Татарстан дулкынында

12 май. “Татарстан дулкынында”.

перо “Татарстан дулкынында” прогаммасының бу чыгарылышында Сез Татарстанның халык язучысы Фәнис Яруллинның тууына 80 ел тулуга багышланган әдәби-музыкаль кичәдән язма тыңлый аласыз.

11 май. «Татарстан дулкынында».

  Гали Рәхим. Татар тарихында фаҗигале язмышлы галим, язучы, фольклорчы. Узган гасырның беренче яртысында иҗат иткән фикер иясе хезмәтләренең бүген киң җәмәгатьчелеккә әле берникадәре генә таныш.  Татарстан республикасының Традицион мәдәниятне үстерү үзәгендә күптән түгел Гали Рәхимнең сайланма әсәрләреннән тупланган китабы дөнья күрде. Анда галимнең үз заманы өчен бик алдынгы һәм бүгенге көндә зур әһәмияткә ия булган татар фольклоры, туган якны өйрәнү буенча хезмәтләре урын алды. Әлеге китапта Гали Рәхимнең язмышы, киң кырлы иҗаты белән танышырырга мөмкин. Шулай ук әсәрләренә карата бирелгән искәрмәләрдә дә бик күп кыйммәтле тарихи мәгълүматлар китерелгән. Бүген без шушы китапны төзүчеләрнең берсе — Г.Ибраһимов исемендәге тел, әдәбият һәм сәнгать институтының  һәм Республика традицион мәдәниятне үстерү үзәгенең әйдәп баручы фәнни хезмәткәре, филология фәннәре кандидаты,  доцент Марсель Илдар улы Ибраһимовны чакырдык. Гали Рәхим турындагы сөйләшүебез сезнең өчен дә татар тарихының һәм мәдәниятенең яңа якларын ачар дип ышанабыз.

10 май. «Татарстан дулкынында».

mask Әле кичә генә без бөтен ил белән Җиңү бәйрәмен билгеләп үттек. Шул еллардан бирле 73 ел үтүгә карамастан, дәһшәтле сугыш һаман безнең хәтерләрдә. Бу мәңге шулай булсын иде дип телик. Дөрес, инде сугыш дәһшәтләрен үз башларыннан кичергән, үлем белән күзгә-күз очрашып та, бүген исән-имин гомер итүче ветераннарыбызның сафы елдан-ел кими. Ә менә сәнгатьтә, бигрәк тә театр сәнгатендә сугыш кайтавазы, әлеге тема бүген дә актуальлеген югалтмады. Бөек Ватан сугышын чагылдырган драматургик әсәрләр әледән-әле куела, тамашачыларның күңеленә үтеп керә, дулкынландыра тора. Бүгенге программабызда без театр тарихына күз салып, Г.Камал исемендәге татар Дәүләт академия театрында әлеге темага багышлап куелган спектакльләргә мөрәҗәгать итәрбез. Бу мөһим эшебездә югалып калмаска безгә Татарстанның халык артисты һәм театр белгече Луара Шакирҗан ярдәм итәр.

9 май. «Татарстан дулкынында».

Бүген 9 май – Бөек Җиңү көне. Ул – безнең ил өчен генә түгел, бөтен дөнья өчен иң олы бәйрәм. Һәр ел саен без бу көнне шатланып һәм шул ук вакытта бераз моңаеп та зур дулкынлану белән бәйрәм итәбез! Бу көннәрдә без халкыбызның шушы җиңүгә керткән өлеше турында уйланабыз. Әдипләребез арасында татар кешеләренең, республикабыз вәкилләренең сугыш кырларында яисә тылдагы батырлыклары турында бәян итүче эзтабар-язучылар булды. Үз вакытында Риза Ишморат бөек милләттәшебез Муса Җәлилнең һәм аның көрәштәшләренең тиңсез каһарманлыгы турындагы дөреслекне бөтен дөньяга сөйләде. Рафаэль Мостафин, Шамил Рәкыйпов кебек дистәләргән язучыларыбызның әсәрләрендә халкыбыз батырлыгы чагылыш тапты. Безнең көннәрдә дә эзтабарлык эшчәнлеген дәвам итүче әдипләребез бар, һәм аларның берсе, шактый ук күренеклесе – Татарстанның атказанган мәдәният хезмәткәре, Россия хәрби тарих фәннәре академиясе академигы, Россия Федерациясенең Ломоносов исемендәге премиясе лауреаты, шагыйрь Шаһинур Мостафин. Шаһинур абый белән бүгенге әңгәмәбез дә халкыбызның җиңүгә керткән өлеше хакында булыр. kLoDAs_s1Xs

8 май. “Татарстан дулкынында”.

юн вов побед патр кдет Сугыш ветераннары, тыл хезмәтчәннәре, яу кырыннан кайта алмаганнар рухы һәм толлар алдында баш иеп, бүгенге тапшыруыбызда сугыш чоры балалары кичергән газаплы тормыш һәм аларның эчке кичерешләре турында Дания Гайнетдинова иҗат иткән “Тальян моңы” яки “Сукачы малайлар” дигән хикәя тәкьдим итәбез. Аны Татарстанның һәм Россиянең халык артисты   Әзһәр Шакир укый.

7 май. «Татарстан дулкынында».

vagapov 7 май көнне бөек җырчыбыз Рәшит Ваһаповның тууына 110 ел. Шул уңайдан бүген без узган гасырның 80 нче еллар ахырында Татарстанның халык язучысы Гомәр Бәширов тарафыннан әзепрләнгән тапшыруны кабатлап тыңлыйбыз. Ул Рәшит Ваһаповның иҗатына һәм шәхесенә багышлап әзерләгән.

6 май. “Татарстан дулкынында”.

библ книг Бүген Татарстанның халык шагыйре, республикабызның Габдулла Тукай исемендәге дәүләт премиясе лауреаты Ренат Харисның туган көне. Шул уңайдан тыңлаучы игътибарына аның “Шәүлә” дип исемләнгән поэмасы тәкъдим ителә. Тапшыруның икенче өлешендә күренекле режиссерлар  Кәшифә һәм Равил Тумашевларның якты рухларын искә алырбыз.

5 май. “Татарстан дулкынында”.

птицы “Татарстан дулкынында” прогаммасының бу чыгарылышында Сез язучы Әнәс Хәсәновның “Минем сандугачларым” дигән әсәре буенча эзерләнгән радиокомпозиция тыңлый аласыз.

4 май. «Татарстан дулкынында».

Бүген сезне бик тә кызыклы шәхес белән очрашу көтә. Ул – Россиянең атказанган, Татарстанның халык артисты Наил Дунаев. Ул әле кичә генә үзенең туган көнен билгеләп үтте, 81 нче язын каршы алды. Наил Дунаев – татар театрының якты йолдызы. Ул данлыклы щепкинчылар буыныннан. Нык, тамырлары тирәнгә киткән, сәнгатебезгә уңдырышлы яңгыр кебек көчле тәэсир иткән буыннан. Наил Дунаевның милли театрыбыз үсешенә керткән өлеше бәяләп бетергесез. Аяз Гыйләҗевнең “Өч аршин җир” спектаклендәге – Мирвәли, Туфан Миңнуллинның “Канкай улы Бәхтияр”ендәге – Бәхтияр, “Дуслар җыелган җирдә” – Нурислам, “Гөргери кияүләре”ндә – Гөргери – болар барысы да Наил Дунаевның актер буларак өлгергән, тырышлыгын, барлыгын дәлилләгән, тамашачы күңелендә мәңге уелып калачак рольләре. 81 яшь булуга карамастан, Наил абый бүген дә сәхнәдә. Ул күренүгә тамашачы гөрләтеп кул чаба, ә Наил Дунаев нәкъ менә шуннан көч алып яши, иҗат итә. Наиль Дунаев  

3 май. “Татарстан дулкынында”.

maxresdefault   Бүген бездә кунакта югары колоратур тавышлы һәм шул ук вакытта аны чын татарча, нәзакәтьле итеп яңгырата белүче, милли җанлы, тынгысыз, шул исәптән һәрдаим үзен камилләштереп, бүгенге көндә инде прима җырчылар рәтендә баручы җырчы,  төрле халыкара конкурслар лауреаты Илүсә Хуҗина. 2127550286