Яшьлек аланы

27 февраль. “Яшьлек аланы”.

IMG_8224 Бүгенге тапшыруда без Сезне яшь иҗатчы-автор Чулпан Хаҗиева белән таныштырабыз. Ул үзе Казаныбызның Ш.Мәрҗани исемендәге 2 татар гимназиясендә 11 нче сыйныфта укый. Үзен әдәбиятта проза өлкәсендә сыный: хикәяләр яза. 2018 елда аның хикәяләре Россиякүләм “Глаголица” иҗат конкурсында Гран-прига лаек була. Тагын шунысы сөенечле, “Казан утлары” журналының февраль санында “Яңа исемнәр” дигән рубрикада Чулпанның “Әсәлем” хикәясе укучыларга тәкъдим ителде. Бүген без Чулпанның үзе белән якыннанрак танышырбыз һәм аның әлеге хикәясеннән өзек тыңларбыз. IMG_8226   IMG_8225

20 февраль. “Яшьлек аланы”.

тат орнам вышивк 2 Студиябезнең бүгенге кунаклары – “Сәләт” яшьләр үзәгенең директор урынбасары Игорь Смирнов һәм активист Зәринә Хәлилова. Без бүген тиздән тапшырылачак “Сәмрух” ел премиясе турында әңгәмә корабыз. Шунысы үзенчәлекле быел “Сәләт” яшьләр үзәгенә дә 25 ел тула.

13 февраль. “Яшьлек аланы”.

школа Студиябезнең бүгенге кунагы – Габдрахман авылы мәдәният йорты директоры Айдар Газизуллин. Без аның белән яшьләрнең авылның мәдәни тормышында катнашуы хакында әңгәмә корабыз.

6 февраль. “Яшьлек аланы”.

IMG_20190131_104632_HHT Белем алырга бер вакытта да соң түгел диләр. Шушы көннәрдә, 9 нчы февральдә, башкалабыз Казанда «Ачык университет» түләүсез белем бирү проекты башланып китәчәк. Аны төп оештыручыларның берсе – Бөтендөнья татар яшьләре форумы. Бүген без проектның кураторы, Бөтендөнья татар яшьләре форумы вәкиле Эльза Нәбиуллина белән әлеге кызыклы, мөһим проект турында сөйләшергә дип җыелдык.

30 гыйнвар. “Яшьлек аланы”.

комп мол студ Бу тапшыру актив,  күңелле һәм кызык тормыш белән яшәүче яшьләр өчен әзерләнә. Студиябезнең бүгенге кунаклары – “Сәләт” яшьләр үзәгенең директор урынбасары Игорь Смирнов һәм активист Зәринә Хәлилова. Без бүген тиздән тапшырылачак “Сәмрух” ел премиясе турында әңгәмә корабыз. Шунысы үзенчәлекле быел “Сәләт” яшьләр үзәгенә дә 25 ел тула.  

23 гыйнвар. “Яшьлек аланы”.

IMG_8032 Тагын берничә көннән, 25 гыйнварда Студентлар көне билгеләп үтеләчәк. Икенче төрле без аны Татьяна көне дип тә атыйбыз. Бу көнне республикабызның иң зур сәхнәләренең берсендә – “Пирамида”да ел саен тапшырыла торган “Татарстанның Ел студенты” премиясе тапшырыла. Бүген шушы вакыйга турында сөйләшү өчен студиябезгә кунакка Татарстан Республикасы Студентлар лигасы Президенты Руфат Кыямов һәм быелгы премиянең “Гран-при” номинациясендә катнашучы Ислам Шәрифуллин килделәр.     IMG_8028

16 гыйнвар. “Яшьлек аланы”.

IMG_20181224_211810_HHT Бүген без сезне “Дәрт” дип аталган яшь һәвәскәрләр театраль труппасы белән таныштырырга булдык. Алар былтыр май аенда “Җәүдәт белән Зөбәрҗәт” спектаклен күрсәткәннәр иде. Чираттагы премьера узган елның 24 нче декабрендә булды. Үзешчәннәр театраль труппасы “Чаткылар” дигән спектакль тәкъдим итте. Режиссеры – Әминә Миндияр. Яшьләр тәкъдим иткән “Чаткылар” спектакле – документаль әсәр. Ул 1905 нче елгы революциядән алып 1921 елгы ачлык вакыйгаларын колачлый. Спектакльнең нигезен 20 йөз башында яшәгән һәм хезмәт иткән шәхесләрнең — Заһидә Бурнашева, Сәхибҗамал Гыйззатуллина-Волжская, Маһруй Мозаффария, Вафа Бәхтияров истәлекләре, газета язмалары, Фатих Әмирхан һәм Галиәсгар Камал пьесалары, шулай ук бар гомерен Иске татар бистәсендә үткәргән Нурания Биктимерова белән әңгәмә тәшкил итә. Яшьләрнең спектакльне куюда зур киңәшчеләре халык язучысы, драматург Рабит Батулла була. Ә текстларны пьеса итеп журналист Рәдиф Кашапов туплаган. Спектакльнең музыкаль бизәлешен яшь композитор Миләүшә Хәйруллина эшләгән. Тәрҗемә белән Зөләйха Камалова шөгыльләнгән. Артистлар арасында студентлар, төрле һөнәр ияләре бар. Хөрмәт йөзеннән аларны атап та китик: Айгөл Абдрахманова, Айдар Әхмәдиев, Энҗе Әхмәтҗанова, Гөлназ Гыймадиева, Айназ Газизов, Ильяс Минһаҗев, Эльвира Рәфыйкова, Ләйлә Хәбибуллина һәм Ленар Хамматов. Спектакльдә тамашачы бу яшьләрне берничә образда күрде. Рольгә керү тамашачы күз алдында барды. “Чаткылар” спектакле барлыгы 11 бер-берсенә бәйле өлештән тора. Истәлекләр арасына 2 пьесадан өзекләр дә сыйган. Бу – Фатих Әмирханның “Яшьләр” һәм Галиәсгар Камалның “Беренче театр” пьесалары. Шушы әсәрләр арасында 3 сюжет сызыгы аерылып тора. Бу – аталар һәм балалар проблемасы белән үрелгән җәдитчелек һәм кадимчелек көрәше, эмансипация һәм театр тарихы сәхифәләре.

9 гыйнвар. «Яшьлек аланы».

IMG_4816 Яңа ел – үткән елга йомгак ясау һәм киләчәккә планнар кору вакыты. Без дә әлеге күркәм традициягә тугры булып студиябезгә республикабызның яшьләр оешмалары вәкилләрен чакырдык. Бүген бездә кунакта – Бөтендөнья татар яшьләре форумы рәисе урынбасары Айрат Фәйзрахманов һәм “Сәләт” яшьләр үзәге директоры урынбасары Игорь Смирнов.

26 декабрь. “Яшьлек аланы”.

тат орнам вышивк 2 Яңа ел – үткән елга йомгак ясау һәм киләчәккә планнар кору вакыты. Без дә әлеге күркәм традициягә тугры булып студиябезгә республикабызның яшьләр оешмалары вәкилләрен чакырдык. Бүген бездә кунакта – Бөтендөнья татар яшьләре форумы рәисе урынбасары Айрат Фәйзрахманов һәм “Сәләт” яшьләр үзәге директоры урынбасары Игорь Смирнов.