555-55-14 телефоннары эшли. IMG-20190226-WA0005   IMG-20190226-WA0000

19 февраль. “Пар канатлар”.

Госман Ахметзян 2019  ел -  илебездә  Театр елы буларак  билгеләп үтелә. Ватанны саклаучылар көненә һәм Театр елына багышланган тапшыруда озак еллар Татарстан радиосы  режиссеры булган  Бөек Ватан сугышы ветераны Госман Әхмәтҗановка багышланган  сәхифә кабатлана. Шушы көннәрдә 70 яшен тутырган шагыйрь Дамир Гыйсметдинов белән әңгәмә исә ата-ана фатихасына багышлана.

12 февраль. “Депутат каналы”.

Хадеев 2019  Быел Татарстан республикасы Дәүләт Советына сайлаулар үткәреләчәк. Ә 5 нче чакырылыш Дәүләт Советы депутатлары узган биш елда башкарылган эшләренә нәтиҗә ясыйлар. Татарстан республикасы Дәүләт Советының экология, табигатьтән файдалану, агросәнәгать һәм азык-төлек сәясәте  комитеты рәисе, авыл хуҗалыгы фәннәре докторы Таһир Галимҗан улы Һадиев үзе җитәкләгән комитет эшчәнлеге турында сөйләячәк. Хадеев 2019 2

5 февраль. “Пар канатлар”.

семья Җыр-моң кешеләрне берләштереп кенә калмый, егет-кызларны кавыштырып та куя. Бик күп парлар бию мәйданчыкларында, концерт залларында, Сабантуйда, гомумән, җыр-музыка булган җирдә очраша бит. Бу тапшыруда моң кавыштырган  ике пар белән таныштырырбыз: аның берсе Казанда, икенчесе Мәскәүдә яши.

29 гыйнвар. “Пар канатлар”.

Irek-Bagmanov 2019 нчы ел  — Россиядә һәм Татарстанда  Театр елы.  Шул уңайдан  “Пар канатлар” тапшыруында төрле елларда катнашкан  артистларга багышланган  тапшырулар кабатлап бирелә. Гыйнвар – Татарстанның халык артисты Ирек Баһманның туган ае. Ул театр сәнгатендә бай мирас калдырып, 2015 нче елда, 84 нче яшендә бакыйлыкка күчте. Моннан 16 ел элек, Ирек абыйның хатыны Рәшидә апа да исән чакта алар гаиләсенә багышлап әзерләнгән тапшыру кабатлап бирелә.

22 гыйнвар. “Пар канатлар”.

семья Әлеге тапшыруда катлаулы язмышлы кешеләр — Казанның Әмәт бистәсендә яшәүче узган якшәмбедә бриллиант туйларын билгеләп үткән Сәрия һәм Тәүфыйкъ Зариповлар, Башкортстанның Яңавыл районындагы Истәк авылыннан Раиф Шәңгәрәев катнаша.

17 гыйнвар. “Мәшһүр җырчыбыз Илһам Шакиров истәлегенә”.

Ильгам Ильхам Шакиров 11 Халкыбыз зур югалту кичерә. Кичә Татарстанның һәм Россиянең халык артисты, республикабызның Г.Тукай исемендәге Дәүләт премиясе лауреаты Илһам Шакировның йөрәге тибүдән туктады. Татар эстрадасы легендасы Илһам Шакировны иртәгә, җомга көнне җирләячәкләр. Мәрхүм белән хушлашу Муса Җәлил  исемендәге Татар дәүләт Академия опера һәм  балет театрында иртәгә  сәгать 9 да  башлана. Безнең алтын фондыбызда Илһам абый  катнашында  әзерләнгән тапшырулар саклана. Илһам Шакировның  туган көнендә ясалган әңгәмә кабатлап бирелә.