Яшьлек аланы

13 ноябрь. “Яшьлек аланы”.

Сәләт Сэлэт

Бүген безнең студияне сәләтлеләр басып алды. Кунакларыбыз —  “Сәләт” яшьләр оешмасыннан «Сәләт» клублары Президенты Тимерхан Шәйхетдинов һәм Беренче вице-президент Әмил Нуруллин. Тиздән башланып китәчәк “Дәрман” проектлары юнәлеше турында әңгәмә корырбыз. Шулай ук «Сәләт» үткәрә торган Рөстәм Бикмуллин исемендәге иҗат фестивале турында да сөйләшербез. Бу турыда фестивальнең әдәби юнәлеш кураторы Айгөл Абдрахманова һәм координатор Айгөл Вәлиуллина сөйләр.

30 октябрь. “Яшьлек аланы”.

перо Безнең бүгенге программада:

- Казанда ярминкәләр гөрли. Казан  агросәнәгать паркында республикабызның мәгариф оешмалары үз продукцияләрен тәкъдим иттеләр.
- Хезмәт кешеләренең яңача йөзе. Яшь рәссам Руслан Ибраһимов күргәзмәсендә булып кайтырбыз.
- Шагыйрә Йолдыз Миңнуллина һәм Нурбәк Батулла “Өтүкән” дигән яңа тамаша тәкъдим итә. Бу хакта студиябез кунагы Йолдыз Миңнуллина белән әңгәмне тыңламый калмагыз.

16 октябрь. “Яшьлек аланы”.

teatr Бүген безнең программада:

  1. Яшьләр Камал театрын басып алырга җыена. Дөресрәге, театр яшьләргә үз ишекләрен үзе ача. Өр-яңа “Сишәмбе көн кич белән” дигән проекты турында яшь режиссер Олег Кинҗәголов белән сөйләшәчәкбез.
  2. 19 нчы октябрьдә бөтендөнья татарча диктант язачак. Диктант язу урыннары, оештыру үзенчәлекләре турында Бөтендөнья татар яшьләре форумы сәркатибе Зөһрә Вилданова белән сөйләшәчәкбез.

9 октябрь. «Яшьлек аланы».

dx8jmZYYw_s Бүген аланыбызның түр башында иҗади кунак бар. Ул – Гөлшат Гайсина. Башкортстанның атказанган артисткасы. Ул инде 20 елдан артык Мостай Кәрим исемендәге Милли яшьләр театрында эшли. Без аның белән театр Казанга гастрольгә килгәч очрашып сөйләштек.

2 октябрь. “Яшьлек аланы”.

межнац
Бүген бездә кунакта актив төрки яшьләре һәм “Идел” яшьләр үзәге директоры Ләйсән Сафина. Алар белән без Казанда Төрки яшьләр фестивале үткән көннәрдә очрашып сөйләшкән идек. Әлбәттә, сөйләшүебезнең төп темасы төрки яшьләр өчен уртак телне, милләтне саклау проблемалары, уртак уңышлы проектлар.

18 сентябрь. “Яшьлек аланы”.

IMG_20190913_092825 Бүген бездә кунакта яшь эколог-галимнәр. Казан федераль университеты Экология һәм табигатьтән файдалану институтының туфракны өйрәнү кафедрасыннан өлкән мөгаллим Илназ Сәхәбиев һәм 4 нче курс студенты Илназ Закиров.

11 сентябрь. “Яшьлек аланы”.

IMG_20190904_145439 Бүген безнең студиядә кунакта быелгы җәйләрен республикабызның студентлар хезмәт отрядлары составында эшләп үткәргән хезмәт сөючән, тырыш кызлар. Алар – студентлар хезмәт отрядлары төбәк оешмасының медиаүзәк җитәкчесе Эльвина Ханова, Казан дәүләт медицина университетыннан Фәридә Фәйзрахманова һәм Казан Дәүләт архитектура-төзелеш университетыннан Алинә Хәйретдинова.

4 сентябрь. «Яшьлек аланы».

IMG-20190813-WA0011   Без бүген сезне яңа татар музыкасы турында сөйләшергә чакырабыз. Студиябездә кунакта – Татар ин лейбл продюссерлык үзәгеннән кунаклар – аның җитәкчесе Сергей Быков һәм репер Илнар Хәкимов.  

28 август. «Яшьлек аланы».

IMG-20190828-WA0001 Без бүген 30 август – Республика көнендә булачак “Таткультфест” Халыкара яңа татар мәдәнияте фестивале турында әңгәмә корабыз. Ул Казан кремлендә үтәчәк. Студиябезнең кунагы – музыкант, журналист Рәдиф Кашапов. IMG-20190828-WA0002   IMG-20190828-WA0003  

21 август. “Яшьлек аланы”.

молод раб world skills 5 Иртәгә башкалабызда 45 нче тапкыр үтәчәк ”Ворлдскиллс” эшче һөнәрләр чемпионаты башланып китәчәк. Ачылу тантанасы Казан арена стадионында булачак. Ачылу тантанасының кайбер серләрен ачып, оештыручылар биредә  төрле йолдызлар чыгышы, махсус кунак буларак дөньяда бердәнбер гражданлык һәм паспорт алган София исемле робот булачагын хәбәр итә. Сәхнә бизәлешендә югары технологияле декорацияләр кулланылган, ә иң мөһиме – сәхнәдә барган вакыйгаларга тамашачылар үзләре йогынты ясый алачак. Ярышлар Казан экспо күргәзмәләр үзәгендә булачак. Казанның төрле җиреннән аңа кадәр махсус шатллар хәрәкәт итәчәк. Чемпионат 56 компетенция буенча үткәрелә. Анда 63 чит илдән 1300 дән артык яшь профессионаллар катнаша. Аларның эшен 1300 эксперт бәялиячәк. Чемпионат башланырга санаулы сәгатьләр калган бу тарихи мизгелдә без студиядә аның илкүләм этабында катнашучыларны һәм яшь чемпионнарны тәрбияләүчеләрне сәламлибез. Алар – кирпеч салу компетенциясе эксперты – Газиз Хәсәнов, авиация техникасына хезмәт күрсәтү компетенциясендә катнашып җиңүгә ирешкән – Газиз Хәмитов һәм “Ворлдскиллс Раша” 7 нче илкүләм чемпионатта иң күп медалистлар әзерләгән Казан авиация институтының инженер-лицеенда физика укытучысы – Сергей Быков.