Татарстан дулкынында

21 ноябрь. “Татарстан дулкынында”.

1421909692 Татар дөньясы яңалыклары, республикабызда һәм татарлар яшәгән төбәкләрдә булган мөһим вакыйгаларга күзәтү, мәдәният, сәнгать,  фән эшлеклеләре белән очрашулар – республикабыз һәм аннан читтә яшәүче татарлар тормышыннан  иң актуаль мәсьәләләр,  вакыйгалар, көн кадагындагы яңалыклар. “Талантның ике канаты була: берсе – халык, икенчесе – хезмәт”. Күренекле язучы Аяз Гыйләҗевнең әнә шундый сүзләре бар. Бу гыйбәрәне искә төшерүем юкка гына түгел. Бүгенге тапшыруыбызның кунагы да тырышлыгы, хезмәте белән зур уңышларга ирешкән, халык арасында абруй яулаган, күпкырлы талант иясе. Сүзебез Россиянең атказанган,Татарстанның халык артисткасы, Н.Җиһанов исемендәге Казан дәүләт консерваториясе профессоры һәм җыр укытучысы Клара Әкрам кызы Хәйретдинова турында. Соңгы елларда Клара ханым яшь талантлар тәрбияли. Бу юнәлештә дә аның хезмәте мактауга лаек: укучылары ил һәм дөнья сәхнәләрен яулап, остазларын сөендерә. Быел яраткан җырчыбыз юбилеен – гомер бәйрәмен каршылады. Әлеге түгәрәк датаны да ул шәкертләре белән бер сәхнәдә билгеләп үтәргә тели.  

20 ноябрь. “Татарстан дулкынында”.

библ книг Бүген  Татарстанның халык шагыйре, Габдулла Тукай исемендәге Дәүләт премиясе лауреаты  Шәүкәт Галиевнең тууына 90 ел тулды. Аның иҗатын бергәләп барлыйк. Тапшыруыбызның икенче өлешендә тагын бер олуг язучыбыз – Татарстанның халык язучысы Аяз Гыйләҗевны искә алырбыз.

18 ноябрь. “Татарстан дулкынында”.

книга Тагын бер атнадан – 25 ноябрь көнне шагыйрь, әдәбият галиме, тәрҗемәче Шамил Анакның тууына 90 ел тула. Яшьрәк буын тыңлаучыларыбызга, бәлки, бу исем әллә ни таныш та түгелдер. Дөреслеккә хилафлык булмасын, үзебез дә әле бер атна элек кенә нәкъ шул хәлдә идек. Бу шагыйрьнең исемен, әлбәттә, ишеткән бар иде, бәлки шигырьләренә дә күз салгалаган булгандыр, игътибар ителмәгән. Күрәсең, ул вакытларда башка шагыйрьләрнең яктысы тирә-яктагыларны күләгәдә калдыргандыр. Һәм менә шагыйрьнең юбилее уңаеннан тапшыруга әзерлек барышында Шамил Анак дигән  өр яңа бер дөнья ачылды. Һәм бу дөньяны ачарга безгә Ренат Харисның төрле елларда төрле бамсаларда басылып чыккан мәкаләләре ярдәм итте. Сизенгәнсездер, бүген бездә Татарстанның халык шагыйре, Татарстанның Габдулла Тукай исемендәге дәүләт, Россия Федерациясенең дәүләт премиясе лауреаты Ренат Харис кунакта булачак. Сөйләшүнең темасы: Шамил Анак, аның шәхесе һәм иҗади мирасы.

16 ноябрь. «Татарстан дулкынында».

цветы Бүген Татарстанның Беренче Президенты, Дәүләт киңәшчесе Минтимер Шәймиевнең  хатыны Сәкинә Шәймиева вафат булды. Минтимер Шәриповичка  80 яшь тулган көннәрдә  аның гаиләгә мөнәсәбәте, югары дәрәҗәләргә ирешүдә  Сәкинә ханымның  йогынтысы турында сөйләгән  махсус программа әзерләнгән иде.  Бу тапшыру кабатлап бирелә.

15 ноябрь. «Татарстан дулкынында».

Быел танылган композитор, педагог, Казан дәүләт консерваториясе профессоры, Татарстанның халык артисты, Россия Федерациясенең атказанган сәнгать эшлеклесе Мирсәет Заһидулла улы Яруллинның тууына 80 ел тулды. Күптән түгел Салих Сәйдәшев исемендәге концерт залында композитор истәлегенә багышланган кичә узды. Ул Казан дәүләт консерваториясе тарафыннан оештырылган иде. Бүген без игътибарыгызга шушы кичәнең берникадәр кыскартылган язмасын тәкъдим итәбез. Кичәне Идел Кыямов алып бара. MZH_5686-S   MZH_5881-S   MZH_5803-S   MZH_5775-S   MZH_5786-S   MZH_5766-S

14 ноябрь. “Татарстан дулкынында”.

CBA0506

Быелның 22 нче октябрендә Казанның "Пирамида" күңел ачу комплексында халкыбызның яраткан җырчысы, кабатланмас моң иясе Әлфия Авзалова исемендәге I халыкара фестивальнең гала-концерты булып үтте. Конкурс ике турда узды. Төбәкара этаб Актанышта үткәрелгән иде. Биредә Татарстан һәм Башкортстаннан килгән үзешчән һәм профессиональ артистлар катнашты. Гала-концертта  хореография , вокал, нәфис сүз осталары чыгыш ясады, Әлфия Авзалова репертуарыннан да җырлар яңгырады. Ярыш ике көн дәвам итте. Конкурсның географиясе киң. Бирдә Кытай, Америка, Һиндстан, Палестина, БДБ илләреннән, Россия төбәкләреннән килгән кунаклар да бар. Катнашучыларны җыр буенча мәшһүр җырчыларыбыз Зилә Сөнгатуллина, Хәмдүнә Тимергалиева, Венера Ганиева, Алинә Шәрипҗанова, биючеләрне Айрат Хәмитов бәяләде.

Фестиваль быел беренче тапкыр халыкара дәрәҗәдә узды. Киләчәктә ул ике елга бер мәртәбә Казанда оештырылачак. Гала-концертны шулай ук Мәскәү, Санкт-Петербург калаларында да үткәрергә ниятлиләр. Фестивальне оештыруга Әлфия апаның кызлары да бик күп көч куйган. Җырчының кызы Зөлфия Нигъмәтҗанова-Авзалова әйтүенчә, фестивальнең максаты – буыннар дәвамлылыгын тәэмин итү һәм талантлы яшь җырчыларга алга таба юнәлеш биреп, аларга тернәкләнеп китәргә ярдәм итү. Зөлфия ханым Конкурс нәтиҗәләре һәм аның киләчәге турында да  сөйләде.

13 ноябрь. “Татарстан дулкынында”.

krymtatar Безнең бүгенге тапшыруыбыз кунагы - танылган рәссам, Татарстанның атказанган сәнгать эшлеклесе Канәфия Абзалетдин улы Нәфыйков. Кылкаләм остасының  80нче көзен каршылган бу көннәрдә без аның өендә булып, хәл- әхвәл белешеп кайттык. Кызыклы һәм мавыктыргыч әңгәмәне бергәләп тыңлыйк әле.  

12 ноябрь. “Татарстан дулкынында”.

1_cHR42aEMM   16 нчы ноябрь көнне Муса Җәлил исемендәге Татар дәүләт опера һәм балет театрында “Татар кызы -2018” конкурсының дөнья күләм финал өлеше булачак. Бүгенге тапшыруда без шушы конкурсның оештыручылары һәм катнашучылары белән аралашырбыз.   5x8Q0BjQ6Qg   WkGdTy7EDCU