Язучылар – балаларга

22 апрель. “Язучылар — балаларга”.

дети книга Бүгенге тапшыруыбызны бөек шагыйребез Габдулла Тукайның тууына 131 ел тулу уңаеннан әзерләдек.  Аның    ятим балачагы турында язган «Исемдә калганнар» әсәренең бер өлешен бергәләп тыңлыйк.

18 март. “Язучылар — балаларга”.

rybub (2) Без  бүген сезне  Татарстан китап нәшриятында балалар һәм яшүсмерләр өчен басылып чыккан кайбер китаплар   белән таныштырырбыз.  Әле күптән түгел  басылып чыккан  китаплар турында аларны дөньяга чыгаруда үзләренең зур хезмәтләре кергән мөхәррирләр үзләре сөйләр.

25 февраль. “Язучылар — балаларга”.

дети читают Бүгенге тапшыруыбыз язучы,  Татарстанның һәм Россиянең  атказанган мәдәният хезмәткәре Рәфкать Кәрәми иҗатына багышлана. Без аның  үзе укуында “Бәхет” дигән хикәясен ишетербез. Авторның  “Кушаматлы Әбүзәр “ хикәясен Тәлгат Хаматшин укып ирештерер.

4 февраль. “Язучылар-балаларга”.

91216_3 Без  бүгенге тапшыруыбызда  сезне  Татарстан китап нәшриятында балалар һәм яшүсмерләр өчен басылып чыккан кайбер китаплар   белән таныштырырбыз.  Әле генә дөнья күргән  китаплар турында аларны дөньяга чыгаруда үзләренең зур хезмәтләре кергән мөхәррирләр үзләре сөйләр.

14 гыйнвар. “Язучылар — балаларга”.

дети комп Бүгенге тапшыруыбыз шагыйрь, прозаик, публицист, Татарстанның халык язучысы, Татарстанның Габдулла Тукай исемендәге Дәүләт премиясе лауреаты Марсель Баян улы Галиев   иҗатына багышлана.

10 декабрь. “Язучылар — балаларга”.

дети комп Бүгенге тапшыруыбызны шагыйрь Ленар  Шәех иҗатына багышлыйбыз. Дөресрәге, без аның Кыргызстанның Бишкәк  китап нәшриятында басылып чыккан «Амбал малай»  дигән китабына кергән шигырьләрен сезнең игьтибарга тәкьдим итәрбез. Алар белән танышыр алдыннан   Ленар Шәех белән әлеге китап турында  әңгәмә ишетербез.

29 октябрь. “Язучылар — балаларга”.

дети комп Бүгенге тапшыруыбыз танылган шагыйрь һәм публицист Әхмәт Рәшит иҗатына багышлана. Әхмәт Рәшитне без күбрәк “Беренче мәхәббәт”, “Зәңгәр күлмәк”, “Тәрәзәләр язга елмая” кебек популяр җырлар аша беләбез. Ләкин бүгенге мәктәп укучысы аны балалар шагыйре буларак та яхшы белә. Аны без  мәктәпләрдә  балалары белән очрашуларда да еш күрәбез. Бүген  без сезнең игьтибарга Әхмәт Рәшитнең балалар өчен иҗат иткән шигырьләрен тәкьдим итәрбез һәм үзе белән кызыклы әңгәмә дә көтә. Бергәләп тыңлыйк.

17 сентябрь. “Язучылар — балаларга”.

1234yyyy - копия Бүгенге тапшыруыбыз күренекле татар балалар язучысы Абдулла Алиш иҗатына багышлана. Без аны һәр елны туган көне якынлашкан көннәрдә  зурлап искә алабыз, шигырь — әкиятләрен сәхнәләштерәбез. Бүгенге тапшыруда да язучының кайбер әсәрләрен балалар белән бергәләп яңартырбыз.

27 август. “Язучылар — балаларга”.

tatarskiy Бүген без шагыйрь, Татарстанның атказанган мәдәният хезмәткәре, Гаяз Исхакый, Александр Грибоедов исемендәге әдәби премияләр лауреаты Факил Сафин иҗаты белән танышырбаз, аның “Кибеткә баручы аю”  дигән китабына кергә шигырьләрен тыңларбыз. Автор белән булган кыска гына әңгәмә дә шигьрият яратучылар өчен кызыклы булыр, дип уйлыйбыз. Тапшыруны бергәләп тыңлыйк.