Татарстан дулкынында

3 декабрь. «Татарстан дулкынында».

rybub “Казан утлары” журналында шушы елның май аеннан башлап, октябрьгә кадәр “Укытучы иртә чалара” дигән документаль повесть чыгып килде. Һәм аны укып, бик күпләр үзләре өчен яңа ачышлар ясадылар. Әсәрнең авторы — Мәгъсум Харисов. Ул 1917 елгы кеше, димәк аның тууына 100 ел. Менә шушы күп күргән, күп белгән, күп кичергән, күп уйланган-фикрләгән шәхес әлеге язмада үзенең биограяиясенә үрелеп барган хәлләрне-вакыйгаларны бәян иткән, үз чорының атмосферасын, хисен, төсен, шул вакыйгаларга үзенең, халыкның карашын безгә китереп җиткергән. Җыеп әйткәндә, гади бер татар гаиләсендә туып-үсеп, белем алып, зур мөгаллим, педагог дәрәҗәсенә ирешкән талантлы бер шәхес тарафыннан язылган әсәр һәм без аны укыганда, үзебез дә сизмәстән, дөньяга аның күзләре белән карый башлыйбыз кебек. Мәгъсум ага үзе инде бакыйлыкта. Әтисенең шушы язмалары турында сөйләшүгә, бүген аның улы, сезгә мәгълүм шәхес, Ренат Харисны чакырдык. Шулай итеп, бүген бездә кунакта Татарстанның халык шагыйре, Татарстанның Габдулла Тукай исемендәге премиясе һәм Россия Федерациясенең дәүләт премиясе лауреаты, Россия Президенты каршындагы мәдәният советы әгъзасы Ренат Харис булачак.

1 декабрь. «Татарстан дулкынында».

Сайдашев 3 нче декабрь – бөек композитор Салих Сәйдәшевнең туган көне. Шул уңайдан бүген аның иҗатына багышланган тапшыру әзерләдек. Анда сүз республикабызның “Җыен” фонды тарафыннан әле яңа гына дөнья күргән, Салих Сәйдәшевка багышланган китап турында бара.

30 ноябрь. «Татарстан дулкынында».

Соңгы елларда бер буын яңа, югары белемле, профессиональ, талантлы җырчылар үсте. Рүзил Гатин бүген Миланда чыгыш ясый, Альбина Шаһиморатова инде бөтен дөньяда танылган опера йолдызы.  Артур Исламов, Илүсә Хуҗина... милли җанлы талантлы җырчыларыбыз бар безнең бүген. Киләчәктә алар милләтебезнең горурлыгы һәм терәге булсыннар иде. Бүген без сезне “алга таба шушы җырчылар рәтендә булыр”, - дигән өмет белән, тагын бер җырчы белән таныштырырга булдык. Хәер, бәлки, сез аның белән таныштыр да. Чөнки ул инде Казанның зур сәхнәләрендә дә еш җырлый, аның бәрхет тембрлы куе матур тавышын Мәскәү тамашачысы да, чит төбәкләрдә яшәүче милләттәшләребез дә ләззәтләнеп тыңлады.  Бүгенге кунагыбыз – яшь җырчы, төрле халыкара конкурслар лауреаты, Казан шәһәр филармониясе солисты Рөстәм Насыйбуллин.   xxjeRL4Tlxk

28 ноябрь. “Татарстан дулкынында”.

krymtatar Танылган язучы, Татарстанның атказанган мәдәният хезмәткәре Альберт Бари улы Хәсәнов бу көннәрдә үзенең 80 яшьлек гомер бәйрәмен каршыларга әзерләнә. Бүгенге тапшыруда без аның үзе белән әдәби иҗат турында сөйләшербез һәм  иҗатташ дуслары фикерләрен ишетербез.

27 ноябрь. «Татарстан дулкынында».

IMG_2361 Бүгенге тапшыру “Безнең мирас” журналының ноябрь ае санына күзәтүдән гыйбарәт. Басманың 11 нче санында урын алган мәкаләләргә анализны без журналының баш мөхәррире, язучы Ләбиб Лерон, тарих, дин, педагогика бүлеге мөхәррире – Ленар Гобәйдуллин һәм журналның баш мөхәррир урынбасары-җаваплы секретарь – Марат Закир белән ясарбыз.

26 ноябрь. “Татарстан дулкынында”.

tat-ornament Тагын дүрт көннән декабрьгә, кышка керәбез. Һәм менә шушы декабрь аенда зур-зур вакыйгалар көтелә. Яңа елны каршылауны әйткән дә юк, анысы инде үзгә бер бәйрәм. Әле тагын дкабрь нең бересендә без геометрия фәнендә революция ясаган бөек галим, якташыбыз Николай Лобачевскийның тууына 125 ел тулуны билгеләп үтәчәкбез. Шул ук көнне язучы Альберт Хәсәновка 80 яшь тула. Икесендә зур рәссам Рәшит Габдрахмановның тууына 90 ел.  Халкыбызга биниһая зур хезмәт биреп киткән Әнвәр ага Хәйруллинның да тууына 70 ел тула. Шулай ук декабрь аенда драматург Сәет Шәкуровның, язучылар Мәхмүт Хәсәновның, Мөсәгыйть Хәбибуллинның юбилейларын билгеләп үтәчәкбез. Һәм боларның барысы да безнең тапшыруларда чагылыш табачак. Ә бүген без исә Әхсән Баянга тукталырга булдык. 8 декабрьдә Шагыйрь прозаик, Татарстанның халык шагыйре, Габдулла Тукай исемендәге дәүләт премиясе лауреаты Әхсән Фәтхелбаян улы Баяновның  тууына 90 ел тула.

24 ноябрь. «Татарстан дулкынында».

teatrrrr Тапшыруыбызның бүгенге кунагы – Татарстанның халык артисты, Галискәр Камал исемендәге татар дәүләт академия театры актрисасы Илсөя Төхфәтуллина. Бүген сезне аның белән очраштыруыбыз очраклы түгел. Илсөя Җиһангир кызы шушы көннәрдә үзенең күркәм гомер бәйрәмен – 50 яшьлек юбилеен билгеләп үтә. Инде Камал театры бусагасын атлап керүгә дә 30 елга якын вакыт үткән. Үзенең иҗат юлында актриса Илсөя Төхфәтуллина легендар, көчле рухлы хатын-кыз образларын тудырырга өлгерде. Халык күңеленә ул Мәйсәрә, Галиябану, Зөләйха рольләре белән кереп калды. Аның сәхнәдә тудырган образлары ихласлыгы, гадилеге, табигыйлеге белән җәлеп итә. Илсөя ханым үзе дә чын татар хатын-кызларына хас сыйфатларга ия: тыйнак, сабыр холыклы, зыялы. Бүген, 24 нче ноябрьдә, 19.00 сәгатьтә Камал театрында күпләребезнең яраткан актрисасы үзенең юбилей кичәсенә чакыра.

23 ноябрь. «Татарстан дулкынында».

Тапшыруыбызда без татар музыка сәнгатендә төп музыка йортларының берсе булган, быел үзенең 80 яшьлек юбилеен билгеләп узучы – Г.Тукай исемендәге Татар дәүләт филармониясендә ноябрь аенда узган мәдәни чаралар һәм яңалыклар белән таныштырырбыз. Ә биредә соңгы вакытта чыннан да күп кенә әһәмиятле чаралар узды. - Узган атнада халкыбызның яраткан җырчысы, Татарстанның атказанган артисты Таһир Якупов яшәгән йортка мемориаль такта куелды. Сез әлеге чарадан репортаж ишетерсез. - Филармониянең Фольклор музыкасы дәүләт ансамбле Санкт-Петербургта 12 меңлек тамашачы сыйдырышлы залда чыгыш ясап татар музыкасын яңгыратты. Әңгәмәдәшебез -  филармониясенең сәнгать җитәкчесе, Татарстанның халык, Россиянең атказанган артисты, Татарстан Республикасы фольклор музыкасы дәүләт ансамбленең сәнгать җитәкчесе Айдар Фәйзрахманов. 20171117_101708   Clipboard65