Язучылар – балаларга

10 ноябрь. “Язучылар — балаларга”.

дети книга Бүген без шагыйрь, әле шушы көннәрдә генә А.Алиш исемендәге әдәби премиягә лаек булган Факил Сафинның “Әйдәгез, дуслашыйк!”  дигән китабы белән танышырбыз, үзе белән  әңгәмә тыңларбыз.

29 сентябрь. “Язучылар-балаларга”.

дети книга Бүген без шагыйрь, Татарстанның атказанган мәдәният хезмәткәре, Гаяз Исхакый, Александр Грибоедов исемендәге әдәби премияләр лауреаты Факил Сафинның   әле яңа гына “Рухият” нәшриятында басылып чыккан “Әйдәгез, дуслашыйк!”  дигән китабы белән танышырбыз һәм авторның үзе белән әңгәмә тыңларбыз.

8 сентябрь. “Язучылар — балаларга”.

дети книга 1 Бүгенге тапшыруыбыз күренекле татар балалар язучысы Абдулла Алиш иҗатына багышлана. 15 сентябрьдә аның тууына 110 ел тула. Тапшыруыбыз барышында  язучының ”Бик яхшы сабак алды ябалак”, “Куян кызы “ һәм  Абдулла Алишның  авылдашлары -  Көек мәктәбе укучылары башкаруында “Чукмар белән Тукмар” әкиятен  ишетербез.

18 август. “Язучылар — балаларга”.

дети книга Бүгенге тапшыруыбыз  балалар язучысы, Татарстанның атказанган мәдәният хезмәткәре,  язучылар берлегенең Абдулла Алиш исемендәге әдәби бүләк иясе Вакыйф Вәкил улы Нуриев иҗатына багышлана. Кичә, 17 августта ул үзенең 60 яшьлек юбилеен каршылады. Бүген без аның белән әңгәмә һәм   “Матуркай” дигән хикәясен тыңларбыз.

28 июль. “Язучылар — балаларга”.

дети книга Бүгенге тапшыруыбыз   Татарстанның халык шагыйре, Габдулла Тукай исемендәге Дәүләт премиясе лауреаты Роберт Мөгаллим улы Миңнуллин иҗатына багышлана. Бу көннәрдә ул үзенең 70 яшьлек юбилеен каршыларга әзерләнә.

7 июль. “Язучылар — балаларга”.

дети книга Бүгенге тапшыруыбыз балалар язучысы, шагыйрь  Рәшит Гаффар улы Бәшәр иҗатына багышлана.  Сез аның белән телефон аша язып алынган кыска гына әңгәмә тыңларсыз һәм  авторның  балалар өчен иҗат иткән кайбер  шигырьләрен ишетерсез.

16 июнь. “Язучылар — балаларга”.

дети книга 3 Бүген без шагыйрь Фәннур Сафин иҗаты белән танышырбыз.  Аның балаларга атап  язган “Яңгыр малае” исемле җыентыгына кергән шигырьләрен һәм кайбер җырларын тыңларбыз. Тапшыру шагыйрьнең  тууына  70 ел тулу уңеннан әзерләнде.

26 май. “Язучылар — балаларга”.

дети книга Бүгенге тапшыруыбызны танылган шагыйрь Шәүкәт Галиев иҗатына багышлыйбыз. Аның балалар өчен иҗат иткән шигырьләрен танылган артистларыбыз укуында  һәм радиобыз фондында сакланган  “И туган тел” дигән шигырен   үз язмасында тыңларбыз.

28 апрель. “Язучылар – балаларга”.

дети книга Бүгенге тапшыруыбызда танылган шагыйрә Эльмира Шәрифуллинаның Татарстан китап нәшриятында балалар өчен  басылып чыккан   шигырьләр, җырлар , сценарийлар, әкиятләр, хикәяләр һәм табышмаклар тупланган китабы белән танышырбыз, авторның үзе укуында шигырьләрен ишетербез.