Яшьлек аланы

9 гыйнвар. «Яшьлек аланы».

IMG_4816 Яңа ел – үткән елга йомгак ясау һәм киләчәккә планнар кору вакыты. Без дә әлеге күркәм традициягә тугры булып студиябезгә республикабызның яшьләр оешмалары вәкилләрен чакырдык. Бүген бездә кунакта – Бөтендөнья татар яшьләре форумы рәисе урынбасары Айрат Фәйзрахманов һәм “Сәләт” яшьләр үзәге директоры урынбасары Игорь Смирнов.

26 декабрь. “Яшьлек аланы”.

тат орнам вышивк 2 Яңа ел – үткән елга йомгак ясау һәм киләчәккә планнар кору вакыты. Без дә әлеге күркәм традициягә тугры булып студиябезгә республикабызның яшьләр оешмалары вәкилләрен чакырдык. Бүген бездә кунакта – Бөтендөнья татар яшьләре форумы рәисе урынбасары Айрат Фәйзрахманов һәм “Сәләт” яшьләр үзәге директоры урынбасары Игорь Смирнов.

5 декабрь. “Яшьлек аланы”.

ГАИ 2017 комп молод рабоч Дуслар, сизәсезме, Яңа - 2019 ел якынлаша. Киләсе елда безнең шәһәрне зур вакыйгалар көтә! 2019 ел - Россия Федерациясе Президенты фәрманы белән "Эшче һөнәрләр" елы дип игълан ителде. Менә шундый истәлекле елда башкалабыз Казан һөнәри осталык буенча 45 нче дөнья чемпионатын кабул итәчәк. Ул 2019 елның 22 августыннан 27сенә кадәр узачак. Исегезгә төшерәбез, Казан Бөтендөнья эшче һөнәрләр чемпионатын кабул итү хокукын 2015 елда Бельгиянең Шарлеруа һәм Франциянең Париж шәһәрен артта калдырып яулап алды. Ворлдскиллсның төп максаты - эшче һөнәрләрнең авторитетын арттыру һәм популярлаштыру. Әгәр саннарга күз салсак, быел чемпионатта 60 илдән килгән катнашучыларның һәм кунакларның саны 200 меңнән артып китәчәк. Ярышлар 50 компетенциядә үтә, катнашучыларның осталыкларын 2 мең эксперт бәялиячәк, бу эшкә барлыгы 2500 волонтер җәлеп ителәчәк икән. Ярышлар "Казан Экспо" мәйданында булачак. Ул "Казан" Халыкара аэропорты янында урнашкан. Чемпионатта катнашучылар һәм экспертлар «Универсиада авылы» торак комплексында яшәячәк. «Казан Экспо» күргәзмәләр үзәге территориясендә урнашачак Skills Culture Park күңел ачу паркы чемпионатның төп мәдәни мәйданчыгы булыр дип көтелә. Чемпионатны ачу һәм ябу тантаналары Үзәк стадионда узачак. “Казан Экспо” мәйданчыгын сынау максатыннан 2019 елның 20нче маеннан 24 кадәр Казанда «Яшь профессионаллар» (WorldSkills Россия) VII Илкүләм чемпионатының финалы узак. Татарстанда WorldSkills хәрәкәте 2013 елда башланды. Бүген Татарстан техникумнарында укучы студентлар “Ворлдскиллс” дөнья чемпионаты таләпләренә туры килгән имтихан тапшыралар. 2017 елда Татарстан имтихан үткәрү буенча сынау төбәге булды, 2018 елда анда 47 белем бирү оешмасыннан 1,2 меңнән артык кеше катнашкан. 2019 елда республиканың 60 һөнәри белем бирү оешмасында укучы 3 мең кеше 40 компетенция буенча шундый аттестация узар дип көтелә. Бу көннәрдә Татарстанда “Яшь һөнәрчеләр” (WorldSkills Russia) төбәк чемпионатының йомгаклау ярышлары үтә. “Яшь һөнәрчеләр” (WorldSkills Russia) чемпионаты 16 – 22 яшьлек конкурсантлар өчен 83 компетенциядә һәм “Ворлдскиллс Юниор”, ягъни лицей, мәктәп укучылары өчен 53 компетенциядә оештырылган. Менә шундый кызган ярышлар барган бер көндә без Казан Илкүләм тикшеренү техник университеты – Казан авиация институты инженер лицей-интернатында булдык. Бу лицей 2015 елда ачыла. Инде бүген зур ышаныч белән киләчәкнең акыллы, белемле эшче көчләре нәкъ биредә укый дип әйтә алабыз, чөнки лицей укучылары һөнәри осталык буенча уздырылган төрле конкурсларда гел беренче урынны гына алалар. Шушы көннәрдә генә алар Екатеринбургта юниорлар арасында үткән “Хай-тек” конкурсының “Сәнәгать автоматикасы” юнәлешендә катнашып беренче урынны алып кайттылар..

28 ноябрь. “Яшьлек аланы”.

IMG_20181121_103332 1. Бу көннәрдә Казанда бишенче тапкыр «Россия студентлары гүзәле» Илкүләм талантлар конкурсы үтте. Анда Пенза дәүләт университеты студенты Алина Зарейник җиңү яулады. Конкурсның финалы Казанда узды, анда Россиянең 6 федераль округыннан 12 студент кыз катнашты. Конкурс барган көннәрдә конкурста катнашкан Казан кызы Лилия Заһидуллина һәм ил күләмендә үткәрелә торган бу конкурсны оештыручыларның берсе – Руслан Әдиятуллин белән әңгәмә корган идек. IMG_20181121_103827_HHT 2. Ил күләмендә үткән “Россия студентлары гүзәле” талантлар конкурсы барган көннәрдә Казанда шулай ук Бөтенроссия буенча 2018 елның “Ел студенты”н билгеләделәр. Шунысы үзенчәлекле, әлеге конкурсларның икесе дә Рәсәй күләмендә бишенче тапкыр үткәрелә. Алар икесе дә кайчандыр Казанда башланып киткән булалар. Премия үзен төрле өлкәләрдә уңышлы итеп күрсәтә алган, өлгер, булдыклы студентларга бирелә. Быелгы премиянең приз фонды 2 миллион 100 мең сум тәшкил иткән. Казанда үткән бу конкурста Россия вузларыннан 500 иң яхшы студент катнашкан. Конкурс барлыгы 9 номинациядән тора. Аның кысаларында “Елның иң иҗади студенты”, “Ел спортчысы”, “Ел җәмәгать эшлеклесе” һәм башкалар билгеләнә. Менә шундый кызу ярыш барган көннәрдә безнең студиягә Бөтенроссия “Ел студенты – 2018” премиясе конкурсында катнашучы Игорь Смирнов һәм аны оештыручы, әлеге конкурста былтыр җиңеп, төп тантананы быел Казанга алып кайткан Нәфис Сираҗетдинов килделәр. Инде алга китеп булса да шунысын әйтик, Игорь Смирнов быелгы “Ел студенты-2018” Бөтенроссия студентлар премиясе конкурсында “Ел җәмәгать эшлеклесе” булып танылды. IMG_20181121_115032_HHT 3. 1 нче декабрь көнне көндезге 11дән төнге 12гә кадәр «Смена» заманча мәдәният үзәгендә дизайн һәм шәһәр мәдәнияте дөньясының иң көтелгән чарасы – JADIDFEST фестивале узачак! Биредә яшь һәм креатив дизайнерлар, рәссамнар, аш-су осталары, музыкантлар һәм башка индустрия вәкилләре белән танышып булачак. Фестивальдә һәркем үзе өчен кызык таба ала: тематик остаханәләрдә катнашырга, дизайнер һәм мода белгечләре лекториен тыңларга, төрле тәм-томнар татып карарга, шәп музыка тыңларга, үзегезгә һәм якыннарызга Яңа ел бүләкләрен алырга һәм башка бик күп нәрсәләр эшләргә мөмкин. Фестиваль программасына design-маркет, «Сабыйлар» үзәгеннән балалар мәйданчыгы, гыйлем фест, «Стереотипларсыз милли дизайн» темасына Акыл фабрикасы, лекторий, татар электрон музыкасы вәкилләре чыгышы кергән. Иң мөһиме болар барысы да — татар мәдәнияте турында. 1 декабрьдә фестивальдә «Стереотипларсыз милли дизайн» темасына Акыл фабрикасы узачак, анда танылган дизайнерлар, рәссамнар һәм мода белән дизайн осталары сүз тотачак. Шулай ук әлеге мәйданчыкта бушлай идеяләр тарату сеансы узачак. Ләкин Акыл фабрикасында милли дизайн темасы гына кузгатылмаячак, Башкортостан һәм Казахстан белгечләре заманча этно-брендлар, трендлар үзгәреше һәм этно-дизайн дөньясының актуаль вакыйгалары турында да сөйлиячәк.

21 ноябрь. “Яшьлек аланы”.

шаян дети тат 21 ноябрь - Халыкара телевидение көне. Әгәр даими телевизор карап барасыз икән, андагы бер мөһим үзгәрешне, яңа бер канал барлыкка килүен инде сизәргә өлгергәнсездер. Бик кирәкле һәм мөһим һәр татар гаиләсенең тугрылыклы дусты, тәрбиячесе булырга тиешле бу канал – “Шаян ТВ” дип атала. Әйе, моннан нәкъ бер атна элек ул эфир киңлекләренә аваз салды. Шул уңайдан студиябез кунаклары – ут күршеләребез “Шаян ТВ” телеканалы хезмәткәрләре. IMG_20181119_070818_HHT

14 ноябрь. “Яшьлек аланы”.

школа молод студент вуз Бу тапшыру актив,  күңелле һәм кызык тормыш белән яшәүче яшьләр өчен әзерләнә. Без Саба районы Явлаштау авылына юл тотабыз. Безне мавыктыргыч, кызыклы сәфәр көтә. Без аны Казан-Иштуган станциясенә кадәр электричкада үтәрбез...

7 ноябрь. «Яшьлек аланы».

radiozgierz Бәхет өчен күп кирәкми! Кайчандыр үз-үзеңә биргән вәгъдәңне җиренә җиткереп үтәү дә җитә! Бүген аланыбызга керергә әзер торган талантлы яшьтәшебез, җыр-моңнарыбызны сөюче Рамил Хәйретдинов турында да шулай дияргә мөмкин.

31 октябрь. “Яшьлек аланы”.

OLYMPUS DIGITAL CAMERA Бүген без сезне дөньядагы иң зур байлык - сәламәтлек турында сөйләшергә чакырабыз. Бигрәк тә тешләр сәламәтлеге хакында. Халкыбыз бу уңайдан: "Тешең булганда таш кимер" дип юкка гына әйтмәгәндер. Галимнәр әйтүенчә, тешләр - кеше яшәешендә мөһим роль уйный. Организмның сау-сәламәт булуы нәкъ менә тешләргә бәйле. Кеше үзе тукланган нәрсәләрдән тора диләр. Ә без бу гыйбарәне тулыландырып, ризыкны ничек куллануыннан дибез, чөнки яхшылап чәйнәлмәгән, туракланмаган ризык начар эшкәртелә һәм ашказанының тиз эштән чыгуына китерә. Шуңа күрә тешләребез турында яшьтән үк кайгыртсак иде. Тапшыруыбызның тәүге кунагы - яшь белгеч, теш табибы Булат Мусин да шундый фикердә. 2. Шушы көннәрдә генә Г.Кариев исемендәге Татар дәүләт яшь тамашачы театрында премьера булды. Тамашачылар игътибарына Зиннур Хөснияр пьесасы буенча куелган “Ут чәчәге” дигән спектакль тәкъдим ителде. Аны Татарстанның атказанган артисты Илфат Камалиев сәхнәләштергән. Спектакльгә безнең рецензия. 3. Без яшәгән заман мәгълүмат күплеге һәм тизлек белән характерлана. Ә яшьләр бүген күп кенә мәгълүматны интернеттан, төрле социаль челтәрләрдән алырга күнегеп бара. Кесәдәге телефон аша бүген бар дөньяга бер мизгел эчендә хәбәр таратырга мөмкин. Хәтта синең авылда булып яткан төрле хәлләр, яңалыклар башкаларга да кызык булырга мөмкин. Ә авылдашлар өчен бигрәк тә. Сүзебез соңгы вакытта Инстаграмда бик тә активлашып киткән авыл сәхифәләре турында. Студиябезнең чираттагы кунагы, Казан федераль университетының Журналистика һәм медиакоммуникацияләр югары мәктәбе студенты, Саба районының Явлаштау авылы кызы Рәфидә Галимҗанова, мәсәлән, дусты белән үз авылларының битен бик актив алып бара. Аларның бердәм эшен авылдашлары гына түгел, авылдан читтә яшәүчеләр дә хуплый, чөнки туган авылларын сагынучылар өчен бу виртуаль дөнья юанырга, сагышлардан арынырга ярдәм итә.

24 октябрь. “Яшьлек аланы”.

тат -“Татар-информ” мәгълүмат агентлыгында яшьләр сәясәтенә багышланган матбугат конференциясе булды. Журналистлар белән очрашуга әле яңа гына оешкан Татарстан Республикасы Яшьләр эшләре министрының беренче урынбасары Тимур Сөләйманов килгән иде. Әле бу вазыйфада аның каләм әһелләре белән беренче очрашуы иде бу. Моңарчы без аны республикабызның “Сәләт” яшьләр оешмасының көчле лидеры буларак белә идек. Шуңа күрә әңгәмә башында ук Тимур Сөләйманов “Сәләт – минем өчен фикерләү рәвеше. Хәзер анда көчле команда тупланды. Минем өчен яңа вазыйфада төп бурыч – башка татар оешмаларында да сәләт мохите тудыру. Шулай булганда, бәрәкәт булыр,” – дип белдерде ул. Әлбәттә, әңгәмәнең төп, актуаль мәсьәләсе булып яңа министрлык алдында торган бурычлар турында сөйләшү булды. - Әле быел яз без сезгә Чиләбе белән бәйле бер күңелле хәбәр әйткән идек. Анда татар театр студиясе кабат эшли башлады. Һәм аның эшендә бүгенге әңгәмәдәшем – Чиләбе егете Эльдар Гыйбадуллин да актив катнаша. Аның белән очрашуыбыз быел Казанда үткән Бөтендөнья татар яшьләре форумы көннәрендә очрашып әңгәмә корган идек. Эльдар үзе Чиләбенең татар тормышында кайнап яши. Башкалабыз Казанда үткән форумда ул беренче тапкыр 2016 елда килә. Быел инде үзе бер төркем яшьләрне ияртеп килгән иде. Чиләбе татар конгрессыннан алар 25 егет-кыз булып чыкты. Эльдар әйтүенчә, төп эш – яшьләргә мондый форумга килүнең максатын аңлату. Ә максат – яңа проектлар белән танышу һәм Чиләбегә алып кайту.