Татарстан дулкынында

28 сентябрь. “Татарстан дулкынында”.

перо Татар дөньясы яңалыклары, республикабызда һәм татарлар яшәгән төбәкләрдә булган мөһим вакыйгаларга күзәтү, мәдәният, сәнгать,  фән эшлеклеләре белән очрашулар – республикабыз һәм аннан читтә яшәүче татарлар тормышыннан  иң актуаль мәсьәләләр,  вакыйгалар, көн кадагындагы яңалыклар.

27 сентябрь. «Татарстан дулкынында».

празат исанбет Моннан нәкъ 70 ел элек татар театры тарихында мөһим бер вакыйга була. 1949 елда, Мәскәүдә Театр сәнгате дәүләт институтын – ГИТИСны тәмамлап,  Казанга бер төркем талантлы актерлар кайта. Әлбәттә, аларның барысы да киләчәктә сәхнәдә калмыйлар. Кайберләренең язмышлары да аянычлы. Бүген театр белгече, Татарстанның халык артисты Луара Шакирҗанова белән татар театры тарихында якты эз калдырган, югары театраль белемле беренче артистлар, сәхнә йолдызлыгында үз урыннарын тапкан шәхесләребезгә багышланган тапшырулар циклын дәвам иттерәбез. Бүген талантлы режиссер, Камал театры тарихында бик якты зур эз калдырган шәхес – Празат Исәнбәт иҗаты турында сөйләшәбез.

26 сентябрь. “Татарстан дулкынында”.

Notny_stan_b Бүген без сезгә һәвәскәр композиторлар иҗатына багышланган “Җыр чишмәләре” дигән циклдан чираттагы тапшыру тыңларга тәкъдим итәбез. Тапшыруны гомере буе композиторлар белән аралашып яшәгән, аларның иҗатын өйрәнгән, Татарстанның һәвәскәр композиторлар оешмасы рәисе Риф Гатауллин алып бара. Бүгенге чыгарылыш Сабада яшәп иҗат итүче һәвәскәр композитор, “Нәүрүз” халык фольклор ансамбле җитәкчесе Рәйсә Билаловна Имамиева иҗатына багышлана.

25 сентябрь. “Татарстан дулкынында”.

dadf259e “Елама, ярсыма”, “Әйтмә син авыр сүз”, “Аллага шөкер”, “Балаларга фатыйха”, “Моңнар кайтсын авылга”... Халкыбыз күңелендә зур урын яулаган, мәҗлесләрдә, табын янында җырлана торган, күбебез яттан белә торган бу җырларның авторы, популяр композитор Ризван Хәкимов шушы көннәрдә Казанда булып китте. Башкорт Дәүләт университетының филология факультетын тәмамлап та, гомерен җыр-моң дөньясына багышлаган Ризван аганың иҗат итә башлавына да ярты гасырдан артык вакыт үтеп киткән. Быел ул Казан тамашачысына үзенең иҗат кичәсен тәкъдим итәргә җыена. Концерт 5 ноябрь көнне Г.Тукай исемендәге Дәүләт филармониясендә үтәчәк. Анда Айдар Галимов, Ришат Төхвәтуллин, Радик Юльяшкин һ.б. шундый танылган артистлар чакырулы. “Татар-информ” мәгълүмат агентлыгында узган матбугат очрашуында әнә шул хакта сөйләштек. Аннан соң Ризван абыйның үзе белән күрешеп кечкенә генә әңгәмә корып алырга да насыйп булды.

24 сентябрь. “Татарстан дулкынында”.

TD090217 11 Әле яңа гына кулыбызга җырчы һәм композитор Сара Садыйковага багышланган «Мәңгелек юлында» дигән саллы китап дөнья күрде.  Китапка  ХХ –ХХ1 гасырларда газета- журналларда Сара Садыйкова иҗатына  багышлап язылган мәкаләләр, истәлекләр, багышлаулар һәм фото- материаллар тупланган. Китапны Сара Садыйкованың кызы Әлфия  Айдарская төзегән. Тапшыру барышында китапка берникадәр күзәтү һәм Әлфия ханымның  үзе белән дә әңгәмә ишетерсез.   TD090217 1   TD090217 Sara 1   TD090217 Sara   TD090217

23 сентябрь. “Татарстан дулкынында”.

9514654ec5fd9c343d-Идеал Мәскәүдә яшәп иҗат итүче композитор, Татарстанның атказанган мәдәният хезмәткәре, Мәскәү татарларының мәдәни тормышында актив катнашучы милли җанлы музыкант һәм әле радиобызның тугъры тыңлаучысы һәм дусты Рифкат Асиков.  

22 сентябрь. “Татарстан дулкынында”.

“Кызыклы очрашулар кунакханәсе”. дом жкх 1   Бүген игътибарыгыз “Кызыклы очрашулар кунакханәсе” сәхифәсе тәкъдим ителә. Кунагыбыз – “Татагропромстрой" акционерлык җәмгыятенең генераль директоры, экономика фәннәре кандидаты, төзелеш инвестицияләре һәм экономикасы  академиясенең хакыкый әгъзасы, Россия Төзүчеләр берлегенең вице-президенты, Россиянең һәм Татарстанның атказанган төзүчесе Ирек Мөнир улы Закиров.

21 сентябрь. “Татарстан дулкынында”.

P1140585 Татар дөньясы яңалыклары, республикабызда һәм татарлар яшәгән төбәкләрдә булган мөһим вакыйгаларга күзәтү, мәдәният, сәнгать,  фән эшлеклеләре белән очрашулар – республикабыз һәм аннан читтә яшәүче татарлар тормышыннан  иң актуаль мәсьәләләр,  вакыйгалар, көн кадагындагы яңалыклар.   Михаил Худяков.

20 сентябрь. «Татарстан дулкынында».

театр тат искусство

Моннан нәкъ 70 ел элек татар театры тарихында мөһим бер вакыйга була. 1949 елда, Мәскәүдә Театр сәнгате дәүләт институтын – ГИТИСны тәмамлап,  Казанга бер төркем талантлы актерлар кайта. Әлбәттә, аларның барысы да киләчәктә сәхнәдә калмыйлар. Кайберләренең язмышлары да аянычлы. Бүгеннән башлап без театр белгече, Татарстанның халык артисты Луара Шакирҗанова белән татар театры тарихында якты эз калдырган, югары театраль белемле беренче артистлар, сәхнә йолдызлыгында үз урыннарын тапкан шәхесләребезгә багышланган тапшырулар циклын башлап җибәрәбез.

19 сентябрь. «Татарстан дулкынында».

Бүген безнең тапшыруда кунакта – Россиянең һәм Татарстанның халык артисты, республикабызның Габдулла Тукай исемендәге дәүләт премиясе лауреаты, танылган җырчы, Нәҗип Җиһанов исемендәге Казан дәүләт консерваториясе профессоры Зилә Даян кызы Сөнгатуллина. ZS Зилә Сөнгатуллина - җыр сәнгатендәге иң якты йолдызларның берсе. Ул кечкенәдән үк җырчы булырга хыялланган. Һәм бу хыял аның тормыш юлын һәрвакыт яктыртып торган. 1973 елда Зилә Сөнгатуллина Казан консерваториясен тәмамлый. Шул ук елда Татар опера һәм балет театрына алына. Театрда ул кырыктан артык опера партияләрендә чыгыш ясый,кабатланмас образлар тудыра, алар арасында: Джузеппе Вердиның “Травиата” операсында Виолетта, “Риголетто” операсында “Джильда”, Джоаккино Россининың “Севилья цирюльнигы” операсында Розина, Петр Чайковкийның “Евгений Онегин” операсында Татьяна роле. Шулай ук Нәҗип Җиһановның “Алтынчәч” операсында Алтынчәч, “Җәлил” операсында шагыйрьнең хатыны, Хөснул Вәлиуллиннын “Самат” операсында Әлфия, Салих Сәйдәшевның “Наемщик” музыкаль драмасында Гөлъйөзем, Бату Мөлековның “Кара йөзләр” операсында Галимә партияләрен башкарды. Галимә роле өчен Зилә Сөнгатуллина республикабызның Габдулла Тукай исемендәге дәүләт премиясе белән бүләкләнде. 1983 елдан башлап Зилә Даяновна Казан дәүләт консерваториясендә вокал бүлегендә укыта башлый. Бүгенге көндә ул консерваториянең вокал бүлеге мөдире. Һәм безнең очрашуыбыз да нәкъ менә консерватория классында үтте.