Пар канатлар

3 декабрь. “Пар канатлар”.

IMG-20191203-WA0000 3 нче  декабрь -  Халыкара инвалидлар көне. Татарстанда ул ункөнлек буларак билгеләп үтелә һәм  туры элемтә тапшыруында  Казанның Иске Таш мәчете имам-хатыйбы Рамил хәзрәт Юнысов шәфкатьлелек һәм  физик мөмкинлеге чикле кешеләргә карата Коръәндәге хәдисләр  турында сөйләячәк һәм тыңлаучылар сорауларына җавап бирәчәк.

26 ноябрь. «Пар канатлар».

вов победа патриот газета пресса тат f “Без – 41 ел балалары”. Тапшыру сугыш башланган елны туган Татарстанның халык артисты, Казан Идел буе федераль университеты профессоры, Россия  Федерациясе профессиональ мәгарифенең мактаулы хезмәткәре Миңгол Галиев һәм ире кебек үк “әти” дип әйтергә тилмереп  үскән сугыш чоры баласы Фәния ханым мәхәббәтенә багышлана.

19 ноябрь. “Пар канатлар”.

Данил Исмагилов Тапшыру хөрмәтле коллегабыз – Татарстан радиосында диктор булган, аннары төрле  җаваплы вазыйфаларны башкарган оста баянчы, Татарстанның атказанган мәдәният хезмәткәре, тарих фәннәре кандидаты, фән һәм техника өлкәсендә  Татарстан дәүләт премиясе лауреаты Данил Исмәгыйль  улы Ибраһимовның 70 яшьлек юбилеена багышлана. Тапшыруда шулай ук аның 43 ел бергә яшәгән  хатыны, Татарстанның атказанган табибәсе Әлфия Мирзанур кызы да катнаша. фото https://kazved.ru/  

12 ноябрь. “Пар канатлар”.

вов победа война патриот Ленинград в “Без – 41 ел балалары”. Михнәтле бала чагы сугыш елларына туры  килеп, тылдагы бөтен авырлыкларны үз җилкәсендә татыган, гаделсезлекләрнең  шаһиты булган Татарстанның халык язучысы Мөхәммәт Мәһдиев узган гасырның 60 нчы елларында шушы исемдәге  повесте белән язучы-прозаик буларак танылган иде. Киләсе елда Бөек Җиңүнең 75 еллыгы билгеләп үтелүен исәпкә алып, без октябрь-ноябрь айларында 1941 нче елда туган күренекле шәхесләрнең язмышы, гаилә тормышы белән таныштырырбыз. Тапшыруыбызның бүгенге кунагы – хезмәт юлын Татарстан дәүләт радиосы дикторы буларак башлаган хезмәттәшебез, хәзер  Казан дәүләт Идел буе федераль университеты профессоры,  филология фәннәре докторы Фоат Галимуллин гаиләсе.

5 ноябрь. «Пар канатлар».

птицы голуби природа небо “Без – 41 ел балалары”. Тапшыруда сугыш башланган елны туган, әтисен бер тапкыр да күрмәгән, әмма фронтовикның каберен эзләп тапкан, Сара Садыйкова иҗат иткән җырларны халыкка ирештерү буенча зур эшләр башкарган,  үзе дә күптән түгел бакыйлыкка күчкән Әзһәр Миншәех улы Хөсәенов белән  булган әңгәмә яңгырый.

29 октябрь. “Пар канатлар”.

тат гарм муз Күренекле баянчы, композитор, шагыйрь, Татарстанның атказанган сәнгать эшлеклесе Марс Макаровның тууына 80 ел тулды. Аның якты истәлегенә багышланган программада хатыны Фирдания ханым катнаша. Тапшыруда радио фондында саклана торган язмалар, Марс Макаров иҗат иткән җырлар, аның шигырьләре файдаланыла.

22 октябрь. “Пар канатлар”.

Черепанов вов патриот победа2 Октябрь – танылган шагыйрь һәм җәмәгать эшлеклесе Гарифҗан Садыйк улы Мөхәммәтшинның туган ае: аңа 78 яшь тулды. Хатыны Асия апа белән матур гаилә корып, алар 50 елдан  артык инде Балтачта үрнәк гаилә булып яшиләр. Киләсе елга Бөек Җиңүнең 75 еллыгы билгеләп үтелү уңаеннан тапшыруда  сугыш башланган елны туган  Гарифҗан Мөхәммәтшин  һәм аның хатыны Асия апа катнаша,  сәнгать осталары  башкаруында  шагыйрьнең шигырьләре һәм аның сүзләренә язылган җырлар яңгырый.

8 октябрь. “Пар канатлар”.

personid53545_3 Халыкара Өлкәннәр көне  безнең республикада традиция буенча  өлкәннәр ункөнлеге буларак билгеләп үтелә. Бу көннәрдә Театр елы кысаларында  актерларыбыз белән  очрашулар уза, төрле елларда иҗат иткән сәнгать осталарын сагынып искә алалар.  Бу тапшыру  Г.Камал исемендәге  ТДАТ театрында 70 елга  якын  эшләгән, шушы көннәрдә тууына 101 ел тулган Вера апа Минкинага  багышлана.

1 октябрь. “Пар канатлар”.

осень природа лес стар Халыкара Өлкәннәр көне уңаеннан әзерләнгән тапшыруда Саба  районының Лесхоз бистәсендә урнашкан картлар йорты җитәкчелеге олыгайган көннәрен картлар йортында үткәрергә мәҗбүр булганнар өчен тудырылган  шартлар, ә анда тәрбияләнүчеләр үзләренең катлаулы тормыш юллары турында сөйлиләр.

24 сентябрь. “Пар канатлар”.

IMG-20190920-WA0003 Җир шарының төрле кыйтгаларында сибелеп яшәүче  милләттәшләребез ана телен, татар халкының  гореф-гадәтләрен, йолаларын кадерләп саклыйлар. Австралиядә яшәүче Диләрә һәм Шөһрәт Вәлиевләр  татар гаиләсе белән Австралиядә яшәүчеләрне  чагыштырып күрсәтәләр, үзләренең  катлаулы тормыш юлы белән таныштыралар.