Пар канатлар

4 июнь. “Пар канатлар”.

Ислам мус Булг Болг Аллага шөкер, хәзер Ураза  һәм Корбан Гаетләрен бөтен халык бәйрәм итә. Моннан 30 еллар элек без бу хакта хыяллана  идек. Ул чакта җаны-тәне  белән дин кешесе булып, Алланың барлыгына һәм  берлегенә инанып яшәгән кешеләр кимсетелүләргә дучар була иде. Бүген без шундый изге затларның  берсен – Габделхак хәзрәт Саматовны сагынып искә алабыз. Тарих җилләре Габделхак хәзрәтнең  кыйбласын бер вакытта да үзгәртә алмады. Татарстан республикасы мөселманнары  Диния  нәзарәтенең баш казые,  Мәрҗәни мәчете имам-хатыйбы  булган чакта ул дин кардәшләребез арасында иң дәрәҗәле милләттәшләребезнең берсе  иде.  Хатыны Кәүсәрия   апа  белән алтын туйларын билгеләп  үткән  көннәрдә “Дин һәм  гаилә” темасына әзерләнгән тапшыру яңгыраган иде. Бәйрәм көнендә без сөйләгәннәр Саматовлар рухына  дога булсын дип, алтын фондыбызда сакланган язма кабатлап бирелә.

28 май. “Пар канатлар”.

перо Татарстанның атказанган сәнгать  эшлеклесе, күренекле шагыйрә Резеда Вәлиева май аенда  туган көнен билгеләп үткәннән соң,  90 яшьлек юбилеена әзерләнә башлады. Резеда апа катнашында әзерләнгән тапшыруда  шагыйрәнең  шигырьләре һәм аның сүзләренә язылган җырлар  яңгырый.

14 май. “Пар канатлар”.

радио 1 Күренекле нәфис сүз остасы, Татарстанның һәм Россиянең халык артисты, республикабызның Г.Тукай исемендәге дәүләт премиясе лауреаты Айрат Арсланов  һәм аның хатыны Мәрьям Арсланова  икесе дә  озак еллар дәвамында Татарстан радиосы дикторы булган. Бу көннәрдә  Мәрьям Ислам кызына  93 яшь тулды. Тапшыруда  Айрат абый исән чакта  әзерләнгән  махсус чыгарылыш файдаланыла һәм  нәфис  сүз остасы башкаруында шигырьләр яңгырый.

30 апрель. “Пар канатлар”.

перо Тапшыру гыйбрәтле язмышлы шагыйрь Габбас Әхмәтҗановның катлаулы тормышы һәм иҗатына багышлана. Болар хакында аның кызы Гөлнур Хаҗипова-Әхмәтҗанова сөйли. Тапшыруда шагыйрьнең шигырьләрен  Идел Кыямов укый.

16 апрель. “Пар канатлар”.

Ильясов   90 елдан артык тарихы булган Татарстан радиосы коллективы халкыбызның күренекле шәхесләре, фидакарь хезмәте белән Татарстанны  бөтен дөньяга таныткан егет-кызлары турындагы хатирәләрне кадерләп саклый, алар турындагы мәгълүматны тыңлаучыларга көне-сәгате белән  түкми-чәчми, гадел һәм дөрес иттереп җиткерә. Татарстан радиосында гомер-гомергә күренекле язучы һәм шагыйрьләр, җырчы һәм композиторлар “тормыш мәктәбе” узган, хәзер дә шулай. Коллективыбыз ветеран-коллегаларыбыз турындагы истәлекләрне кадерләп саклый. Татарстан радиосының музыкаль тапшырулар редакциясендә ярты гасыр эшләгән хезмәттәшебез — Татарстанның халык артисты, республикабызның атказанган сәнгать эшлеклесе Рафаэль Ильясовка бу айда 80 яшь тула. Бүген сүзебез шушы танылган җырчы хакында булыр. Ә 18 апрельдә Татарстан дәүләт телерадиокомпаниясе җырчының туган ягында  Чүпрәле муниципаль районы җитәкчелеге һәм  Бөтендөнья татар конгрессы каршында эшләүче  Бөтенроссия Татар гаиләсе фонды белән берлектә  Гаилә бәйрәме үткәрәчәк.

9 апрель. “Пар канатлар”.

IMG_8508 Ульян өлкәсенең “Печатный двор” типографиясе “Шатланам мин җырлар булып калуыма” дигән китап нәшер итте. Ул Татарстан Язучылар берлеге әгъзасы, Халыкара Филонтроп, шулай ук Сәхап Урайский, Шәйхи Маннур исемендәге премияләр лауреаты, гомеренең соңгы көннәрен Ульян өлкәсенең Мәләкәс шәһәрендә үткәргән милләттәшебез Гакыйль Сәгыйров иҗатына багышлана. Китапта аның шигырьләре һәм рәсемнәре туплап бирелгән. Чираттагы чыгарылышта шулай ук  Гакыйль Сәгыйров катнашында әзерләнгән тапшырудан өзекләр дә файдаланыла. IMG_8509   IMG_8510

26 март. “Пар канатлар”.

IMG-20190327-WA0000 “Пар канатлар” тапшыруын әзерләүчеләр  төрле елларда катнашкан  геройлар белән даими элемтәдә торалар. Балтач районының  Сосна авылыннан  катлаулы язмышлы Фәния һәм Гасыйм Һадиевларның кавышуына 50 ел тулган вакытта  программа әзерләнеп, бриллиант туйлары җиткәч тә кабат очрашу турында килешенгән иде. Әле шушы көннәрдә генә 85 яшен тутырган Гасыйм һәм бала чактан бер күзен югалткан хатыны Фәния  хәзерге тормышлары, олыгайган көннәрендә дә  җырлап-биеп яшәүләре турында сөйлиләр.

19 март. “Пар канатлар”.

село аул Илдус Гыйләҗев – катлаулы язмышлы,  үзенчәлекле шәхес иде. Офицер да, хуҗалык җитәкчесе дә булган кеше,  ярты юлда ялгыз калып, югалту ачысын да кичергән, бала кайгысын да күргән. “Җилкенү”, “Өмет ае”, “Серле мәгарә”, “Хак сүз”, “Чатыртау тылсымы” исемле шигырьләр җыентыклары авторы, Һади Такташ исемендәге әдәби премия лауреаты, Азнакай  районында озак еллар дәвамында  төрле хуҗалыкларны җитәкләгән тәҗрибәле авыл хуҗалыгы белгече Илдус Сабир улы Гыйлаҗев моннан бер ел элек, 19 нчы март көнне вафат булган иде. Аның якты истәлегенә багышланган  тапшыру шагыйрьнең шигырьләре  белән бизәлә.

5 март. «Пар канатлар».

флюра сулейманова 10 нчы мартта Татарстанның халык артисты, яраткан җырчыбыз Флера Сөләймановага 80 яшь тула. Тапшыру аның катлаулы тормыш юлына багышлана.

26 февраль. “Пар канатлар”.

IMG-20190226-WA0004   8 нче март – Халыкара хатын-кызлар көне якынлаша.  Күпчелек гаиләләрдә  тормыш иминлеге килен-кайнана мөнәсәбәтләренә бәйле. Бу юлы тапшыру туры эфирда бара һәм ире үлгәч тә кайнанасын, кайнатасын үз итеп яшәгән, аларны  тәрбияләп, соңгы юлга кадер-хөрмәттә озаткан, әле дә  кайнанасының акыллы киңәшләрен тотып яшәүче Розалия Хисамова тормыш сабаклары турында сөйләячәк. Элемтә өчен 555-55-13 һәм 555-55-14 телефоннары эшли. IMG-20190226-WA0005   IMG-20190226-WA0000