Табигать дуслары

24 февраль. “Табигать дуслары”.

дети 3 Бүгенге тапшыруыбызда күбрәк  кошлар турында сөйләрбез. Озакламый  җылы яктан безгә очар кошларыбыз кайтып җитәр. Ә без аларны каршы алырга бүгеннән үк әзерләнә башларга тиешбез. “Кызыклы мәгьлуматлар” рубрикасында  диңгез кошы- Фрегат һәм ләкләкләр турында сөйләшербез.

3 февраль. “Табигать дуслары”.

дети 3 Кышның соңгы ае – февральне дә башлап җибәрдек.  Айның сынамышларына карап язның, җәйнең ничек килүен фаразлыйк. Бу вакытта  кошларга азык табу кыенлаша.  Кыш чыгу алар өчен зур имтихан. Алар сезнең ярдәмгә мохтаҗ. Болар тапшыруыбызның кайбер темалары гына. Табигатьнең серен аңларга теләсәң, тапшыруны ахырына кадәр тыңлап бетер һәм тирә- юнебезне матурлауда үз өлешеңне кертергә онытма.

13 гыйнвар. “Табигать дуслары”.

птицы природа зима Бу көннәрдә безнең якта кышлаучы кошларны , аларның җим эзләүләрен күзәтү безнең өчен бигрәк тә кызыклы. Алар салкында да ылыс кәүсәсеннән бик вак бөҗәкләрне эзләп таба.Үрмәләч,чыелдык та агач кәүсәләреннән үзләренә кирәкле бөҗәкләрне табып тукланалар. Дусларыбыз да җимлекләр ясап элә. Шулар һәм башка кызыклы язмалар, кышкы бөҗәкләр турында тапшыруыбызда тулырак итеп тыңлый аласыз.

16 декабрь. “Табигать дуслары”.

птицы природа зима Бүгенге тапшыруыбызда декабрь аена күзәтү һәм Яңа ел алды мәшәкатьләре турында сөйләшербез. Тапшыруыбызда шулай ук яшь экологлар  декабрь аендагы үзгәрешләр, кошлар, җәнлекләр турында шигырьләр сөйләр, табышмак җавапларын әйтер. Болар тапшыруыбызның кайбер темалары гына иде, тулырак итеп бергәләп танышыйк.

25 ноябрь. “Табигать дуслары”.

птиц природа 3 Бүгенге тапшыруда ноябрьдән декабрьгә күчеш чорында табигатьтәге үзгәрешләр  турында сөйләрбез. Салкыннарда кошларга азык табу кыенлаша. Шул уңайдан  безнең якта кышлый торган кошларга  җимлекләр әзерләп элергә чакырабыз. “Кызыклы мәгьлуматлар” рубрикасында дельфиннар һәм безнең якларда үсүче әрекмән үсемлеге турындагы кызыклы күзәтүләр тәкьдим  итәрбез.

4 ноябрь. “Табигать дуслары”.

дети эколог природ Ноябрь көзнең соңгы ае. Бу айда  тереклек дөньясы кышка нинди әзерлек белән керә, салкын кышларны исән-сау чыгар өчен ниндиерәк азык әзерли икән алар? Шулар һәм башка кызыклы мәгълуматлар белән  «Табигать дуслары» тапшыруында таныша аласыз.

9 сентябрь. “Табигать дуслары”.

осент природа Сентябрь ае табигатьнең иң матур чорыдыр мөгаен. Аның үзенә генә хас төсләре, муллыгы бар. Табигатьнең матурлыгын без ак каеннының,усак агачының яфракларында күрәбез. Миләш агачлары  кызгылт тәлгәшләре белән сыгылып күзләрне камаштыра. Камыр җимеше, балан куаклары да ерактан ук масаеп торалар кебек. Шулар һәм башка кызыклы мәгьлуматлар белән тулырак итеп бүгенге тапшыруда танышырбыз.

19 август. “Табигать дуслары”.

000 Җәй фасылының соңгы ае –август үзенең җылылыгы белән безне сөендереп тора. Тикмәгә генә аны урак ае дип атамаганнардыр, кырларда урак өсте гөрли. Августта күчмә кошлар җылы якка китеп бара. Бүген без шулар турында да сөйләрбез. Урман -  яшәү чыганагы  һәм аны  саклау, ут белән сак булу һәм башка киңәшләр дә сезне кызыксындырыр дип уйлыйбыз. “Кызыклы мәгьлуматлар “ рубрикасында  әрекмән һәм аның  файдасы турында мәгьлуматлар җиткерербез.