Татарстан дулкынында

20 сентябрь. «Татарстан дулкынында».

театр тат искусство

Моннан нәкъ 70 ел элек татар театры тарихында мөһим бер вакыйга була. 1949 елда, Мәскәүдә Театр сәнгате дәүләт институтын – ГИТИСны тәмамлап,  Казанга бер төркем талантлы актерлар кайта. Әлбәттә, аларның барысы да киләчәктә сәхнәдә калмыйлар. Кайберләренең язмышлары да аянычлы. Бүгеннән башлап без театр белгече, Татарстанның халык артисты Луара Шакирҗанова белән татар театры тарихында якты эз калдырган, югары театраль белемле беренче артистлар, сәхнә йолдызлыгында үз урыннарын тапкан шәхесләребезгә багышланган тапшырулар циклын башлап җибәрәбез.

19 сентябрь. «Татарстан дулкынында».

Бүген безнең тапшыруда кунакта – Россиянең һәм Татарстанның халык артисты, республикабызның Габдулла Тукай исемендәге дәүләт премиясе лауреаты, танылган җырчы, Нәҗип Җиһанов исемендәге Казан дәүләт консерваториясе профессоры Зилә Даян кызы Сөнгатуллина. ZS Зилә Сөнгатуллина - җыр сәнгатендәге иң якты йолдызларның берсе. Ул кечкенәдән үк җырчы булырга хыялланган. Һәм бу хыял аның тормыш юлын һәрвакыт яктыртып торган. 1973 елда Зилә Сөнгатуллина Казан консерваториясен тәмамлый. Шул ук елда Татар опера һәм балет театрына алына. Театрда ул кырыктан артык опера партияләрендә чыгыш ясый,кабатланмас образлар тудыра, алар арасында: Джузеппе Вердиның “Травиата” операсында Виолетта, “Риголетто” операсында “Джильда”, Джоаккино Россининың “Севилья цирюльнигы” операсында Розина, Петр Чайковкийның “Евгений Онегин” операсында Татьяна роле. Шулай ук Нәҗип Җиһановның “Алтынчәч” операсында Алтынчәч, “Җәлил” операсында шагыйрьнең хатыны, Хөснул Вәлиуллиннын “Самат” операсында Әлфия, Салих Сәйдәшевның “Наемщик” музыкаль драмасында Гөлъйөзем, Бату Мөлековның “Кара йөзләр” операсында Галимә партияләрен башкарды. Галимә роле өчен Зилә Сөнгатуллина республикабызның Габдулла Тукай исемендәге дәүләт премиясе белән бүләкләнде. 1983 елдан башлап Зилә Даяновна Казан дәүләт консерваториясендә вокал бүлегендә укыта башлый. Бүгенге көндә ул консерваториянең вокал бүлеге мөдире. Һәм безнең очрашуыбыз да нәкъ менә консерватория классында үтте. 

18 сентябрь. “Татарстан дулкынында”.

20190918_161341 Бүген без сезнең белән Кукмара якларына сәяхәт итәрбез. Бөтендөнья татар конгрессы башкарма комитетының “Ак калфак” татар хатын-кызлар иҗтимагый оешмасы һәрдаим Татарстаныбызның төрле районнарына чыгып, җирлектәге милли гореф-гадәт йолалар белән, “Ак калфак” бүлекчәләренең эшчәнлеге белән таныша. “Оста кулда һөнәр бар” исеме белән үтүче күчмә утырышның Кукмара районында узуы гаҗәп түгел. Тырышлыгы уңганлыгы белән дан тоткан Кукмара халкы гомер-гомергә итек баскан, шәл бәйләгән, хәзер гектарлап суган да үстерә. Кукмара итеге белән табасының даны исә еракларга таралган. Бүген районда тегү фабрикасы, лимонад заводы, сэндвич панельләр җитештерә торган завод бар. Кукмарага Татарстаннан һәм Россия регионнарыннан 100 гә якын вәкил җыелды. Хәтта Төркиядән дә катнашучылар бар иде. Илебезнең төрле почмакларыннан килгән ак калфаклы ханымнар остаханәләрдә катнашты, төрле күргәзмәләр, һөнәрчелек үрнәкләре һәм халыкның яшәеше белән танышты.   20190918_161227   IjNTtjjYDvM   20190918_161428   20190918_161326   20190918_161253   20190918_161403   4uABOC9L4Kc

15 сентябрь. “Татарстан дулкынында”.

книги библиотека Татарстан язучылар берлеге оешуга 85 ел тулды. Бу датаны әдипләребез ничек каршылый, ничек итеп үткәрергә җыена, аларның нинди уңышлары һәм борчулары бар? Менә шулар турында сөйләшү өчен без язучылар берлеге рәисе Данил Хәбибрахман улы Салиховның үзе белән очраштык.

13 сентябрь. «Татарстан дулкынында».

театр Театр елында гомерләрен сәхнәгә багышлаган актерларны искә алып әзерләнгән тапшыруларны дәвам иттерәбез. Бүген без кабат хәтер барлыйбыз. Татарстанның атказанган артисты, 7 нче сентябрьдә тууына 120 ел тулган Гөлчәһрә Байкинаны һәм 19 сентябрьдә тууына 100 ел тулган Россиянең атказанган, Татарстанның халык артисты Әнвәр Фәсхетдиновны бергәләп искә алыйк. Студиядә кунакта — Татарстанның халык артисты, театр белгече  Луара Шакирҗанова һәм күренекле телережиссер Әхтәм ага Зарипов.

11 сентябрь. “Татарстан дулкынында”.

20190912_091636 Гадәттә, тамашачы сәхнә түрендә йолдыз булып балкыган җырчыны күкләргә чөеп мактый, аның иҗатына табына. Ә башкаручы үз талантын композитор һәм шагыйрьдән башка халыкка күрсәтә алыр идеме? Биредә әсәрнең сыйфаты да зур роль уйный бит әле. Шулай ук җырчыга репертуар белән ярдәм итүче, аңа нинди җыр килешкәнен нечкә тоемлап әйтеп торучы концертмейстерның хезмәте дә зур игътибарга лаек. Бүгенге кунагыбыз да әнә шундый лаеклы кешеләребезнең берсе – бик күп еллар буе “Татарстан” радиосында хезмәт куйган, үзенең бөтен гомерен музыкага багышлаган шәхес, Татарстанның атказанган сәнгать эшлеклесе Мөнирә Хәбибуллина. Мөнирә ханымга шигырь язу сәләте әтисе – мәшһүр шагыйрь, журналист һәм тәрҗемәче Мөнир Мазуновтан, ә музыкага мәхәббәт әнисе Миңҗамал ападан күчкән. Ул бүген дә эштән, иҗаттан туктамый. 20190912_195351   20190912_195534

10 сентябрь. “Татарстан дулкынында”.

IMG_177588888 Бүгенге тапшыруыбыз кунагы –  рәссам Илдар Вәлиуллин.  Авыл җирендә яшәп иҗат итүнең тәме һәм кайбер  мәшәкатьләре турында сөйләшәбез. Тапшыруыбызның икенче өлешендә  шагыйрә, Татарстанның атказанган  мәдәният хезмәткәре Фирдәвес Әһлиянең үзе укуында шигырьләрен  ишетерсез.