Татарстан дулкынында

13 август. “Татарстан дулкынында”.

школа Тапшыруда Татарстанның атказанган сәнгать эшлеклесе,  танылган рәссам Газиз  Гобәйдуллин белән очрашу көтә. Тапшыруыбызның икенче өлешендә   ветеран укытучы — Гаптрәшит  Фәсхиев белән әңгәмә ишетерсез. “Әдәби сәхифә”дә   язучы- прозаик, хикәяләр остасы Мәгъсум Хуҗинның “Ике авыл арасы” дигән хикәясен тыңлый аласыз.

12 август. “Татарстан дулкынында”.

5NcZCIzCRRk Бүген без Н.Җиһанов исемендәге Казан дәүләт консерваториясенә юл тотарбыз. Монда килеп керүгә бер бүлмәдән җыр, вокал күнегүләре, икенчесеннән скрипка, баян, фортепиано тавышлары ишетелә. Тынлы музыка уен коралларында уйнаучыларның үз почмагы. Дәрес алдыннан күнегүләрне  шунда ук – бүлмә янындагы коридорда өйрәнәләр. Музыка дөньясында студентлар шулай күңелле яши. Шуңа да алар белән шөгыльләнгән мөгаллимнәр дә  картаю белми – һәрвакыт шат күңелле, самими. Казан консерваториясенең агач тынлы уен кораллары кафедрасы мөдире, фаготчы Илсур Ибраһим улы Айнатуллов та шундыйлардан.

9 август. «Татарстан дулкынында».

Ислам мус Булг Болг 7 Татар дөньясы яңалыклары, республикабызда һәм татарлар яшәгән төбәкләрдә булган мөһим вакыйгаларга күзәтү, мәдәният, сәнгать,  фән эшлеклеләре белән очрашулар – республикабыз һәм аннан читтә яшәүче татарлар тормышыннан  иң актуаль мәсьәләләр,  вакыйгалар, көн кадагындагы яңалыклар. Игътибарыгызга "Туган җирем - йөрәк җырым" сәхифәсен тәкъдим итәбез. Бүген без Балык Бистәсе районының Күгәрчен һәм Яңа Арыш авылларында иҗади сәфәрдә. Әлеге авылларның тарихы, дини тормышы, анда яшәүче уңган, тырыш кешеләр белән якыннанрак танышыйк.

7 август. “Татарстан дулкынында”.

ришат тухватуллин Ул – татар эстрадасына килеп керү белән үк популярлашып китте. Тамашачы яшь талантны бик тиз үз итте. Аның концертына билетлар бер ай алдан сатылып бетә. Заллар шыгрым тулы, концертлары аншлаг белән уза. Ходай биргән моңлы, нәзәкатьле тавыш, эчке һәм тышкы гүзәллек, гадилек һәм зәвыклык бер кешедә тупланган. Өлкән буын тамашачысында да, яшьләр арасында да бертигез хөрмәт яулаган җырчыларыбызның берсе ул. Сүзем бүгенге тапшыруыбызның кунагы – яраткан җырчыбыз, Башкортстанның атказанган артисты Ришат Төхвәтуллин турында. Татар эстрадасында Ришат тирәсендә җырчы егетләр күп. Конкуренция зур, әмма Ришат Төхвәтуллин алардан бер баскычка алдарак бара дип әйтергә мөмкин. Бәлки моның бөтен сере дә гап-гади гадилектәдер. Әйе, ул борынын югары күтәреп, эреләнеп йөрергә яратмый. Концертларында да тамашачысы белән бер бөтен булып, чын күңеленнән аралаша. Ә халыкка шул гадилек кирәк тә. Аннары ул үзенә карата да бик таләпчән, музыкантларына да җитди карый. Концертларына да бик җентекләп, алдан хәзерләнә. Анда ниндидер килде-китте юмор, чиле-пешле җырларны күрмәссең. Алып баручыларның сүзләре дә, киемнәр дә, сәхнә бизәлеше дә энәсеннән җебенә кадәр уйланылган. Шул ук вакытта залда ниндидер җылылык һәм дә башта әйтеп үткән гадилек хөкем сөрә. Ришатны Казанда тоту бик авыр, чөнки һәр сәгате, һәр минуты алдан язылган. Шулай да шушы көннәрдә җырчы егетебез белән очрашып, җәһәт кенә әңгәмә корып алырга насыйп булды. Ришат белән иҗаты хакында да сөйләштек, тыңлаучыларыбызны кызыксындырган кайбер шәхси сорауларга да җаваплар таптык.   2019-08-07-12-39-46-793   33321d5e563e93c26b02ffe9def41812   1OjbS4EAlY0

6 август. “Татарстан дулкынында”.

IMG_177588888 Бүгенге тапшыруда без  танылган рәссамнар  белән очрашып, аларның  иҗат сәфәрләре, алдагы көннәрдә  башкарасы кайбер эшләре турында сөйләшербез.Тапшыруыбызның беренче кунагы – танылган рәссам, монументалист, Россия рәссамнәр берлегенең Татарстан бүлеге рәисе Илнур  Сираҗиев. Тапшыруыбызның икенче өлешендә   рәссам, монументалист, Татарстанның Габдулла Тукай исемендәге дәүләт премиясе лауреаты  Фәрит Вәлиуллинның иҗади остаханәсендә булып, кайбер иҗат үрнәкләре белән танышырбыз.

4 август. “Татарстан дулкынында”.

село аул Кама Тамагы районының Балтач авылында “Авыл көне” булып үтте. Ул мәчет диварына шушында имамлык иткән Указлы муллаларның исемнәре язылган истәлек тактасын урнаштыру тантанасы белән башланып китте. Игътибарыгызга менә шушы вакыйгадан репортаж тәкъдим ителә.