Пар канатлар

24 октябрь. “Пар канатлар”.

100 еллыгын билгеләп үткән  “Сөембикә” журналы коллективы  7 нче ноябрьдә  90 яшен тутырачак Татарстан радиосы коллективы белән тыгыз элемтәдә бер үк максатларда эшли. Журнал битләрендә  милләтебез  гаиләсе, гореф-гадәтләре, йолалары турында  даими язмалар басылып чыга һәм алар  быел 30 еллыгын билгеләп үткән “Пар канатлар” тапшыруы белән аваздаш. Редакция хезмәткәрләре  туры эфирда  болар хакында тәфсилләп сөйләячәк. IMG-20171024-WA0001   IMG-20171024-WA0006

10 октябрь. “Пар канатлар”.

Gumer-Bashirov 7 нче ноябрьдә Татарстан дәүләт радиосы  үзенең 90 еллык юбилеен билгеләп үтәчәк. Шул уңайдан  “Пар канатлар” тапшыруында да радиода төрле елларда эшләгән  хезмәткәрләр турында  язмалар әзерләнә. Бу программада  Бөек Ватан сугышы елларында  Татарстан радиосын  җитәкләгән  халык язучысы Гомәр Бәшировның  гаилә һәм  аның  традицияләре,   татар халкының гореф-гадәтләре турындагы  әңгәмәсе файдаланыла.

3 октябрь. «Пар канатлар».

muzisl07 2017 нче ел  мөфтиятебез өчен истәлекле – юбилей елы – Татарстан республикасы  мөселманнарының  Диния нәзарәте оештырылуга 25 ел. Шул уңайдан  тапшыруда  озак еллар  баш казый булган  Габелхак  хәзрәт Саматов  катнашындагы тапшыру кабатлап бирелә.

26 сентябрь. “Пар канатлар”.

село старики Беренче октябрь -  Халыкара Өлкәннәр көне. Картлык – шатлык була аламы? 50 елдан артык бергә гомер иткән парлар “әйе” дип җавап бирсә, Саба районының Лесхоз бистәсендәге өлкәннәр һәм инвалидлар йортында тәрбияләнүчеләр башкачарак фикердә. Тапшыруда сүз шул хакта.

19 сентябрь. “Пар канатлар”.

Ильясов Татарстан Дәүләт радиосының 90-еллыгы уңаеннан, “Пар канатлар” тапшыруының үзебездә эшләгән ветераннарга багышланган чыгарылышлары әзерләнә. Чираттагы программа Татарстанның халык артисты, Республиканың атказанган сәнгать эшлеклесе, радионың музыкаль редакциясендә 50 ел  эшләгән Рафаэль Ильясов иҗатына һәм аның гаиләсенә багышлана.

12 сентябрь. «Пар канатлар».

OLYMPUS DIGITAL CAMERA Татарстан авыл хуҗалыгы һәм азык-төлек министрының терлекчелек буенча урынбасары Нәҗип Нәкыйп улы Хаҗипов - ишле гаиләдә туып үскән, үз язмышын үзе корган кеше. Аңа 60 яшь тулуга багышланган тапшыруда матур гаилә кору серләре турында сүз бара.

29 август. “Пар канатлар”.

семья “Пар канатлар” тапшыруы эфирга чыга башлауга  1 нче сентябрьдә 30 ел. Аны  республикабызда танылган журналист Варис Зиннәтуллин башлап җибәргән иде. Шул уңайдан  бу чыгарылышта  истәлекләре белән  Татарстанның атказанган  мәдәният хезмәткәре, ул елларда  радио режиссеры булган  Әминә Шаһиәхмәтова,  Татарстанның халык артисты, радио дикторы Тәлгать Хаматшин, шулай ук  Варис абыйның хатыны  Рәмзия  апа (хәзер ул вафат)  истәлекләре белән  уртаклашалар. Соңгы дистә еллар дәвамында тапшыру “Газпром трансгаз Казан” җәмгыяте ярдәме белән эфирга чыга. Бу җәмгыятьнең үзендә дә  яшь буынны тәрбияләүгә, гаиләләрнең  социаль-көнкүреш шартларын яхшыртуга зур игътибар бирелә. 28 нче августта, мәсәлән,  “Казан”  Гаилә үзәге янында нефть һәм газ  сәнәгате эшчәннәренең һөнәри бәйрәменә багышлап “Газпром трансгаз Казан” җәмгыятендә эшләүче династияләргә багышланган  зур чара була. Тапшыруда  шушы вакыйга да яктыртылачак.

22 август. “Пар канатлар”.

семья Россиянең атказанган артисты Рауза Хәйретдинова Г.Камал исемендәге Татар дәүләт академия театрында  60 елдан артык  эшләү дәверендә бик күп  онытылмас образлар тудырган  актриса. Тапшыруда  аның  гаиләсе, 65 ел бергә яшәгән ире белән  мөнәсәбәтләре, балалар тәрбияләү, сәнгать кешеләренең катлаулы тормышы турында сүз бара.

15 август. “Пар канатлар”.

семья Республикабызда  күренекле  гаилә башлыгы,  хатыны Сәрвәрия ханым белән 70 ел бергә яшәп, 7 бала үстергән  Бөек Ватан сугышы ветераны, Татарстанның атказанган авыл хуҗалыгы хезмәткәре Габделхәй  Яһудинга  90 яшь. Тапшыруның бу чыгарылышы  шушы  күркәм  гаилә  язмышына багышлана.