Татарстан дулкынында

19 май. “Татарстан дулкынында”.

цветы лето весна сирень “Татарстан дулкынында” прогаммасының бу чыгарылышында Сез күренекле сәхнә остасы Илсөяр Төхфәтуллинаның гомер бәйрәменә багышланган әдәби-музыкаль кичәдән язма тыңлый аласыз.

17 май. «Татарстан дулкынында».

  Нуриев Рудольфи балет классика   Бу көннәрдә Казанда ел дәвамында көтеп алынган,  Татарстанның музыкаль дөньясында төп мәдәни чараларның берсе булган Рудольф Нуриев исемендәге 31 Халыкара классик балет фестивале уза. Фестиваль ике зур датага багышлана – “оча торган татар”, мәшһүр балет биючесе Рудольф Нуриевның тууына 80 һәм атаклы балетмейстер Мариус Петипаның тууына 200 ел. Бүгенге тапшыруыбызда без сезне шушы фестивальнең төп яңалыклары, спектальләре, биредә катнашкан артистлар, кунаклар белән таныштырырбыз һәм “Хәзинә” милли сәнгать галереясына юл тотарыбыз. Биредә ике мәшһүр биюче — Рудольф Нуриев һәм Михаил Барышниковка багышланган күргәзмә бара. Аның белән безне галереяның өлкән фәнни хезмәткәре Дамир Фасиев таныштырыр. Нуриев Рудольфи балет классика 2   Нуриев Рудольфи балет классика 1   Нуриев Рудольфи балет классика 7   Фестиваль_классического_балета_имени_Рудольфа_Нуриева  

16 май. «Татарстан дуклынында».

173378_yandex Бүгенге көндә милләтебезгә хезмәт итүче яшь композиторлар аз дип әйтергә яратабыз. Әмма, сирәк булса да, музыка белән ныклап шөгыльләнгән, милләтебезне үзебездә генә түгел, чит илләрдә дә таныткан яшь иҗатчылар бар. Композитор, Г. Ибраһимов исемендәге Тел, әдәбият һәм сәнгать институтының “Театр һәм музыка” бүлеге мөдире, сәнгать фәннәре кандидаты, М.Җәлил премиясе лауреаты – Эльмира Галимова да шушы “сирәкләр” исемлегендәге затларыбызның берсе. Симфоник әсәрләре Россия күләмендә генә түгел, Италия, Германия, Австралия, Словакия, Төркия һәм башка илләрнең тамашачылары тарафыннан да яратып кабул ителде. Танылган композитор һәм башкаручы үзе бүген бездә кунакта.

15 май. “Татарстан дулкынында”.

семья 3 15 нче май – Халыкара Гаилә көне. “Татарстан»  дәүләт телерадиокомпаниясе Бөтендөнья татар конгрессы каршында эшләүче  Бөтенроссия  “Татар гаиләсе” фонды һәм  республикабызның  Халыклар дуслыгы йорты белән берлектә 12 нче майда Чистай районының Каргалы авылында үткәрәчәк гаилә бәйрәменең икенче өлеше яңгырый.

14 май. “Татарстан дулкынында”.

Вагапов 2 7 май көнне бөек җырчыбыз Рәшит Ваһаповның тууына 110 ел. Шул уңайдан бүген без узган гасырның 80 нче еллар ахырында Татарстанның халык язучысы Гомәр Бәширов тарафыннан әзепрләнгән тапшыруны кабатлап тыңлыйбыз. Ул Рәшит Ваһаповның иҗатына һәм шәхесенә багышлап әзерләгән.

13 май. “Татарстан дулкынында”.

“Кызыклы очрашулар кунакханәсе” сәхифәсенең яңа чыгарылышы тәкъдим ителә. Һәм аның кунагы, хактан да бик тә кызыклы, олы хезмәтле, ихлас күңелле кеше Лотфулла Шәфигуллин булачак. Сез инде беләсез, быел Татарстанның Габдулла Тукай исемендәге дәүләт бүләген бирү тарихында бик тә үзенчәлекле бер хәл булды. 60 еллык менә шушы тарихта беренче тапкыр сөекле шагыйребез исемендәге бүләк мәгърифәтчелекнең яңа бер төрен барлыкка китерүчеләргә – иганәчелек нигезендә мәгърифәтчелек белән шөгыльләнүче Лотфулла Шәфигуллин һәм Рөстәм Зәкуанга бирелде. Шулай итеп, без бүген инде Габдулла Тукай исемендәге премия лауреаты Лотфулла Шәфигуллин белән очрашабаз.   Закуанов

12 май. “Татарстан дулкынында”.

перо “Татарстан дулкынында” прогаммасының бу чыгарылышында Сез Татарстанның халык язучысы Фәнис Яруллинның тууына 80 ел тулуга багышланган әдәби-музыкаль кичәдән язма тыңлый аласыз.

11 май. «Татарстан дулкынында».

  Гали Рәхим. Татар тарихында фаҗигале язмышлы галим, язучы, фольклорчы. Узган гасырның беренче яртысында иҗат иткән фикер иясе хезмәтләренең бүген киң җәмәгатьчелеккә әле берникадәре генә таныш.  Татарстан республикасының Традицион мәдәниятне үстерү үзәгендә күптән түгел Гали Рәхимнең сайланма әсәрләреннән тупланган китабы дөнья күрде. Анда галимнең үз заманы өчен бик алдынгы һәм бүгенге көндә зур әһәмияткә ия булган татар фольклоры, туган якны өйрәнү буенча хезмәтләре урын алды. Әлеге китапта Гали Рәхимнең язмышы, киң кырлы иҗаты белән танышырырга мөмкин. Шулай ук әсәрләренә карата бирелгән искәрмәләрдә дә бик күп кыйммәтле тарихи мәгълүматлар китерелгән. Бүген без шушы китапны төзүчеләрнең берсе — Г.Ибраһимов исемендәге тел, әдәбият һәм сәнгать институтының  һәм Республика традицион мәдәниятне үстерү үзәгенең әйдәп баручы фәнни хезмәткәре, филология фәннәре кандидаты,  доцент Марсель Илдар улы Ибраһимовны чакырдык. Гали Рәхим турындагы сөйләшүебез сезнең өчен дә татар тарихының һәм мәдәниятенең яңа якларын ачар дип ышанабыз.

10 май. «Татарстан дулкынында».

mask Әле кичә генә без бөтен ил белән Җиңү бәйрәмен билгеләп үттек. Шул еллардан бирле 73 ел үтүгә карамастан, дәһшәтле сугыш һаман безнең хәтерләрдә. Бу мәңге шулай булсын иде дип телик. Дөрес, инде сугыш дәһшәтләрен үз башларыннан кичергән, үлем белән күзгә-күз очрашып та, бүген исән-имин гомер итүче ветераннарыбызның сафы елдан-ел кими. Ә менә сәнгатьтә, бигрәк тә театр сәнгатендә сугыш кайтавазы, әлеге тема бүген дә актуальлеген югалтмады. Бөек Ватан сугышын чагылдырган драматургик әсәрләр әледән-әле куела, тамашачыларның күңеленә үтеп керә, дулкынландыра тора. Бүгенге программабызда без театр тарихына күз салып, Г.Камал исемендәге татар Дәүләт академия театрында әлеге темага багышлап куелган спектакльләргә мөрәҗәгать итәрбез. Бу мөһим эшебездә югалып калмаска безгә Татарстанның халык артисты һәм театр белгече Луара Шакирҗан ярдәм итәр.